Zaburi

88 Ewe Yehova, Mana y’ubukiriro bwanje+,

Ku murango narasemereye+,

No mw’ijoro, imbere yawe+.

 2 Isengesho ryanje rizoza imbere yawe+.

Tega ugutwi akamo kanje k’ukwinginga+.

 3 Kuko umutima wanje urambiwe n’ivyago+,

Ubuzima bwanje bukaba bushitse ku munwa w’ukuzimu+.

 4 Naharūwe mu bamanuka mu cobo+;

Nacitse nk’umuntu w’umugabo atagira inkomezi+,

 5 Yagizwe uwidegemvya mu bapfuye+,

Nk’abishwe baryamye mu mva+,

Abo utongeye kwibuka

Kandi batandukanijwe n’ukuboko kwawe gutabazi+.

 6 Wanshize mu cobo c’ibwina kure rwose,

Mu bibanza vy’umwiza, mu nyenga nini+.

 7 Ubushangashirwe bwawe bwitaye kuri jewe+,

Kandi wanteje amarushwa ukoresheje imipfunda isuriranya yawe yose+. Sela.

 8 Washize abo tuzinanyi kure yanje+;

Wangize ikintu giteye ishishi cane kuri bo+.

Ndaboshwe, sinshobora gusohoka+.

 9 Ijisho ryanje ryarotse kubera amarushwa yanje+.

Narakwambaje, ewe Yehova, burinda bwira+;

Ni wewe nagaranzuriye ibiganza vyanje+.

10 Mbega uzokorera igitangaza abapfuye+?

Canke, mbega barya ata co bashoboye mu rupfu bazohaguruka+?

Mbega bazoguhaya+? Sela.

11 Mbega ubuntu bwuzuye urukundo bwawe buzomenyekanishwa mu mva,

Ubwizigirwa bwawe bumenyekanishwe mu kibanza c’agatikizo+?

12 Mbega igitangaza wakoze kizomenyekana mu mwiza+,

Canke ubugororotsi bwawe mu gihugu c’urwiba+?

13 Ariko wewe, ewe Yehova, ni wewe natabaje+,

Kandi mu gitondo isengesho ryanje riguma imbere yawe+.

14 Kubera iki ga Yehova ushibura ubuzima bwanje+?

Kubera iki uguma umpisha amaso yawe+?

15 Ndi umurushwa, kandi ndi mu gucikana, kuva mu bwana+;

Nihanganiye cane ibintu vy’agacavutu biva iwawe+.

16 Imishwarara yawe y’ishavu rirurumba yaciye hejuru yanje+;

Ibica ivutu biva iwawe vyanumije+.

17 Vyankikuje nk’amazi burinda bwira+;

Vyanzinguje vyose icarimwe.

18 Washize kure yanje umukunzi n’umugenzi+;

Abo tuzinanyi ni ahantu h’umwiza+.