1 Ngoma
16 Gutyo binjiza isandugu y’Imana y’ukuri+, bayishira mw’ihema Dawidi yari yarayishingiye+; maze batangura gushikiriza imbere y’Imana y’ukuri amashikanwa aturirwa n’ibimazi vy’ugusangira+. 2 Dawidi arangije gushikana ishikanwa riturirwa+ n’ibimazi vy’ugusangira+, atangura guhezagira+ abantu mw’izina rya Yehova+. 3 Vyongeye, agabanganiriza+ ibifungurwa Abisirayeli bose, umugabo n’umugore, umwe wese amuha akamanyu k’umukate k’umuzingi n’agatsima ko mu ngazi z’itende n’agatsima k’inzabibu zumye. 4 Maze ashira imbere y’isandugu ya Yehova bamwe mu Balewi+ ngo babe abasuku+, kugira ngo bibutse+ abantu no kugira ngo bakengurukire+ bongere bashemeze+ Yehova Imana ya Isirayeli: 5 Asafu+ umukuru, uwugira kabiri kuri we akaba yari Zekariya, hanyuma Yeyeli na Shemiramoti na Yehiyele na Matitiya na Eliyabu na Benaya na Obedi-edomu na Yeyeli+, bafise ibicurarangisho vyo mu bwoko bw’ibifise imirya, n’inanga+, Asafu+ akaba yari afise ivyuma bisāma vyo kuvuza n’ijwi ryumvikana+, 6 na Benaya na Yahaziyeli abaherezi bafise inzumbete+ ubudasiba imbere y’isandugu y’isezerano ry’Imana y’ukuri.
7 Kuri uwo musi ni ho rero Dawidi yatanga intererano+ ari bwo bwa mbere kugira akengurukire+ Yehova biciye kuri Asafu+ no kuri bene wabo:
8 “Nimukengurukire Yehova+; nimwambaze izina ryiwe+,
Mumenyeshe ibikorwa vyiwe mu bisata vy’abantu+!
12 Nimwibuke ibikorwa vyiwe vy’agatangaza yaranguye+,
Ibitangaro vyiwe n’ingingo z’ubutungane* z’akanwa kiwe+,
13 Yemwe ruvyaro rwa Isirayeli umusavyi wiwe+,
Mwebwe bene Yakobo, abo yatoye+.
14 Ni we Yehova Imana yacu+; mw’isi yose hari ingingo ziwe z’ubutungane+.
15 Nimwibuke isezerano ryiwe, egome, gushika igihe kitagira urugero+,
Mwibuke ijambo yategetse, gushika ku mayaruka igihumbi+,
16 Isezerano yagiranye na Aburahamu+,
N’indahiro yarahiye Izahaki+.
17 Iyo yagumijeho bwa ngingo nyobozi kuri Yakobo+,
Bwa sezerano ryamaho igihe kitagira urugero kuri Isirayeli+,
20 Kandi baguma bagendagenda bava mw’ihanga baja mu rindi+,
Bava mu bwami bumwe bagana ikindi gisata+.
21 Ntiyemeye ko hagira n’umwe abagunga+,
Mugabo kubera bo, yarakangiriye abami+,
22 Ati: ‘Ntimukore ku bo narobanuje amavuta,
Kandi ntihagire ikintu kibi na kimwe mugirira abahanuzi banje+.’
24 Nimwigane mu mahanga ubuninahazwa bwiwe,
Mwigane mu bisata vy’abantu vyose ibikorwa vyiwe vy’agatangaza.
25 Kuko Yehova ahambaye kandi ni uwo gushemezwa rwose+,
Kandi akaba akwiye gutinywa kurusha izindi mana+ zose.
28 Nimuherereze kuri Yehova, yemwe miryango y’ibisata vy’abantu,
Nimuherereze kuri Yehova ubuninahazwa n’inkomezi+.
29 Nimuhe Yehova ubuninahazwa bw’izina ryiwe+,
Nimutware ingabirano mwinjire imbere yiwe+.
Nimwunamire Yehova mu gushaza kweranda+.
30 Nimugire ububabare bukaze kubera we, yemwe abo kw’isi mwese!
N’ubutaka bwimbuka burashimangiwe:
Ntibuzokwigera bunyiganyizwa+.
31 Amajuru nahimbarwe, isi na yo inezerwe+,
Nibivuge mu mahanga biti: ‘Yehova ubwiwe acitse umwami+!’
33 Ico gihe nyene, ibiti vyo mu kibira nibiturikishe binezerwe kubera Yehova+,
Kuko aje gucira imanza isi+.
34 Nimukengurukire Yehova, kuko ari mwiza+,
Kuko ubuntu bwuzuye urukundo bwiwe ari ubwo gushika igihe kitagira urugero+.
35 Muvuge muti: ‘Dukize, ewe Mana y’ubukiriro bwacu+,
Utwegeranye maze udukize udukuye mu mahanga+,
Ngo dukengurukire izina ryawe ryeranda+, ngo tuvugane ukwigina tugushemeza+.
36 Hahezagirwe Yehova ya Mana ya Isirayeli kuva igihe kitagira urugero gushika igihe kitagira urugero+.’”
Nuko abantu bose bavuga bati: “Amen!” bongera bashemeza Yehova+.
37 Maze asiga Asafu+ na bene wabo ng’aho imbere y’isandugu y’isezerano rya Yehova ngo bame bakorera+ imbere y’iyo Sandugu, nk’uko bibwirizwa kugirwa ku musi ku musi+; 38 asiga na Obedi-edomu na bene wabo, mirongo itandatu n’umunani, na Obedi-edomu mwene Yedutuni na Hosa ngo babe abarinzi b’irembo; 39 asiga na Zadoki+ umuherezi na bene wabo abaherezi imbere y’itaberenakulo ya Yehova ku kibanza gikirurutse* cari i Gibeyoni+, 40 kugira ngo bame bashikanira Yehova amashikanwa aturirwa ku gicaniro c’ishikanwa riturirwa, mu gitondo no ku mugoroba, no kugira ngo bitwararike ibintu vyose vyanditswe mw’itegeko rya Yehova, iryo yategetse Isirayeli+; 41 kandi hamwe na bo ashiraho Hemani+ na Yedutuni n’abasigaye bo mu bagabo batowe, bavuzwe+ amazina, kugira ngo bakengurukire Yehova+, kuko “ubuntu bwuzuye urukundo bwiwe ari ubwo gushika igihe kitagira urugero+”; 42 Hemani+ na Yedutuni+, abashira hamwe na bo kugira ngo bavuze inzumbete+ n’ivyuma bisāma n’ibicurarangisho vy’ururirimbo rw’Imana y’ukuri; bene+ Yedutuni na bo bashirwa kw’irembo. 43 Maze abantu bose baragenda, umwe wese ku nzu yiwe+. Nuko Dawidi aja guhezagira inzu yiwe.