Zaburi

45 Umutima wanje urabiragizwa n’ikintu ciza+.

Mvuga nti: “Ibikorwa vyanje ni ivyerekeye umwami+.”

Ururimi rwanje nirube agasáruzo+ k’umwimuzi w’umuhanga+.

 2 Vy’ukuri, uri mwiza kuruta abana b’abantu+.

Igikundiro casutswe ku minwa yawe+.

Ni co gituma Imana yaguhezagiye gushika igihe kitagira urugero+.

 3 Kenyera inkota yawe+ kw’itako, wa munyenkomezi we+,

Ukenyeze iteka ryawe n’ubwiza bwawe bwakaka+.

 4 Kandi mu bwiza bwawe bwakaka, bandanya ugana ku kuroranirwa+;

Gendera kw’ifarasi yawe uburanire ukuri n’ukwicisha bugufi be n’ubugororotsi+,

Kandi ukuryo kwawe kuzokwigisha ibintu biteye ubwoba+.

 5 Imyampi yawe irasongoye, munsi yawe ibisata vy’abantu bikaguma bitemba+,

Ikinjira mu mutima w’abansi b’umwami+.

 6 Imana ni yo ntebe yawe y’ubwami gushika igihe kitagira urugero, mbere ibihe bidahera+;

Agakoni k’ubutware k’ingoma yawe ni agakoni k’ukugororoka+.

 7 Wakunze ubugororotsi+, ukaba wanka ububisha+.

Ni co gituma Imana, Imana yawe+, yakurobanuje amavuta+ y’umwigino+ kuruta bagenzawe+.

 8 Impuzu zawe zose ni imira* n’igiti c’umubazibazi n’umubagabaga+;

Ibicurarangisho vy’imirya vyaguteye kunezerwa uri ku kirimba gihambaye gisharijwe n’amasenge+.

 9 Abakobwa+ b’abami bari mu bagore bawe b’agaciro.

Umugore w’iteka w’umwami+ ahagaze iruhande y’ukuryo kwawe yisakaye inzahabu z’i Ofiri+.

10 Umviriza, ewe mukobwa, ubone, kandi utege ugutwi;

Niwibagire ab’iwanyu n’inzu ya so+.

11 Kandi umwami azocambirwa ubwiza bwawe+,

Kuko ari umukama wawe+,

Numwunamire rero+.

12 Umukobwa wa Tiro na we nyene ari n’ingabirano+ . . .

Abatunzi bo mu bantu bazogutakambira*+.

13 Umukobwa w’umwami araninahaye rwose imbere mu nzu+;

Ivyambarwa vyiwe biriko udutāko tw’inzahabu.

14 Azozanirwa umwami ari mu vyambarwa vy’ibijishano+.

Abigeme b’isugi bamuherekeje, bakaba ari abagenzi biwe, binjijwe iwawe+.

15 Bazozananwa umunezero n’akanyamuneza;

Bazokwinjira mu kirimba c’umwami.

16 Mu kibanza ca ba sogokuruza bawe+ hazoba abana bawe+,

Abo uzogena kuba abaganwa mw’isi yose+.

17 Nzovuga izina ryawe mu mayaruka yose azoza+.

Ni co gituma ibisata vy’abantu bizoguhaya gushika igihe kitagira urugero, mbere ibihe bidahera.