Zaburi

19 Amajuru amenyesha ubuninahazwa bw’Imana+;

Ikirere na co kivuga igikorwa c’amaboko yayo+.

 2 Umurango umwe inyuma y’uwundi uratuma imvugo idudubiza+,

Kandi ijoro rimwe inyuma y’irindi rirerekana ubumenyi+.

 3 Nta mvugo iriho, kandi nta majambo ariho;

Nta jwi ryavyo ryumvikana+.

 4 Ikamba yavyo yo gupimisha yagiye mw’isi yose+,

Amajambo yavyo na yo yashitse ku mpera y’ubutaka bwimbuka+.

Muri yo ni ho yashingiye izuba ihema+,

 5 Kandi rimeze nk’umukwe igihe asohoka ava mu cumba ciwe c’ubugeni+;

Rihimbarwa nka kurya umunyenkomezi ahimbarwa no kwiruka mu nzira+.

 6 Ku mpera imwe y’amajuru ni ho risohokana,

Kandi iherezo ry’urugendo rwaryo riri ku zindi mpera zayo+;

Nta na kimwe gihishijwe ngo ntigishikirwe n’ubushuhe bwaryo+.

 7 Itegeko+ rya Yehova ntirigira akanenge+, rihembura umuntu+.

Icibutsa+ ca Yehova ni ico kwizigirwa+, gituma umuntu atazi utuntu n’utundi aba inkerebutsi+.

 8 Amateka+ ava kuri Yehova aragororotse+, atuma umutima unezerwa+;

Ibwirizwa+ rya Yehova ntiryanduye+, rikayanganisha amaso+.

 9 Ugutinya+ Yehova kuratyoroye, kwamaho ibihe bidahera.

Ingingo z’ubutungane+ za Yehova ni iz’ukuri+; zabonetse ko zigororotse zose+.

10 Ni izo kwipfuzwa kuruta inzahabu, egome, kuruta inzahabu nyinshi zityoroye+;

Kandi zisosa kuruta ubuki+ be na bwa buki butemba bwo mu bimamara+.

11 Vyongeye, umusavyi wawe yaburiwe na zo+;

Kuzubahiriza birimwo impera nini+.

12 Amakosa, ni nde yoyatahura+?

Nunyite intungane unkureko ibicumuro vyihishije+.

13 Nurinde umusavyi wawe ibikorwa vy’ukwita imbere+;

Ntureke ngo binganze+.

Ico gihe nzoheza mbe uwukwiye+,

Kandi nzoba nagumye ndi intungane ku bijanye n’ukugabitanya kwinshi.

14 Amajambo y’akanwa kanje be n’ukuzirikana kw’umutima wanje+

Nibibe ibihimbaye imbere yawe, ewe Yehova Gitandara canje+ n’Umucunguzi wanje+!