Zaburi

64 Ewe Mana, niwumve ijwi ryanje mu maganya yanje+.

Ese wozigama ubuzima bwanje ukabukiza inguvu ziteye ubwoba z’umwansi+.

 2 Ese wompisha ikiyago c’akabanga c’inkozi z’ikibi+,

Ukampisha uruhagarara rw’abakora ibibabaza+,

 3 Abakarihije ururimi rwabo nk’inkota+,

Bagatumbereza umwampi wabo, imvugo irura+,

 4 Ngo barase uwutagirako umugayo bari ahantu hihishije+.

Bukwi na bukwi baramurasa, kandi ntibatinya+.

 5 Bumira ku mvugo mbi+;

Bavuga ivyo kunyegeza imitego+.

Bavuze ngo: “Ni nde ayibona+?”

 6 Baguma baserangura ibintu bitagororotse+;

Banyegeje umugambi w’urwenge useranguwe neza+,

Kandi imbere muri umwe wese, egome, umutima wiwe, hashika kure ibwina+.

 7 Mugabo Imana izobarasa umwampi bukwi na bukwi+.

Vyabaviriyemwo ibikomere+,

 8 Kandi baratsitaza umuntu+.

Mugabo ururimi rwabo ni bo ubwabo rugirira nabi+.

Ababitegereza bose bazozunza umutwe+,

 9 Kandi abantu bakuwe mw’ivu bose bazotinya+;

Bazoyaga igikorwa c’Imana+,

Kandi ntibazobura gutahura igikorwa cayo bimwe vyimbitse+.

10 Umugororotsi azonezerwa muri Yehova kandi azohungira koko muri we+;

Kandi ab’umutima ugororotse bose bazokwirata+.