Zaburi

Ni izaburi ya Dawidi.

138 Nzoguhaya n’umutima wanje wose+.

Imbere y’izindi mana, nzoguhibongoreza+.

2 Nzokwunama ntumbereye urusengero rwawe rweranda+,

Kandi nzohaya izina ryawe+,

Kubera ubuntu bwuzuye urukundo bwawe+ no kubera ukuri kwawe+.

Kuko wakujije ijambo ryawe+ ukarishira mbere hejuru y’izina ryawe ryose+.

3 Ku musi nahamagara, waranyishuye+;

Watanguye kuntinyura mu mutima wanje ukoresheje inkomezi+.

4 Abami bose bo mw’isi bazoguhaya, ewe Yehova+,

Kuko bazoba bumvise amajambo y’akanwa kawe.

5 Kandi bazoririmba inzira za Yehova+,

Kuko ubuninahazwa bwa Yehova buhambaye+.

6 Kuko Yehova ari hejuru, yamara arabona uwuciye bugufi+;

Ariko uwiduza amumenyera kure gusa+.

7 Ninaramuka ngendeye hagati mu marushwa, uzonzigamira ubuzima+.

Kubera ishavu ry’abansi banje, uzotuma ukuboko kwawe+,

Kandi ukuryo kwawe kuzonkiza+.

8 Yehova ubwiwe azoshitsa ivyo antegurira+.

Ewe Yehova, ubuntu bwuzuye urukundo bwawe ni ubwo gushika igihe kitagira urugero+.

Ntute ibikorwa vy’amaboko yawe+.