Imigani

15 Inyishu, iyo irimwo ubwitonzi, ikevya uburake+, mugabo ijambo ritera umubabaro riduza ishavu+.

2 Ururimi rw’abantu b’inkerebutsi rukora ineza biciye ku bumenyi+, mugabo akanwa k’ibijuju kadudubiza ubupfu+.

3 Amaso ya Yehova ari ahantu hose+, akaguma areretse ababi n’abeza+.

4 Ugutekana kw’ururimi ni igiti c’ubuzima+, mugabo ubugorame muri rwo busobanura ukuvunika umutima+.

5 Umuntu w’igipfu wese, agaya indero ya se wiwe+, mugabo uwitaho igikangiro wese ni umunyabwenge+.

6 Mu nzu y’umugororotsi haba ikigega kibogaboga+, mugabo mu mwimbu w’umubisha haba ugukumīrwa+.

7 Iminwa y’umuntu w’inkerebutsi iguma ikwiragiza ubumenyi+, mugabo umutima w’ibijuju ntumeze ukwo+.

8 Ikimazi c’ababisha ni ikintu giteye ishishi kuri Yehova+, mugabo isengesho ry’abagororotse riramuhimbara+.

9 Inzira y’umubisha ni ikintu giteye ishishi kuri Yehova+, mugabo akunda uwukurikirana ubugororotsi+.

10 Indero ni mbi ku wuva mu munyuro+; uwanka igikangīro wese azopfa+.

11 Ukuzimu be n’ikibanza c’agatikizo+ biri imbere ya Yehova+. Hari akantu imitima y’abana b’abantu+!

12 Umushinyaguzi ntakunda uwumukangīra+. Ntazoja ku bantu b’inkerebutsi+.

13 Umutima unezerewe utuma mu maso hamera neza+, mugabo bivuye ku mubabaro wo mu mutima haba umushaha ukubititse+.

14 Umutima utegera urarondera ubumenyi+, mugabo akanwa k’ibijuju gahahamira ubupfu+.

15 Imisi yose y’umurushwa ni mibi+; mugabo uwunezerewe ku mutima yama ku nzimano+.

16 Duke mu gutinya Yehova+ turuta umurengera uri kumwe n’umuvurungano+.

17 Icibo c’imboga ahari urukundo+ kiruta ishūri yagabuririwe mu bwato ikadoha, iri kumwe n’urwanko+.

18 Umuntu ashangashiwe avyura amahane+, mugabo uwuteba gushavura atururuza imitongano+.

19 Inzira y’ikinebwe imeze nk’uruzitiro rw’ibihandambwa+, mugabo umunyuro w’abagororotse ni inzira iringanije+.

20 Umwana w’inkerebutsi ni we anezereza se+, mugabo umuntu w’ikijuju asuzugura nyina+.

21 Ubupfu ni umunezero ku wutagira umutima+, mugabo umuntu ari n’ugutahura agenda atumbereye imbere+.

22 Imigambi irapfa ahatagira ikiyago c’akabanga+, mugabo mu bajanama indiri haragira igishitsweko+.

23 Umuntu aranezererwa inyishu y’akanwa kiwe+, kandi ijambo rije ku gihe caryo, ewe kuntu ari ryiza+!

24 Ku wukorana ugutahura kwimbitse+, umunyuro w’ubuzima ugenda amaduga, kugira ngo akevye ntagwe mu kuzimu epfo+.

25 Inzu y’abinantaza Yehova azoyisambura+, mugabo azoshinga urubibe rw’umupfakazi+.

26 Imigambi y’umuntu mubi ni ikintu giteye ishishi kuri Yehova+, mugabo amajambo ahimbaye aratyoroye+.

27 Uwunguka inyungu y’akarenganyo aba ariko akwegera inzu yiwe ugukumirwa+, mugabo uwanka ingabirano ni we azobandanya kubaho+.

28 Umutima w’umugororotsi urazirikana kugira ngo wishure+, mugabo akanwa k’ababisha kadudubiza ibintu bibi+.

29 Yehova ari kure y’ababisha+, mugabo yumva isengesho ry’abagororotsi+.

30 Ukwakaka kw’amaso+ kunezereza umutima+; agakuru+ keza kadohesha amagufa+.

31 Ugutwi kwumviriza igikangiro+ c’ubuzima kwibera hagati mu bantu b’inkerebutsi+.

32 Uwuzibukira indero+ wese aba ahevye ubuzima bwiwe, mugabo uwumviriza igikangīro aba ariko yironsa umutima w’ubukerebutsi+.

33 Ugutinya Yehova ni indero igana ku bukerebutsi+, kandi imbere y’ubuninahazwa haba uguca bugufi+.