Zaburi

97 Yehova ubwiwe acitse umwami+! Isi nigire akanyamuneza+.

Ya mazinga menshi nanezerwe+.

 2 Ibicu n’umuzimagiza w’umuzitanya bikwiye irya n’ino yiwe hose+;

Ubugororotsi be n’ubutungane ni vyo kibanza gishimangiye c’intebe yiwe y’ubwami+.

 3 Umuriro ugendera imbere yiwe+,

Kandi uyigiza abarwanizi biwe bose irya n’ino+.

 4 Imiravyo yiwe yabonesheje ubutaka bwimbuka+;

Isi yarabibonye, igira ububabare bukaze+.

 5 Imisozi ubwayo yatanguye gushonga nk’ishashara kubera Yehova+,

Kubera Umukama w’isi yose+.

 6 Amajuru yamenyesheje ubugororotsi bwiwe+,

Kandi ibisata vy’abantu vyose vyabonye ubuninahazwa bwiwe+.

 7 Abo bose bakorera igishusho c’ikibazano ico ari co cose nibamaramare+,

Barya biratira imana ata co zimaze+.

Nimumwunamire, yemwe mwa mana mwese+!

 8 Siyoni yaravyumvise itangura kunezerwa+,

Ibisagara bikukira Yuda na vyo bitangura kugira akanyamuneza+

Kubera ingingo zawe z’ubutungane, ewe Yehova+!

 9 Kuko wewe, ewe Yehova, ari wewe Musumbavyose hejuru y’isi yose+;

Waduze hejuru cane y’izindi mana zose+.

10 Yemwe abakunda Yehova+, nimwanke ikibi+.

Arinda ubuzima bw’intahemuka ziwe+;

Abarokora mu kuboko kw’ababisha+.

11 Umuco ubwawo warabije ku bw’umugororotsi+,

Umunezero na wo ku bw’abantu b’umutima ugororotse+.

12 Nimunezerwe muri Yehova, yemwe bagororotsi+,

Mukengurukire icibutso ciwe ceranda+.