Zaburi

149 Shemeze Ya+!

Ririmbire Yehova ururirimbo rushasha+,

Ririmbe ishemezo ryiwe mw’ishengero ry’intahemuka+.

 2 Isirayeli ninezererwe Umuhinguzi wayo Ahambaye+,

Abana ba Siyoni, emwe, nibahimbarirwe Umwami wabo+.

 3 Nibashemeze izina ryiwe batamba+.

Nibamuhibongoreze bavuza akagoma n’inanga+.

 4 Kuko Yehova ahimbarwa n’abantu biwe+.

Aha ubwiza abatekereza mu kubambika ubukiriro+.

 5 Intahemuka nibigine mu buninahazwa;

Nibihe akamo k’umunezero ku bitanda vyabo+.

 6 Indirimbo zihayagiza Imana nizibe mu muhogo wabo+,

Inkota y’ubugi bubiri ibe mu kuboko kwabo+,

 7 Ngo hashitswe ukwihōra ku mahanga+,

Uguhambarirwa ku miryango y’amahanga+,

 8 Ngo abami babo baboheshwe iminyororo+,

Abaninahaye babo na bo amapingu y’icuma,

 9 Ngo bashitsweko ingingo y’ubutungane yanditswe+.

Mwene ubwo bwiza bwakaka ni ubw’intahemuka ziwe zose+.

Shemeze Ya+!