Imigani
6 Mwananje, nimba wishinze mugenzawe+, nimba wahaye ukuboko uw’ahandi+, 2 nimba wafashwe n’amajambo y’akanwa kawe+, nimba wacakiwe n’amajambo y’akanwa kawe, 3 nugire uku rero mwananje, wirokore, kuko wakorokeye mu kiganza ca mugenzawe+: Genda wicishe bugufi, uzigitīre mugenzawe+. 4 Ntuhe amaso yawe itiro, canke ngo uhe agatiro amaso yawe aca ibibatsi+. 5 Niwirokore nk’ingeregere mu kuboko kw’umuhigi, nk’inyoni mu kuboko kw’umutezi w’inyoni+.
6 Genda ku kimonyo+, wa kinebwe+; niwihweze inzira zaco uheze ube inkerebutsi. 7 Naho kitagira umukomanda, umurongozi canke umutware, 8 gitegura indya zaco mu ci+; cegeranije ivyo kurya vyaco mw’iyimbura. 9 Uzogeza ryari ga wa kinebwe kuguma wiryamiye+? Uzovyuka ryari mw’itiro ryawe+? 10 Isinzirire irindi tiro rikeyi, akandi gatiro gakeyi, uzinge amaboko kandi gatoyi mu kuryama+, 11 maze ubworo bwawe ntibuzobura kuza nk’umusahuzi+, ubukene bwawe na bwo nk’umuntu yitwaje ikirwanisho+.
12 Umuntu w’imburakimazi+, umuntu akora ibibabaza, usanga agendana imvugo ihetaraye+, 13 akavunagura ingohe n’ijisho+, akagira ibimenyetso n’ikirenge ciwe, akagira n’intoke ziwe ibimenyetso vyo kwerekana ibintu+. 14 Ubugorame buri mu mutima wiwe+. Yama ariko arementanya ikibi igihe cose+. Aguma yandurutsa amahane+. 15 Ni co gituma ivyago vyiwe bizoza giturumbuka+; mu kanya isase azovunagurwa, kandi nta gukira kuzohaba+.
16 Hari ibintu bitandatu Yehova yanka koko+; emwe, ibintu indwi ni vyo bitera ishishi umutima wiwe+: 17 amaso yishira hejuru+, ururimi rw’ikinyoma+ n’amaboko asesa amaraso y’intungane+, 18 umutima urementanya imigambi mibi+, ibirenge vyihutira kwirukira ikibi+, 19 icabona c’ikinyoma gisuka ububeshi+, be n’uwo wese atera amahane mu bavukana+.
20 Niwubahirize mwananje ibwirizwa rya so wawe+, kandi ntuhebe itegeko rya nyoko wawe+. 21 Nubibohere ku mutima wawe nantaryo+; nubibohere mw’izosi ryawe+. 22 Igihe uriko uragendagenda, bizokuyobora+; igihe uryamye, bizokurinda+; igihe uvyutse na ho, bizokwitwararika. 23 Kuko ibwirizwa ari itara+, itegeko na ryo rikaba umuco+, kandi ibikangiro vy’indero ni vyo nzira y’ubuzima+, 24 kugira bikurinde umugore ameze nabi+, bikurinde akarimi gasosa k’umugore w’umunyamahangakazi+. 25 Ntiwipfuze ubwiza bwiwe mu mutima wawe+, kandi ntagutware akoresheje amaso yiwe asayangana+, 26 kuko umuntu afutana agasigara gusa ku kamanyu k’umukate kubera umugore w’umumaraya+; nayo umugore w’uwundi, ahiga ubuzima bw’agaciro+. 27 Mbega umuntu yorunda umuriro mu gikiriza ciwe, impuzu ziwe ntizishe+? 28 Canke umuntu yogendera ku makara, ibirenge vyiwe ntibibabuke? 29 Ni ko bigenda kuri uwo wese aryamana n’umugore wa mugenziwe+; nta wumukorako azogenda adahanywe+. 30 Ntibasuzugura igisuma ngo ni uko gusa civye kugira ngo cimare inzara iyo gishonje. 31 Ariko gifashwe, kizokwishura ibingana na vyo incuro indwi; ibintu vy’agaciro vyose vyo mu nzu yaco kizobitanga+. 32 Uwo wese arenga ibigo mu kuryamana n’umugore, ntagira umutima+; uwubigira aba ariko yikwegera guhona+. 33 Azohura n’icago be n’agateterwe+, kandi iceyi ciwe ntikizohanagurika+. 34 Kuko ubushangashirwe bw’umuntu w’umugabo ari ishari+, kandi ntazogira impuhwe ku musi w’ukwihora+. 35 Incungu* iyo ari yo yose nta co izomubwira; impano umuzaniye ushake uyigire nini gute, ntazokwemera.