Zaburi

36 Ico ukugabitanya kubwira umubisha, kiri hagati mu mutima wiwe+;

Nta kugirira ubwoba Imana kuri imbere y’amaso yiwe+.

 2 Kuko mu maso yiwe bwite yiyorohereje birenze urugero+

Bigatuma atabona ikosa ryiwe ngo aheze aryanke+.

 3 Amajambo y’akanwa kiwe ni ibibabaza n’ubuhendanyi+;

Yaretse kugira ugutahura kwimbitse kwo gukora ineza+.

 4 Aguma ategura umugambi w’ibibabaza ku gitanda ciwe+.

Ahagarara mu nzira itari nziza+.

Ikibi ntata nk’akanuka+.

 5 Ewe Yehova, ubuntu bwuzuye urukundo bwawe buri mu majuru+;

Ubwizigirwa bwawe bugereza mu bicu+.

 6 Ubugororotsi bwawe ni nk’imisozi y’Imana+;

Ingingo yawe y’ubutungane ni inyenga y’amazi nini amahanga+.

Umuntu n’igikoko urakiza, ewe Yehova+!

 7 Ese ukuntu ubuntu bwuzuye urukundo bwawe ari ubw’agaciro ntangere, ewe Mana+!

Kandi mu gitutu c’amababa yawe ni ho abana b’abantu bahungira+.

 8 Banywa ibinure vyo mu nzu yawe bagahozagara+;

Ubanywesha ku ruzi rw’isumo rw’ibinezereza vyawe+.

 9 Kuko iwawe ari ho hari isôko ry’ubuzima+;

Biciye ku muco uva kuri wewe turabona umuco+.

10 Bandanya kwereka ubuntu bwuzuye urukundo bwawe abakuzi+,

N’ubugororotsi bwawe ab’umutima ugororotse+.

11 Ese ikirenge c’ubwibone kitoza kuntera+;

Nayo ukuboko kw’ababisha, ntikungire inyererezi+.

12 Aho ni ho abakora ibibabaza bagūye+;

Barahenuwe, ntibashobora guhaguruka+.