34 Kavamahanga abanye namwe ari kavamahanga, kuri mwebwe aze acike nk’imvukira yanyu. Utegerezwa kumukunda nk’uko wikunda+, kuko mwacitse ba kavamahanga mu gihugu ca Misiri+. Ndi Yehova Imana yanyu.

22 “‘Mukwiye kugengwa n’ingingo y’ubutungane imwe. Kavamahanga akwiye kuba cokimwe n’imvukira+, kuko ndi Yehova Imana yanyu+.’”

16 Rusi avuga ati: “Yaco unyinginga ngo nguhebe, ngo nsubire inyuma ndeke kujana nawe; kuko aho uzoja ari ho nzoja, kandi aho uzorara ni ho nzorara+. Abantu bawe bazoba abantu banje+, n’Imana yawe ibe Imana yanje+.

43 wewe ubwawe uze wumvirize uri mu majuru, ahantu hashimangiye uba+, maze ukore wisunze ivyo uwo munyamahanga azoba aguhamagariye vyose+; kugira ngo ibisata vyo kw’isi vyose bimenye izina ryawe+ maze bigutinye nk’uko igisata cawe Isirayeli kigutinya, no kugira bimenye yuko izina ryawe ryambarijwe kuri iyi nzu nubatse+.

17 Kandi mu ntara z’ubutware zitandukanye zose no mu bisagara bitandukanye vyose, ahantu hose ijambo ry’umwami n’itegeko ryiwe vyashika, haba umunezero n’umwigino ku Bayuda, inzimano+ n’umusi mwiza; kandi vyinshi mu bisata vy’abantu+ vy’ico gihugu vyariko vyiyita Abayuda+, kuko bari basigaye bafitiye ubwoba+ Abayuda.

3 Vyongeye, ndongeye gushingira intahe umuntu wese agenyerwa, yuko abwirizwa gushitsa Itegeko ryose+.