Zaburi

11 Muri Yehova ni ho nahungiye+.

Mwubahuka gute kumbwira ngo:

“Hungira ku musozi wanyu nk’inyoni+!

 2 Kuko, ehe ababisha ubwabo bafoye umuheto+,

Bategura umwampi wabo ku ruvuto,

Kugira barasire mu muzimagiza ab’umutima ugororotse+.

 3 Iyo imishinge ubwayo isambuwe+,

Umugororotsi yokora iki?”

 4 Yehova ari mu rusengero rwiwe rweranda+.

Yehova—mu majuru ni ho intebe yiwe y’ubwami iri+.

Amaso yiwe aritegereza, amaso aca ibibatsi yiwe arasuzuma+ abana b’abantu.

 5 Yehova ubwiwe asuzuma umugororotsi kimwe n’umubisha+,

Kandi uwo wese akunda ubukazi umutima wiwe uramwanka koko+.

 6 Nka kurya kw’imvura, azotibagurira ku babisha imitego, umuriro n’amazuku+

N’umuyaga ubabura, bibe wo mugabane w’igikombe cabo+.

 7 Kuko Yehova agororotse+; arakunda ibikorwa bigororotse+;

Abagororotsi ni bo bazokwitegereza mu maso hiwe+.