Guharūra

1 Nuko Yehova avugana na Musa mu gahinga ka Sinayi+, mw’ihema ry’ihuriro+, ku musi wa mbere w’ukwezi kugira kabiri, mu mwaka ugira kabiri bavuye mu gihugu ca Misiri+, ati: 2 “Harure igitigiri+ cose hamwe c’ikoraniro ryose rya bene Isirayeli nk’uko imiryango yabo iri, nk’uko inzu ya ba se iri, hakurikijwe igitigiri c’amazina, ab’igitsina-gabo bose, umwumwe ukwiwe, 3 kuva ku myaka mirongo ibiri kuduga+, umuntu wese aja mu ngabo muri Isirayeli+. Muze mubandike nk’uko ingabo zabo ziri, mwe na Aroni.

4 “Haze hagire abagabo baba bari kumwe namwe: umugabo umwe ku muryango; umwe wese abe ari umukuru w’inzu ya ba se+. 5 Aya ni yo mazina y’abagabo bazohagararana namwe: Kuri Rubeni+: Elizuri+ mwene Shedewuri; 6 kuri Simeyoni+: Shelumiyeli+ mwene Zurishadayi; 7 kuri Yuda+: Nahashoni+ mwene Aminadabu; 8 kuri Isakari+: Netaneli+ mwene Zuwari; 9 kuri Zebuloni+: Eliyabu+ mwene Heloni; 10 kuri bene Yozefu+: kuri Efurayimu+: Elishama mwene Amihudi; kuri Manase+: Gamaliyeli mwene Pedahazuri; 11 kuri Benyamini+: Abidani+ mwene Gideyoni; 12 kuri Dani+: Ahiyezeri+ mwene Amishadayi; 13 kuri Asheri+: Pagiyeli+ mwene Okarani; 14 kuri Gadi+: Eliyasafu+ mwene Deyuweli+; 15 kuri Nafutali+: Ahira+ mwene Enani. 16 Abo ni bo bahamagawe bo mw’ikoraniro, abakuru+ b’imiryango ya ba se. Ni bo bakuru b’ibihumbi vya Isirayeli+.”

17 Musa na Aroni batora rero abo bagabo bari bavuzwe amazina. 18 Nuko bakoranya ikoraniro ryose ku musi wa mbere w’ukwezi kugira kabiri, kugira ngo bamenyekanishe amamuko yabo+ ku bijanye n’imiryango yabo, mu nzu ya ba se, hakurikijwe igitigiri c’amazina, kuva ku myaka mirongo ibiri kuduga+, umwumwe ukwiwe, 19 nk’uko Yehova yari yategetse Musa; atangura kubandikira+ mu gahinga ka Sinayi.

20 Kandi bene Rubeni imfura ya Isirayeli+, ababavutseko hisunzwe imiryango yabo, mu nzu ya ba se, igitigiri cabo hakurikijwe iharurwa ry’amazina, umwumwe ukwiwe, ab’igitsina-gabo bose kuva ku myaka mirongo ibiri kuduga, umuntu wese aja mu ngabo, 21 abanditswe muri bo bo mu muryango wa Rubeni, cabaye ibihumbi mirongo ine na bitandatu n’amajana atanu+.

22 Kuri bene Simeyoni+, ababavutseko hisunzwe imiryango yabo, mu nzu ya ba se, abanditswe mu biwe hakurikijwe igitigiri c’amazina, umwumwe ukwiwe, ab’igitsina-gabo bose kuva ku myaka mirongo ibiri kuduga, umuntu wese aja mu ngabo, 23 abanditswe muri bo bo mu muryango wa Simeyoni bari ibihumbi mirongo itanu n’icenda n’amajana atatu+.

24 Kuri bene Gadi+, ababavutseko hisunzwe imiryango yabo, mu nzu ya ba se, hakurikijwe igitigiri c’amazina kuva ku myaka mirongo ibiri kuduga, umuntu wese aja mu ngabo, 25 abanditswe muri bo bo mu muryango wa Gadi+ bari ibihumbi mirongo ine na bitanu n’amajana atandatu na mirongo itanu+.

26 Kuri bene Yuda+, ababavutseko hisunzwe imiryango yabo, mu nzu ya ba se, hakurikijwe igitigiri c’amazina kuva ku myaka mirongo ibiri kuduga, umuntu wese aja mu ngabo, 27 abanditswe muri bo bo mu muryango wa Yuda bari ibihumbi mirongo irindwi na bine n’amajana atandatu+.

28 Kuri bene Isakari+, ababavutseko hisunzwe imiryango yabo, mu nzu ya ba se, hakurikijwe igitigiri c’amazina kuva ku myaka mirongo ibiri kuduga, umuntu wese aja mu ngabo, 29 abanditswe muri bo bo mu muryango wa Isakari bari ibihumbi mirongo itanu na bine n’amajana ane+.

30 Kuri bene Zebuloni+, ababavutseko hisunzwe imiryango yabo, mu nzu ya ba se, hakurikijwe igitigiri c’amazina kuva ku myaka mirongo ibiri kuduga, umuntu wese aja mu ngabo, 31 abanditswe muri bo bo mu muryango wa Zebuloni bari ibihumbi mirongo itanu n’indwi n’amajana ane+.

32 Kuri bene Yozefu: kuri bene Efurayimu+, ababavutseko hisunzwe imiryango yabo, mu nzu ya ba se, hakurikijwe igitigiri c’amazina kuva ku myaka mirongo ibiri kuduga, umuntu wese aja mu ngabo, 33 abanditswe muri bo bo mu muryango wa Efurayimu+ bari ibihumbi mirongo ine n’amajana atanu+.

34 Kuri bene Manase+, ababavutseko hisunzwe imiryango yabo, mu nzu ya ba se, hakurikijwe igitigiri c’amazina kuva ku myaka mirongo ibiri kuduga, umuntu wese aja mu ngabo, 35 abanditswe muri bo bo mu muryango wa Manase bari ibihumbi mirongo itatu na bibiri n’amajana abiri+.

36 Kuri bene Benyamini+, ababavutseko hisunzwe imiryango yabo, mu nzu ya ba se, hakurikijwe igitigiri c’amazina kuva ku myaka mirongo ibiri kuduga, umuntu wese aja mu ngabo, 37 abanditswe muri bo bo mu muryango wa Benyamini bari ibihumbi mirongo itatu na bitanu n’amajana ane+.

38 Kuri bene Dani+, ababavutseko hisunzwe imiryango yabo, mu nzu ya ba se, hakurikijwe igitigiri c’amazina kuva ku myaka mirongo ibiri kuduga, umuntu wese aja mu ngabo, 39 abanditswe muri bo bo mu muryango wa Dani bari ibihumbi mirongo itandatu na bibiri n’amajana indwi+.

40 Kuri bene Asheri+, ababavutseko hisunzwe imiryango yabo, mu nzu ya ba se, hakurikijwe igitigiri c’amazina kuva ku myaka mirongo ibiri kuduga, umuntu wese aja mu ngabo, 41 abanditswe muri bo bo mu muryango wa Asheri bari ibihumbi mirongo ine na kimwe n’amajana atanu+.

42 Kuri bene Nafutali+, ababavutseko hisunzwe imiryango yabo, mu nzu ya ba se, hakurikijwe igitigiri c’amazina kuva ku myaka mirongo ibiri kuduga, umuntu wese aja mu ngabo, 43 abanditswe muri bo bo mu muryango wa Nafutali bari ibihumbi mirongo itanu na bitatu n’amajana ane+.

44 Abo ni bo banditswe, abo Musa yanditse ari kumwe na Aroni n’abakuru ba Isirayeli, abagabo cumi na babiri. Umwumwe wese yaserukira inzu ya ba se. 45 Nuko abanditswe bose muri bene Isirayeli nk’uko inzu ya ba se iri, kuva ku myaka mirongo ibiri kuduga, umuntu wese aja mu ngabo muri Isirayeli, bose baba, 46 egome, abanditswe bose baba ibihumbi amajana atandatu na bitatu n’amajana atanu na mirongo itanu+.

47 Ariko Abalewi+ nk’uko umuryango wa ba se uri ntibanditswe muri bo+. 48 Nuko rero Yehova abwira Musa ati: 49 “Umuryango wa Lewi ni wo gusa utazokwandika, kandi igitigiri cose hamwe cabo ntuze ugiharure muri bene Isirayeli+. 50 Kandi wewe ubwawe ushinge Abalewi itaberenakulo* y’Igishingantahe+ n’ibikoresho vyayo vyose n’ikintu cose kiyegukira+. Ni bo bazorerura itaberenakulo n’ibikoresho vyayo vyose+, kandi ni bo bazokora+ igikorwa kuri yo; baze bakambike irya n’ino y’itaberenakulo+. 51 Igihe cose itaberenakulo igiye, Abalewi baze bayisambure+; kandi igihe itaberenakulo ikambitse, Abalewi baze bayishinge; uw’ahandi* uwo ari we wese azoyegera aze yicwe+.

52 “Kandi bene Isirayeli baze bakambike umwe wese hisunzwe ikambi yiwe, umuntu wese iruhande y’umugabane wiwe ugizwe n’imiryango itatu+ hakurikijwe ingabo zabo. 53 Mugabo Abalewi baze bakambike irya n’ino y’itaberenakulo y’Igishingantahe, kugira ngo ikoraniro rya bene Isirayeli ntirirakarirwe+; kandi Abalewi baze bakore igikorwa kibwirizwa gukorerwa itaberenakulo y’Igishingantahe+.”

54 Nuko bene Isirayeli bakora bisunze ivyo Yehova yari yategetse Musa vyose. Bakora kuno nyene+.

2 Nuko Yehova abwira Musa na Aroni ati: 2 “Bene Isirayeli baze bakambike, umuntu wese iruhande y’umugabane wiwe ugizwe n’imiryango itatu+, iruhande y’ibimenyetso vy’inzu ya ba se. Baze bakambike irya n’ino y’ihema ry’ihuriro.

3 “Abazokambika amaja mu buseruko, amaja i burasirazuba, ni umugabane ugizwe n’imiryango itatu w’ikambi ya Yuda hakurikijwe ingabo zabo, umukuru wa bene Yuda akaba ari Nahashoni+ mwene Aminadabu. 4 Ingabo ziwe be n’abanditswe bo muri bo ni ibihumbi mirongo irindwi na bine n’amajana atandatu+. 5 Abazokambika iruhande yiwe ni umuryango wa Isakari+, umukuru wa bene Isakari akaba ari Netaneli+ mwene Zuwari. 6 Ingabo ziwe be n’abanditswe biwe ni ibihumbi mirongo itanu na bine n’amajana ane+. 7 Hakurikire umuryango wa Zebuloni; umukuru wa bene Zebuloni ni Eliyabu+ mwene Heloni. 8 Ingabo ziwe be n’abanditswe biwe ni ibihumbi mirongo itanu n’indwi n’amajana ane+.

9 “Abanditswe bose b’ikambi ya Yuda ni ibihumbi ijana na mirongo umunani na bitandatu n’amajana ane hakurikijwe ingabo zabo. Baze bagende ubwa mbere+.

10 “Umugabane ugizwe n’imiryango itatu w’ikambi ya Rubeni+ uzoba amaja mu bumanuko, hakurikijwe ingabo zabo, umukuru wa bene Rubeni akaba ari Elizuri+ mwene Shedewuri. 11 Ingabo ziwe be n’abanditswe biwe ni ibihumbi mirongo ine na bitandatu n’amajana atanu+. 12 Abazokambika iruhande yiwe ni umuryango wa Simeyoni, umukuru wa bene Simeyoni akaba ari Shelumiyeli+ mwene Zurishadayi. 13 Ingabo ziwe be n’abanditswe bo muri bo ni ibihumbi mirongo itanu n’icenda n’amajana atatu+. 14 Hakurikire umuryango wa Gadi; umukuru wa bene Gadi ni Eliyasafu+ mwene Reyuweli. 15 Ingabo ziwe be n’abanditswe bo muri bo ni ibihumbi mirongo ine na bitanu n’amajana atandatu na mirongo itanu+.

16 “Abanditswe bose b’ikambi ya Rubeni ni ibihumbi ijana na mirongo itanu na kimwe n’amajana ane na mirongo itanu hakurikijwe ingabo zabo; baze bagende ubwa kabiri+.

17 “Ihema ry’ihuriro+ niryagenda, ikambi y’Abalewi+ izoba hagati y’amakambi.

“Nk’uko bazokambika, ni ko bazogenda+, umwe wese mu kibanza ciwe, nk’uko imigabane yabo igizwe n’imiryango itatu iri.

18 “Umugabane ugizwe n’imiryango itatu w’ikambi ya Efurayimu+, hakurikijwe ingabo zabo, uzoba amaja mu burengero, umukuru wa bene Efurayimu akaba ari Elishama+ mwene Amihudi. 19 Ingabo ziwe be n’abanditswe bo muri bo ni ibihumbi mirongo ine n’amajana atanu+. 20 Iruhande yiwe hazoba umuryango wa Manase+, umukuru wa bene Manase akaba ari Gamaliyeli+ mwene Pedahazuri. 21 Ingabo ziwe be n’abanditswe bo muri bo ni ibihumbi mirongo itatu na bibiri n’amajana abiri+. 22 Hakurikire umuryango wa Benyamini+; umukuru wa bene Benyamini ni Abidani+ mwene Gideyoni. 23 Ingabo ziwe be n’abanditswe bo muri bo ni ibihumbi mirongo itatu na bitanu n’amajana ane+.

24 “Abanditswe bose b’ikambi ya Efurayimu ni ibihumbi ijana n’umunani n’ijana, hakurikijwe ingabo zabo; baze bagende ubwa gatatu+.

25 “Umugabane ugizwe n’imiryango itatu w’ikambi ya Dani uzoba amaja mu buraruko hakurikijwe ingabo zabo, umukuru wa bene Dani akaba ari Ahiyezeri+ mwene Amishadayi. 26 Ingabo ziwe be n’abanditswe bo muri bo ni ibihumbi mirongo itandatu na bibiri n’amajana indwi+. 27 Abazokambika iruhande yiwe ni umuryango wa Asheri, umukuru wa bene Asheri akaba ari Pagiyeli+ mwene Okarani. 28 Ingabo ziwe be n’abanditswe bo muri bo ni ibihumbi mirongo ine na kimwe n’amajana atanu+. 29 Hakurikire umuryango wa Nafutali+; umukuru wa bene Nafutali ni Ahira+ mwene Enani. 30 Ingabo ziwe be n’abanditswe bo muri bo ni ibihumbi mirongo itanu na bitatu n’amajana ane+.

31 “Abanditswe bose b’ikambi ya Dani ni ibihumbi ijana na mirongo itanu n’indwi n’amajana atandatu. Baze bagende ubwa nyuma+, nk’uko imigabane yabo igizwe n’imiryango itatu iri.”

32 Abo ni bo babaye abanditswe bo muri bene Isirayeli nk’uko inzu ya ba se iri; abanditswe bose bo muri ayo makambi hakurikijwe ingabo zabo bari ibihumbi amajana atandatu na bitatu n’amajana atanu na mirongo itanu+. 33 Mugabo Abalewi ntibanditswe+ muri bene Isirayeli, nk’uko Yehova yari yategetse Musa. 34 Nuko bene Isirayeli bakora bisunze ivyo Yehova yari yategetse Musa+ vyose. Ukwo ni ko bakambika mu migabane yabo igizwe n’imiryango itatu+, kandi ukwo ni ko bagenda+, umwe wese akurikije imiryango yiwe, afatiye ku nzu ya ba se.

3 Aya rero ni yo yari amayaruka ya Aroni na Musa ku musi Yehova yavugana na Musa ku musozi Sinayi+. 2 Aya ni yo yari amazina ya bene Aroni: Nadabu imfura, Abihu+, Eleyazari+ na Itamari+. 3 Ayo ni yo yari amazina ya bene Aroni, abaherezi barobanujwe amavuta*, abo amaboko yabo yari yujujwe ububasha ngo bakore ari abaherezi+. 4 Ariko Nadabu na Abihu bapfiriye imbere ya Yehova igihe bashikana imbere ya Yehova umuriro utemewe n’amategeko+, mu gahinga ka Sinayi; kandi nta bana baronse. Mugabo Eleyazari+ na Itamari+ babandanije gukora ari abaherezi hamwe na se Aroni.

5 Nuko Yehova abwira Musa ati: 6 “Zana umuryango wa Lewi+ hafi, kandi ubahagarike imbere ya Aroni umuherezi, na bo baze bamukorere+. 7 Baze bashitse ico babwirizwa kunkorera be n’ico babwirizwa gukorera ikoraniro ryose imbere y’ihema ry’ihuriro, mu kurangura igikorwa c’itaberenakulo. 8 Baze bitwararike ibikoresho vyose+ vy’ihema ry’ihuriro, egome, ico bene Isirayeli basabwa, mu gushitsa igikorwa c’itaberenakulo+. 9 Abalewi uze ubahe Aroni n’abahungu biwe. Ni abatanzwe, bamuhawe bakuwe muri bene Isirayeli+. 10 Uze ugene Aroni n’abahungu biwe, kandi baze bitwararike ubuherezi+ bwabo; uw’ahandi* uwo ari we wese azokwegera aheranda aze yicwe+.”

11 Yehova abandanya kubwira Musa ati: 12 “Nayo jewe, ehe ntoye koko Abalewi muri bene Isirayeli mu kibanza c’imfura+ zose zugurura igitereko muri bene Isirayeli; kandi Abalewi bazoba abanje. 13 Kuko imfura yose ari iyanje+. Kuri wa musi nakubita imfura yose mu gihugu ca Misiri+ nariyejereje imfura yose muri Isirayeli, uhereye ku muntu ugashika ku gikoko+. Bizoba ivyanje. Ndi Yehova.”

14 Yehova yongera kubwira Musa mu gahinga ka Sinayi+ ati: 15 “Andika bene Lewi nk’uko inzu ya ba se iri, hakurikijwe imiryango yabo. Uw’igitsina-gabo wese kuva ku kwezi kumwe kuduga aze yandikwe+.” 16 Nuko Musa atangura kubandika kw’itegeko rya Yehova, nk’uko yari yategetswe. 17 Aba ni bo babaye bene Lewi+ hakurikijwe amazina yabo: Gerishoni na Kohati na Merari+.

18 Aya rero ni yo yari amazina ya bene Gerishoni hakurikijwe imiryango yabo: Libuni na Shimeyi+.

19 Bene Kohati+ na bo hakurikijwe imiryango yabo bari Amuramu na Izihari+, Heburoni na Uziyeli.

20 Bene Merari+ na bo hakurikijwe imiryango yabo bari Mahili+ na Mushi+.

Iyo ni yo yari imiryango y’Abalewi nk’uko inzu ya ba se iri.

21 Kuri Gerishoni hari umuryango w’Abalibuni+ n’umuryango w’Abashimeyi+. Iyo ni yo yari imiryango y’Abagerishoni. 22 Abanditswe babo banditswe hakurikijwe igitigiri c’ab’igitsina-gabo bose kuva ku kwezi kumwe kuduga+. Abanditswe babo bari ibihumbi indwi n’amajana atanu+. 23 Imiryango y’Abagerishoni yari inyuma y’itaberenakulo+. Yari ikambitse mu burengero. 24 Umukuru w’inzu ya ba sekuru y’Abagerishoni yari Eliyasafu mwene Layeli. 25 Ico bene Gerishoni+ bari bajejwe mw’ihema ry’ihuriro cari itaberenakulo n’ihema+, igipfukisho+ caryo n’igikingirizo+ c’ubwinjiriro bw’ihema ry’ihuriro, 26 n’ibitambara bimanitse+ vy’ikigo n’igikingirizo+ c’ubwinjiriro bw’ikigo gikikuje itaberenakulo n’igicaniro*, n’imigozi yaco y’ihema+, emwe, igikorwa c’iyo taberenakulo cose.

27 Kuri Kohati na ho hari umuryango w’Abamuramu, n’umuryango w’Abizihari, n’umuryango w’Abaheburoni, n’umuryango w’Abuziyeli. Iyo ni yo yari imiryango y’Abakohati+. 28 Mu gitigiri c’ab’igitsina-gabo bose kuva ku kwezi kumwe kuduga, ibihumbi umunani n’amajana atandatu ni bo bari bajejwe kwitwararika ivy’ahantu heranda+. 29 Imiryango ya bene Kohati yari ikambitse ku ruhande rw’itaberenakulo ruherereye mu bumanuko+. 30 Umukuru w’inzu ya ba sekuru y’imiryango y’Abakohati yari Elizafani mwene Uziyeli+. 31 Ivyo bari bajejwe+ vyari: Isandugu+ n’imeza+ n’igitereko c’amatara+ n’ibicaniro+ n’ibikoresho+ vy’ahantu heranda bakoresha igikorwa, n’igikingirizo+, n’igikorwa cose kijanye na co.

32 Umukuru w’abakuru b’Abalewi yari Eleyazari+ mwene Aroni umuherezi, akaba ari we yacungera abajejwe kwitwararika ivy’ahantu heranda.

33 Kuri Merari hari umuryango w’Abamahili+ n’umuryango w’Abamushi+. Iyo ni yo yari imiryango ya Merari+. 34 Abanditswe babo hakurikijwe igitigiri c’ab’igitsina-gabo bose kuva ku kwezi kumwe kuduga, bari ibihumbi bitandatu n’amajana abiri+. 35 Umukuru w’inzu ya ba sekuru y’imiryango ya Merari yari Zuriyeli mwene Abihayili. Bari bakambitse ku ruhande rw’itaberenakulo amaja mu buraruko+. 36 Ivyo bene Merari babwirizwa gucungera vyari ibizingiti+ vy’itaberenakulo, n’ibihindizo+ vyayo, n’inkingi+ zayo, n’ivyicaro binogoye vyayo n’ibikoresho vyose+ vyayo, n’igikorwa cose kijanye na yo+, 37 n’inkingi+ z’ikigo zari irya n’ino yaco, n’ivyicaro binogoye+ vyazo n’imambo zazo n’imigozi y’ihema yazo.

38 Abakambika imbere y’itaberenakulo amaja mu buseruko, imbere y’ihema ry’ihuriro amaja i burasirazuba, bari Musa na Aroni n’abahungu biwe; ni bo bari bajejwe kwitwararika ivy’aheranda+, igikorwa bari bajejwe gukorera bene Isirayeli. Uw’ahandi uwo ari we wese yokwegereye yokwishwe+.

39 Abanditswe bose bo mu Balewi abo Musa na Aroni banditse kw’itegeko rya Yehova hakurikijwe imiryango yabo, ab’igitsina-gabo bose kuva ku kwezi kumwe kuduga, bari ibihumbi mirongo ibiri na bibiri.

40 Maze Yehova abwira Musa ati: “Andika ab’igitsina-gabo b’imfura bose bo muri bene Isirayeli kuva ku kwezi kumwe kuduga+, kandi ubaharure. 41 Kandi uze untorere Abalewi mu kibanza c’imfura zose muri bene Isirayeli+, n’ibikoko vy’ibitungano vy’Abalewi mu kibanza c’uburiza bwose mu bikoko vy’ibitungano vya bene Isirayeli+. Ndi Yehova.” 42 Musa atangura kwandika imfura zose muri bene Isirayeli, nk’uko Yehova yari yamutegetse. 43 Igitigiri c’amazina y’ab’igitsina-gabo b’imfura bose banditswe, kuva ku kwezi kumwe kuduga, kiba ibihumbi mirongo ibiri na bibiri n’amajana abiri na mirongo irindwi na batatu.

44 Yehova abandanya kubwira Musa ati: 45 “Tora Abalewi mu kibanza c’imfura zose muri bene Isirayeli, n’ibikoko vy’ibitungano vy’Abalewi mu kibanza c’ibikoko vy’ibitungano vyabo; kandi Abalewi bazocika abanje+. Ndi Yehova. 46 Bwa kiguzi c’incungu*+ ca bamwe amajana abiri na mirongo irindwi na batatu bo mu mfura za bene Isirayeli, bamwe barenga ku Balewi+, 47 uze utore shekeli zitanu ku muntu umwumwe wese+. Uze uzitore wisunze shekeli y’ahantu heranda. Shekeli imwe ni gera* mirongo ibiri+. 48 Kandi uze uhe ayo mahera Aroni n’abahungu biwe abe ikiguzi c’incungu c’abarenze kuri bo.” 49 Nuko Musa atora nya mahera y’ikiguzi c’icungurwa ayakuye ku bari barenze ku kiguzi c’incungu c’Abalewi. 50 Atora nya mahera y’imfura za bene Isirayeli, shekeli igihumbi n’amajana atatu na mirongo itandatu na zitanu, hisunzwe shekeli y’ahantu heranda. 51 Maze Musa aha Aroni n’abahungu biwe nya mahera y’ikiguzi c’incungu yisunze itegeko rya Yehova, nk’uko Yehova yari yategetse Musa.

4 Nuko Yehova abwira Musa na Aroni ati: 2 “Hazoharurwe igitigiri cose hamwe ca bene Kohati+ muri bene Lewi, hisunzwe imiryango yabo, mu nzu ya ba se, 3 kuva ku myaka mirongo itatu kuduga+ gushika ku myaka mirongo itanu+, abinjira mu mugwi w’abakora igikorwa+ mw’ihema ry’ihuriro bose.

4 “Iki ni co gikorwa ca bene Kohati mw’ihema ry’ihuriro+. Ni ikintu ceranda rwose: 5 Igihe ikambi igira igende, Aroni n’abahungu biwe baze binjire, maze bamanure irido+ yo gukingiriza hanyuma bayipfukishe isandugu+ y’igishingantahe. 6 Baze bayishireko igipfukisho c’inshato z’ivyogaruzi*+ hanyuma basanze hejuru impuzu yose uko ingana y’ubururu maze bashiremwo iminiho+ yayo.

7 “Bazosanza impuzu y’ubururu ku meza+ y’imikate yerekanwa*, kandi baze bayishireko amasahani+, n’ibikombe, n’amabakure+, n’amakarabo y’ishikanwa ry’ikinyobwa; kandi umukate w’ubudasiba+ uze ugume kuri yo. 8 Baze basanze kuri vyo impuzu y’ibara ry’agahama*+, kandi baze bayipfukishe igipfukisho c’inshato z’ivyogaruzi+ hanyuma bashiremwo iminiho+ yayo. 9 Baze bafate impuzu y’ubururu maze bapfuke igitereko c’amatara+ c’igitangamuco, n’amatara yaco+, n’udupensi+ twaco, n’ibijamwo umuriro+ vyaco, n’ivyombo+ vy’amavuta vyaco vyose bakoresha ibikorwa vyaco ubudasiba. 10 Baze bagishire, co hamwe n’ibikoresho vyaco vyose, mu gipfukisho c’inshato z’ivyogaruzi+ maze bagishire ku mwamba. 11 Bazosanza impuzu y’ubururu ku gicaniro+ c’inzahabu, kandi baze bagipfukishe igipfukisho c’inshato z’ivyogaruzi+ maze bashiremwo iminiho yaco+. 12 Baze bafate ibikoresho+ vyose vy’ubusuku bakoresha mu gukorera igikorwa ahantu heranda ubudasiba, babishire mu mpuzu y’ubururu hanyuma babipfukishe igipfukisho c’inshato z’ivyogaruzi+ maze babishire ku mwamba.

13 “Baze bakureho iminyota irimwo ibinure y’igicaniro+ maze basanze kuri co impuzu y’ubwoya buzize ibara ry’umuyugubwe ugomba gutukura. 14 Baze bashire kuri co ibikoresho vyaco vyose bakoresha ibikorwa vyaco ubudasiba, ibijamwo umuriro, amakanya, ibiyozo n’amabakure, ibikoresho vy’igicaniro vyose+; hanyuma baze basanze kuri co igipfukisho c’inshato z’ivyogaruzi maze bashiremwo iminiho yaco+.

15 “Aroni n’abahungu biwe baze barangize gupfuka ahantu heranda+ n’ibikoresho+ vy’aho vyose igihe ikambi izoba igira igende; inyuma y’ivyo bene Kohati bazokwinjira kugira babitware+, mugabo ntibaze bakore+ ku hantu heranda, kuko bopfa ata kabuza. Ivyo bintu ni wo mutwaro wa bene Kohati mw’ihema ry’ihuriro+.

16 “Eleyazari mwene Aroni umuherezi ajejwe gucungera+ amavuta+ y’igitangamuco n’imibavu* imota neza+, n’ishikanwa ry’intete ry’ubudasiba+ n’amavuta yo kurobanuza+, ugucungera itaberenakulo yose n’ikintu cose kiri muri yo, ni ukuvuga ahantu heranda n’ibikoresho vyaho.”

17 Yehova yongera kubwira Musa na Aroni ati: 18 “Ntimuze mureke ngo umuryango ugizwe n’imiryango y’Abakohati+ urandurwe mu Balewi. 19 Mugabo muze mubakorere ibi kugira ngo bagume koko ari bazima ntibapfe kubera begereye ibintu vyeranda rwose+. Aroni n’abahungu biwe bazokwinjira, kandi baze babashinge umwe wese igikorwa ciwe n’umutwaro wiwe. 20 Ntibaze binjire ngo babone ibintu vyeranda n’akanya na gatoyi, kuko bopfa ata kabuza+.”

21 Maze Yehova abwira Musa ati: 22 “Hazoharurwe igitigiri cose hamwe ca bene Gerishoni+, egome, abo bahungu hakurikijwe inzu ya ba se nk’uko imiryango yabo iri. 23 Uzobandika kuva ku myaka mirongo itatu kuduga gushika ku myaka mirongo itanu+, abaza kwinjira mu mugwi w’abakora igikorwa mw’ihema ry’ihuriro bose. 24 Iki ni co gikorwa c’imiryango y’Abagerishoni ku bijanye n’ivyo bazokora be n’ivyo bazotwara+: 25 Baze batware ibitambara vy’ihema+ vy’itaberenakulo n’ihema ry’ihuriro+, igipfukisho+ caryo n’igipfukisho kiri hejuru kuri ryo c’urushato rw’icogaruzi+, n’igikingirizo+ c’ubwinjiriro bw’ihema ry’ihuriro, 26 n’ibitambara bimanitse+ vy’ikigo n’igikingirizo c’ubwinjiriro+ c’irembo ry’ikigo kiri irya n’ino y’itaberenakulo n’igicaniro, n’imigozi y’ihema yavyo n’ibikoresho vy’igikorwa vyavyo vyose, n’ibintu vyose bakoresha igikorwa ubudasiba. Ukwo ni ko bazokora. 27 Igikorwa cose c’abahungu b’Abagerishoni+, ivyo batwara vyose n’ivyo bakora vyose, kizokorwa kw’itegeko rya Aroni n’abahungu biwe+, kandi muze mubashinge imitwaro yabo yose, kibe ikintu bajejwe. 28 Ico ni co gikorwa c’imiryango y’abahungu b’Abagerishoni+ mw’ihema ry’ihuriro, igikorwa babwirizwa gukora kikaba gihagarikiwe na Itamari+ mwene Aroni umuherezi.

29 “Nayo bene Merari+, uzobandika hakurikijwe imiryango yabo, mu nzu ya ba se. 30 Uzobandika kuva ku myaka mirongo itatu kuduga gushika ku myaka mirongo itanu, abaza kwinjira mu mugwi w’abakora igikorwa mw’ihema ry’ihuriro bose+. 31 Ibi ni vyo bajejwe, ivyo bazotwara+, nk’uko igikorwa cabo cose mw’ihema ry’ihuriro kiri: ibizingiti+ vy’itaberenakulo n’ibihindizo+ vyayo n’inkingi+ zayo n’ivyicaro binogoye vyayo+, 32 n’inkingi+ z’ikigo ziri irya n’ino yaco n’ivyicaro binogoye+ vyazo n’imambo zazo+ n’imigozi yazo y’ihema hamwe n’ibikoresho vyazo vyose n’igikorwa cazo cose. Muzobashinga ibikoresho babwirizwa gutwara+, hakurikijwe amazina yabo. 33 Ico ni co gikorwa c’imiryango ya bene Merari+ hisunzwe igikorwa cabo cose mw’ihema ry’ihuriro, gihagarikiwe na Itamari mwene Aroni umuherezi+.”

34 Musa na Aroni n’abakuru+ b’ikoraniro batangura kwandika abahungu b’Abakohati+ hakurikijwe imiryango yabo n’inzu ya ba se, 35 kuva ku myaka mirongo itatu+ kuduga gushika ku myaka mirongo itanu+, abinjira mu mugwi w’abakora igikorwa mw’ihema ry’ihuriro bose+. 36 Abanditswe bo muri bo hakurikijwe imiryango yabo baba ibihumbi bibiri n’amajana indwi na mirongo itanu+. 37 Abo ni bo banditswe+ bo mu miryango y’Abakohati, abakorera mw’ihema ry’ihuriro bose, abo Musa na Aroni banditse kw’itegeko rya Yehova ryatanzwe biciye kuri Musa.

38 Nayo abanditswe bo muri bene Gerishoni+ hakurikijwe imiryango yabo n’inzu ya ba se, 39 kuva ku myaka mirongo itatu kuduga gushika ku myaka mirongo itanu, abinjira mu mugwi w’abakora igikorwa mw’ihema ry’ihuriro+ bose, 40 abanditswe bo muri bo hakurikijwe imiryango yabo, hakurikijwe inzu ya ba se, baba ibihumbi bibiri n’amajana atandatu na mirongo itatu+. 41 Abo ni bo banditswe bo mu miryango ya bene Gerishoni, abakorera mw’ihema ry’ihuriro bose, abo Musa na Aroni banditse kw’itegeko rya Yehova+.

42 Nayo abanditswe bo mu miryango ya bene Merari hakurikijwe imiryango yabo, hakurikijwe inzu ya ba se, 43 kuva ku myaka mirongo itatu kuduga gushika ku myaka mirongo itanu, abinjira mu mugwi w’abakora igikorwa mw’ihema ry’ihuriro+ bose, 44 abanditswe bo muri bo hakurikijwe imiryango yabo baba ibihumbi bitatu n’amajana abiri+. 45 Abo ni bo banditswe bo mu miryango ya bene Merari, abo Musa na Aroni banditse kw’itegeko rya Yehova ryatanzwe biciye kuri Musa+.

46 Abanditswe bose, abo Musa na Aroni n’abakuru ba Isirayeli banditse bwa Balewi hakurikijwe imiryango yabo n’inzu ya ba se, 47 kuva ku myaka mirongo itatu kuduga gushika ku myaka mirongo itanu+, abaza bose gukora igikorwa kiruhisha n’igikorwa co gutwara imitwaro mw’ihema ry’ihuriro+, 48 abanditswe babo baba ibihumbi umunani n’amajana atanu na mirongo umunani+. 49 Bandikwa biciye kuri Musa nk’uko Yehova yari yategetse, umwe wese hakurikijwe igikorwa ciwe n’umutwaro wiwe; bandikwa nk’uko Yehova yari yategetse Musa+.

5 Yehova yongera kubwira Musa ati: 2 “Tegeka bene Isirayeli barungike inyuma y’ikambi umuntu wese arwaye imibembe+, n’umuntu wese afise urunyigimbe rwisuka+, n’uwo wese ahumanijwe n’uwapfuye+. 3 Yaba umugabo canke umugore, muze mubarungike. Muze mubarungike inyuma y’ikambi+, kugira ngo ntibandukize+ amakambi y’abo ncumbitsemwo+.” 4 Nuko bene Isirayeli bakora gutyo, egome, babarungika inyuma y’ikambi. Nk’uko Yehova yari yabwiye Musa, ni ko bene Isirayeli bakoze.

5 Yehova abandanya kubwira Musa ati: 6 “Bwira bene Isirayeli uti: ‘Ku vyerekeye umugabo canke umugore, mu gihe akoze ico ari co cose mu bicumuro vyose abantu bakora, mu guhemukira Yehova, uwo muntu* azoba yagiriwe n’icaha+. 7 Aze yemere icese+ igicumuro ciwe yakoze, kandi aze arihe inshumbusho y’ukwagirwa n’icaha kwiwe yose uko ingana, yongereko n’ica gatanu cayo+, maze ayihe uwo yagiriye nabi. 8 Mugabo nimba uno atagira incuti ya hafi yorihwa iyo nshumbusho y’ukwagirwa n’icaha, nya nshumbusho y’ukwagirwa n’icaha irishwe Yehova izoca yegukira umuherezi, kiretse impfizi y’intama y’impongano azomutangirako impongano*+.

9 “‘Intererano+ yose yo ku bintu vyeranda+ vyose vya bene Isirayeli, ivyo bazoshikiriza umuherezi, ikwiye kuba iyiwe+. 10 Ibintu vyeranda vy’umwe wese bizoguma ari rwiwe. Ico umuntu ahaye umuherezi, ico ni co kizoba rwiwe.’”

11 Yehova abandanya kubwira Musa ati: 12 “Vugana na bene Isirayeli, ubabwire uti: ‘Umugore w’umugabo uwo ari we wese aramutse akebeje akamuhemukira+, 13 uwundi mugabo akaryamana na we koko maze intanga zikamuvamwo+, bikaba vyanyegejwe amaso y’umugabo wiwe+, bikaba kandi bitagiye ku mugaragaro, uwo mugore na we akaba yarihumanije mugabo akaba ata cabona kihari comwagiriza, kandi ubwiwe akaba atafashwe; 14 kandi impwemu y’ishari+ ikaba yaciye kuri nya mugabo, uno akaba yatanguye kugira umwikeko ku bijanye n’ubwizigirwa bw’umugore wiwe, kandi uwo mugore akaba koko yarihumanije, canke impwemu y’ishari ikaba yaciye ku mugabo wiwe, maze akaba yatanguye kugira umwikeko ku bijanye n’ubwizigirwa bw’umugore wiwe, mugabo uno mu vy’ukuri akaba atihumanije; 15 uwo mugabo azoce azana umugore wiwe ku muherezi+, amuzanane n’ishikanwa rya nya mugore, ic’icumi c’ingero ya efa* c’ifu ya sayiri*. Ntaze ayisukeko amavuta canke ngo ayishireko imibavu yitwa olibani+, kuko ari ishikanwa ry’intete ry’ishari, ishikanwa ry’intete ry’icibutso ryibutsa ikosa.

16 “‘Maze umuherezi aze amwegeze imbere, amuhagarike imbere ya Yehova+. 17 Nya muherezi aze afate amazi meranda mu combo c’ikibumbano, maze uwo muherezi afate mukeyi ku mukungugu uri hasi mw’itaberenakulo, awushire muri ayo mazi. 18 Uwo muherezi aze ahagarike nya mugore imbere ya Yehova, atekurure umushatsi wo ku mutwe wa nya mugore yongere ashire ku biganza vy’uno ishikanwa ry’intete ry’icibutso, ni ukuvuga ishikanwa ry’intete ry’ishari+, kandi mu kuboko kw’umuherezi hazobe hari ya mazi azana umuvumo+.

19 “‘Maze nya muherezi aze amurahize, abwire nya mugore ati: “Nimba ata mugabo yaryamanye nawe kandi nimba utakebereje mu buhumane na bumwe mu gihe ukigabwa n’umugabo wawe+, ntushikweko n’ingaruka y’aya mazi arura azana umuvumo. 20 Mugabo hamwe wewe woba warakebeje ukigabwa n’umugabo wawe+ kandi ukaba warihumanije, hakaba kandi hari umugabo yashize muri wewe intanga zimuvuyemwo+, uretse umugabo wawe, . . .” 21 Nya muherezi aze arahize rero uwo mugore indahiro irimwo ukwivuma+, maze uwo muherezi abwire nya mugore ati: “Yehova akugire umuvumo n’indahiro mu bantu bawe, Yehova ubwiwe areke itako+ ryawe rinyunyuke n’inda yawe ivyimbe. 22 Kandi aya mazi azana umuvumo yinjire mu mara yawe kugira atume inda yawe ivyimba n’itako rinyunyuka.” Uwo mugore azoce avuga ati: “Amen! Amen!”

23 “‘Maze nya muherezi aze yandike iyo mivumo mu gitabu+ aheze ayihanagurire+ muri nya mazi arura. 24 Aze anyweshe uwo mugore nya mazi arura azana umuvumo+, hanyuma ayo mazi azana umuvumo yinjire muri we bwa kintu kirura. 25 Uwo muherezi aze afate rya shikanwa ry’intete+ ry’ishari arikuye mu kuboko kwa nya mugore maze azungagize iryo shikanwa ry’intete irya n’ino imbere ya Yehova, hanyuma arizane hafi y’igicaniro. 26 Maze uwo muherezi aze akamate igihimba ca nya shikanwa ry’intete bwa cibutsa+ caryo, agifumbishe umwotsi ku gicaniro; inyuma y’ivyo azonywesha nya mugore ayo mazi. 27 Amaze kumunywesha ayo mazi, ng’ibi ibizoba: nimba yarihumanije mu guhemukira umugabo wiwe+, nya mazi azana umuvumo azokwinjira rero muri we bwa kintu kirura, maze inda yiwe izovyimba, kandi itako ryiwe rizonyunyuka, kandi uwo mugore azocika umuvumo mu bantu b’iwabo+. 28 Ariko nimba uwo mugore atihumanije akaba rero ari uwudahumanye, azoce akira ico gihano+; maze aze abone gusama inda.

29 “‘Iryo ni ryo tegeko ku vyerekeye ishari+, mu gihe umugore yokevya+ akigabwa n’umugabo wiwe+, akihumanya koko, 30 canke ku bijanye n’umugabo mu gihe impwemu y’ishari yoca kuri we, maze akikeka koko ubuhemu ku mugore wiwe; aze ahagarike nya mugore imbere ya Yehova, hanyuma umuherezi ashitse kuri we iri tegeko ryose. 31 Nya mugabo azoba abaye uwutagirwa n’ikosa, mugabo uwo mugore azokwishura ikosa ryiwe.’”

6 Yehova yongera kubwira Musa ati: 2 “Vugana na bene Isirayeli, ubabwire uti: ‘Mu gihe umugabo canke umugore agize indagano idasanzwe yo kubaho ari Umunaziri*+ kuri Yehova, 3 aze yirinde umuvinyu n’inzoga iboreza. Ntaze anywe inkarihe y’umuvinyu canke inkarihe y’inzoga iboreza+, canke ngo anywe ikinyobwa na kimwe gikozwe mu nzabibu, canke ngo arye inzabibu, zaba izitumye canke izumye. 4 Imisi yose y’Ubunaziri bwiwe ntaze arye ikintu na kimwe gikozwe mu muzabibu utanga umuvinyu, kuva ku nzabibu zidahiye gushika ku bishishwa.

5 “‘Mu misi yose y’indagano y’Ubunaziri bwiwe ntihaze hagire urumosho ruca ku mutwe wiwe+; aze abe mweranda mu kureka umushatsi+ wo ku mutwe wiwe ugakura, gushika imisi azoba atandukanirijwe Yehova ikwiye. 6 Imisi yose azoguma atandukanirijwe Yehova ntaze yegere umuvyimba n’umwe+. 7 Eka naho yoba ari se canke nyina, canke mwene wabo canke mushikiwe, ntaze abihumanishe nibapfa+, kuko ikimenyetso c’Ubunaziri bwiwe ku Mana yiwe kiri ku mutwe wiwe.

8 “‘Imisi yose y’Ubunaziri bwiwe azoba ari mweranda kuri Yehova. 9 Mugabo mu gihe hogira uwupfira giturumbuka iruhande yiwe+ agahumanya umutwe w’Ubunaziri bwiwe, aze rero amwe+ umutwe wiwe ku musi wo kwemeza ityororwa ryiwe. Aze awumwe ku musi ugira indwi. 10 Ku musi ugira umunani na ho, aze azanire umuherezi intunguru zibiri canke inuma zikiri nto zibiri ku bwinjiriro bw’ihema ry’ihuriro+. 11 Umuherezi aze afate imwe bwa shikanwa ry’igicumuro+ iyindi na yo bwa shikanwa riturirwa+, maze amutangire impongano, kuko yacumuye kubera nya muvyimba. Maze aze yeze umutwe wiwe kuri uwo musi. 12 Aze abeho ari Umunaziri+ kuri Yehova mu misi y’Ubunaziri bwiwe, kandi aze azane impfizi y’intama ikiri nto iri mu mwaka wayo wa mbere bwa shikanwa ry’ukwagirwa n’icaha+; imisi ya kera ntizoharurwa kuko yahumanije Ubunaziri bwiwe.

13 “‘Iri rero ni ryo tegeko ryerekeye Umunaziri: Ku musi imisi y’Ubunaziri bwiwe ikwiriye+, azozanwa ku bwinjiriro bw’ihema ry’ihuriro. 14 Bwa shikanwa ryiwe rihabwa Yehova, aze ashikirize impfizi y’intama imwe ikiri nto itagira akanenge iri mu mwaka wayo wa mbere, ayishikirize nk’ishikanwa riturirwa+, n’umwagazi w’intama umwe w’ishashi utagira akanenge uri mu mwaka wawo wa mbere, bwa shikanwa ry’igicumuro+, n’impfizi y’intama itagira akanenge imwe bwa kimazi c’ugusangira+, 15 n’igisimbo c’udutsima tumeze nk’ikigōmbo tutarimwo umwambiro tw’ifu inoze+, tubombekeshejwe amavuta+, n’udukate tutarimwo umwambiro dusizwe amavuta+, n’ishikanwa ry’intete+ ryavyo n’amashikanwa y’ikinyobwa+ yavyo. 16 Maze umuherezi aze abishikirize imbere ya Yehova yongere ahereze ishikanwa ry’igicumuro ryiwe be n’ishikanwa riturirwa+ ryiwe. 17 Kandi azohereza ya mpfizi y’intama bwa kimazi c’ugusangira+ gihabwa Yehova kumwe n’igisimbo c’udutsima tutarimwo umwambiro; hanyuma umuherezi aze ahereze ishikanwa ry’intete+ ryayo n’ishikanwa ry’ikinyobwa ryayo.

18 “‘Maze nya Munaziri aze amwere+ umutwe w’Ubunaziri bwiwe ku bwinjiriro bw’ihema ry’ihuriro, hanyuma afate umushatsi wo ku mutwe w’Ubunaziri bwiwe, awushire ku muriro uri munsi ya ca kimazi c’ugusangira. 19 Umuherezi aze afate urutugu rubijijwe+ ruvuye kuri nya mpfizi y’intama, n’agatsima kamwe kameze nk’ikigōmbo katarimwo umwambiro kavuye mu gisimbo, n’agakate+ katarimwo umwambiro kamwe, abishire ku biganza vya nya Munaziri igihe azoba amaze kwimwesha ikimenyetso c’Ubunaziri bwiwe. 20 Maze umuherezi aze abizungagize irya n’ino bwa shikanwa rizungagizwa imbere ya Yehova+. Ni ikintu ceranda cegukira umuherezi, kumwe n’inkoro+ y’ishikanwa rizungagizwa* be n’ukuguru kw’intererano+. Mu nyuma nya Munaziri azoshobora kunywa umuvinyu+.

21 “‘Iryo ni ryo tegeko ryerekeye Umunaziri+ aragana, ryerekeye ishikanwa ryiwe rihabwa Yehova ku bijanye n’Ubunaziri bwiwe, udashizemwo ivyo we ubwiwe azoba ashoboye kuronka. Aze akore yisunze indagano yiwe azogira, kubera itegeko ry’Ubunaziri bwiwe.’”

22 Maze Yehova abwira Musa ati: 23 “Bwira Aroni n’abahungu biwe uti: ‘Uku ni ko muzohezagira+ bene Isirayeli, mu kubabwira muti:

24 “Yehova aguhezagire+ yongere akuzigame+.

25 Yehova atume mu maso hiwe hagukayanganirako+ yongere agutoneshe+.

26 Yehova yunamurire amaso yiwe kuri wewe+ yongere aguhe amahoro+.”’

27 Kandi baze bashire izina ryanje+ kuri bene Isirayeli, kugira ngo jewe ubwanje ndabahezagire+.”

7 Nuko ku musi Musa yarangiza gushinga itaberenakulo+, atangura kuyirobanuza amavuta+ no kuyeza hamwe n’ibikoresho vyayo vyose n’igicaniro n’ibikoresho vyaco vyose. Gutyo abirobanuza amavuta yongera aravyeza+. 2 Maze abakuru ba Isirayeli+, abakuru b’inzu ya ba se, bashikiriza ishikanwa+, bano bakaba bari abakuru b’imiryango bakaba kandi bahagararira abanditswe, 3 bazana ishikanwa ryabo imbere ya Yehova, imikogote itandatu ipfutse be n’inka cumi na zibiri, umukogote ku bakuru babiri n’ishūri kuri umwe wese; maze babishikiriza imbere y’itaberenakulo. 4 Yehova abwira Musa ati: 5 “Bibakirire, kuko bizokoreshwa mu kurangura igikorwa c’ihema ry’ihuriro, kandi ubihe Abalewi, umwe wese bivanye n’igikorwa ciwe.”

6 Nuko Musa yakira nya mikogote na nya nka maze abiha Abalewi. 7 Imikogote ibiri n’inka zine abiha bene Gerishoni bivanye n’igikorwa cabo+, 8 imikogote ine n’inka umunani na vyo abiha bene Merari bivanye n’igikorwa cabo+; vyari bihagarikiwe na Itamari mwene Aroni umuherezi+. 9 Mugabo bene Kohati ntiyagira ico abaha, kuko bari bajejwe igikorwa c’ahantu heranda+. Batwarira ibintu ku rutugu+.

10 Nuko abakuru bashikiriza ishikanwa ryabo mu gihe c’ugushikiriza+ igicaniro ku musi wo kukirobanuza amavuta, maze abo bakuru batangura gushikiriza ishikanwa ryabo imbere y’igicaniro. 11 Yehova abwira rero Musa ati: “Uku ni ko bazoshikiriza ishikanwa ryabo ku bw’ugushikiriza igicaniro: umukuru umwe ku musi umwe, uwundi mukuru ku wundi musi+.”

12 Nuko uwashikirije ishikanwa ryiwe ku musi wa mbere aba Nahashoni+ mwene Aminadabu wo mu muryango wa Yuda. 13 Ishikanwa ryiwe ryari iri: isahani y’ifeza imwe, uburemere bwayo bukaba bwari shekeli ijana na mirongo itatu, ibakure y’ifeza imwe ya shekeli mirongo irindwi hisunzwe shekeli y’ahantu heranda+, vyompi vyuzuye ifu inoze ibombekeshejwe amavuta ku bw’ishikanwa ry’intete+; 14 igikombe c’inzahabu kimwe ca shekeli cumi cuzuye imibavu+; 15 ikimasa kimwe, impfizi y’intama imwe, umwagazi w’intama w’isuguru umwe uri mu mwaka wawo wa mbere, ku bw’ishikanwa riturirwa+; 16 umwagazi w’impene umwe ku bw’ishikanwa ry’igicumuro+; 17 ku bw’ikimazi c’ugusangira+ na ho, ashikana inka zibiri, impfizi z’intama zitanu, amasuguru y’impene atanu, imyagazi y’intama y’amasuguru itanu, umwe wose umaze umwaka. Iryo ni ryo ryabaye ishikanwa rya Nahashoni mwene Aminadabu+.

18 Ku musi ugira kabiri Netaneli+ mwene Zuwari, umukuru w’umuryango wa Isakari, ashikiriza ishikanwa. 19 Ishikanwa ryiwe yashikirije ryari iri: isahani y’ifeza imwe, uburemere bwayo bukaba bwari shekeli ijana na mirongo itatu, ibakure y’ifeza imwe ya shekeli mirongo irindwi hisunzwe shekeli y’ahantu heranda, vyompi vyuzuye ifu inoze ibombekeshejwe amavuta ku bw’ishikanwa ry’intete+; 20 igikombe c’inzahabu kimwe ca shekeli cumi cuzuye imibavu; 21 ikimasa kimwe, impfizi y’intama imwe, umwagazi w’intama w’isuguru umwe uri mu mwaka wawo wa mbere, ku bw’ishikanwa riturirwa+; 22 umwagazi w’impene umwe ku bw’ishikanwa ry’igicumuro+; 23 ku bw’ikimazi c’ugusangira+ na ho, ashikana inka zibiri, impfizi z’intama zitanu, amasuguru y’impene atanu, imyagazi y’intama y’amasuguru itanu, umwe wose umaze umwaka. Iryo ni ryo ryabaye ishikanwa rya Netaneli mwene Zuwari.

24 Ku musi ugira gatatu hari haramukiwe umukuru wa bene Zebuloni, Eliyabu+ mwene Heloni. 25 Ishikanwa ryiwe ryari isahani y’ifeza imwe, uburemere bwayo bukaba bwari shekeli ijana na mirongo itatu, ibakure y’ifeza imwe ya shekeli mirongo irindwi hisunzwe shekeli y’ahantu heranda, vyompi vyuzuye ifu inoze ibombekeshejwe amavuta ku bw’ishikanwa ry’intete; 26 igikombe c’inzahabu kimwe ca shekeli cumi cuzuye imibavu; 27 ikimasa kimwe, impfizi y’intama imwe, umwagazi w’intama w’isuguru umwe uri mu mwaka wawo wa mbere, ku bw’ishikanwa riturirwa+; 28 umwagazi w’impene umwe ku bw’ishikanwa ry’igicumuro+; 29 ku bw’ikimazi c’ugusangira+ na ho, ashikiriza inka zibiri, impfizi z’intama zitanu, amasuguru y’impene atanu, imyagazi y’intama y’amasuguru itanu, umwe wose umaze umwaka. Iryo ni ryo ryabaye ishikanwa rya Eliyabu mwene Heloni+.

30 Ku musi ugira kane hari haramukiwe umukuru wa bene Rubeni, Elizuri+ mwene Shedewuri. 31 Ishikanwa ryiwe ryari iri: isahani y’ifeza imwe, uburemere bwayo bukaba bwari shekeli ijana na mirongo itatu, ibakure y’ifeza imwe ya shekeli mirongo irindwi hisunzwe shekeli y’ahantu heranda, vyompi vyuzuye ifu inoze ibombekeshejwe amavuta ku bw’ishikanwa ry’intete+; 32 igikombe c’inzahabu kimwe ca shekeli cumi cuzuye imibavu; 33 ikimasa kimwe, impfizi y’intama imwe, umwagazi w’intama w’isuguru umwe uri mu mwaka wawo wa mbere, ku bw’ishikanwa riturirwa+; 34 umwagazi w’impene umwe ku bw’ishikanwa ry’igicumuro+; 35 ku bw’ikimazi c’ugusangira+ na ho, ashikiriza inka zibiri, impfizi z’intama zitanu, amasuguru y’impene atanu, imyagazi y’intama y’amasuguru itanu, umwe wose umaze umwaka. Iryo ni ryo ryabaye ishikanwa rya Elizuri mwene Shedewuri+.

36 Ku musi ugira gatanu hari haramukiwe umukuru wa bene Simeyoni, Shelumiyeli+ mwene Zurishadayi. 37 Ishikanwa ryiwe ryari iri: isahani y’ifeza imwe, uburemere bwayo bukaba bwari shekeli ijana na mirongo itatu, ibakure y’ifeza imwe ya shekeli mirongo irindwi hisunzwe shekeli y’ahantu heranda, vyompi vyuzuye ifu inoze ibombekeshejwe amavuta ku bw’ishikanwa ry’intete+; 38 igikombe c’inzahabu kimwe ca shekeli cumi cuzuye imibavu; 39 ikimasa kimwe, impfizi y’intama imwe, umwagazi w’intama w’isuguru umwe uri mu mwaka wawo wa mbere, ku bw’ishikanwa riturirwa+; 40 umwagazi w’impene umwe ku bw’ishikanwa ry’igicumuro+; 41 ku bw’ikimazi c’ugusangira+ na ho, ashikiriza inka zibiri, impfizi z’intama zitanu, amasuguru y’impene atanu, imyagazi y’intama y’amasuguru itanu, umwe wose umaze umwaka. Iryo ni ryo ryabaye ishikanwa rya Shelumiyeli mwene Zurishadayi+.

42 Ku musi ugira gatandatu hari haramukiwe umukuru wa bene Gadi, Eliyasafu+ mwene Deyuweli. 43 Ishikanwa ryiwe ryari iri: isahani y’ifeza imwe, uburemere bwayo bukaba bwari shekeli ijana na mirongo itatu, ibakure y’ifeza imwe ya shekeli mirongo irindwi hisunzwe shekeli y’ahantu heranda, vyompi vyuzuye ifu inoze ibombekeshejwe amavuta ku bw’ishikanwa ry’intete+; 44 igikombe c’inzahabu kimwe ca shekeli cumi cuzuye imibavu+; 45 ikimasa kimwe, impfizi y’intama imwe, umwagazi w’intama w’isuguru umwe uri mu mwaka wawo wa mbere, ku bw’ishikanwa riturirwa+; 46 umwagazi w’impene umwe ku bw’ishikanwa ry’igicumuro+; 47 ku bw’ikimazi c’ugusangira+ na ho, ashikiriza inka zibiri, impfizi z’intama zitanu, amasuguru y’impene atanu, imyagazi y’intama y’amasuguru itanu, umwe wose umaze umwaka. Iryo ni ryo ryabaye ishikanwa rya Eliyasafu mwene Deyuweli+.

48 Ku musi ugira indwi hari haramukiwe umukuru wa bene Efurayimu, Elishama+ mwene Amihudi. 49 Ishikanwa ryiwe ryari iri: isahani y’ifeza imwe, uburemere bwayo bukaba bwari shekeli ijana na mirongo itatu, ibakure y’ifeza imwe ya shekeli mirongo irindwi hisunzwe shekeli y’ahantu heranda, vyompi vyuzuye ifu inoze ibombekeshejwe amavuta ku bw’ishikanwa ry’intete+; 50 igikombe c’inzahabu kimwe ca shekeli cumi cuzuye imibavu; 51 ikimasa kimwe, impfizi y’intama imwe, umwagazi w’intama w’isuguru umwe uri mu mwaka wawo wa mbere, ku bw’ishikanwa riturirwa+; 52 umwagazi w’impene umwe ku bw’ishikanwa ry’igicumuro+; 53 ku bw’ikimazi c’ugusangira+ na ho, ashikiriza inka zibiri, impfizi z’intama zitanu, amasuguru y’impene atanu, imyagazi y’intama y’amasuguru itanu, umwe wose umaze umwaka. Iryo ni ryo ryabaye ishikanwa rya Elishama mwene Amihudi+.

54 Ku musi ugira umunani hari haramukiwe umukuru wa bene Manase, Gamaliyeli+ mwene Pedahazuri. 55 Ishikanwa ryiwe ryari iri: isahani y’ifeza imwe, uburemere bwayo bukaba bwari shekeli ijana na mirongo itatu, ibakure y’ifeza imwe ya shekeli mirongo irindwi hisunzwe shekeli y’ahantu heranda, vyompi vyuzuye ifu inoze ibombekeshejwe amavuta ku bw’ishikanwa ry’intete+; 56 igikombe c’inzahabu kimwe ca shekeli cumi cuzuye imibavu+; 57 ikimasa kimwe, impfizi y’intama imwe, umwagazi w’intama w’isuguru umwe uri mu mwaka wawo wa mbere, ku bw’ishikanwa riturirwa+; 58 umwagazi w’impene umwe ku bw’ishikanwa ry’igicumuro+; 59 ku bw’ikimazi c’ugusangira+ na ho, ashikiriza inka zibiri, impfizi z’intama zitanu, amasuguru y’impene atanu, imyagazi y’intama y’amasuguru itanu, umwe wose umaze umwaka. Iryo ni ryo ryabaye ishikanwa rya Gamaliyeli mwene Pedahazuri+.

60 Ku musi ugira icenda hari haramukiwe umukuru+ wa bene Benyamini, Abidani+ mwene Gideyoni. 61 Ishikanwa ryiwe ryari iri: isahani y’ifeza imwe, uburemere bwayo bukaba bwari shekeli ijana na mirongo itatu, ibakure y’ifeza imwe ya shekeli mirongo irindwi hisunzwe shekeli y’ahantu heranda, vyompi vyuzuye ifu inoze ibombekeshejwe amavuta ku bw’ishikanwa ry’intete+; 62 igikombe c’inzahabu kimwe ca shekeli cumi cuzuye imibavu; 63 ikimasa kimwe, impfizi y’intama imwe, umwagazi w’intama w’isuguru umwe uri mu mwaka wawo wa mbere, ku bw’ishikanwa riturirwa+; 64 umwagazi w’impene umwe ku bw’ishikanwa ry’igicumuro+; 65 ku bw’ikimazi c’ugusangira+ na ho, ashikiriza inka zibiri, impfizi z’intama zitanu, amasuguru y’impene atanu, imyagazi y’intama y’amasuguru itanu, umwe wose umaze umwaka. Iryo ni ryo ryabaye ishikanwa rya Abidani mwene Gideyoni+.

66 Ku musi ugira cumi hari haramukiwe umukuru wa bene Dani, Ahiyezeri+ mwene Amishadayi. 67 Ishikanwa ryiwe ryari iri: isahani y’ifeza imwe, uburemere bwayo bukaba bwari shekeli ijana na mirongo itatu, ibakure y’ifeza imwe ya shekeli mirongo irindwi hisunzwe shekeli y’ahantu heranda, vyompi vyuzuye ifu inoze ibombekeshejwe amavuta ku bw’ishikanwa ry’intete+; 68 igikombe c’inzahabu kimwe ca shekeli cumi cuzuye imibavu; 69 ikimasa kimwe, impfizi y’intama imwe, umwagazi w’intama w’isuguru umwe uri mu mwaka wawo wa mbere, ku bw’ishikanwa riturirwa+; 70 umwagazi w’impene umwe ku bw’ishikanwa ry’igicumuro+; 71 ku bw’ikimazi c’ugusangira+ na ho, ashikiriza inka zibiri, impfizi z’intama zitanu, amasuguru y’impene atanu, imyagazi y’intama y’amasuguru itanu, umwe wose umaze umwaka. Iryo ni ryo ryabaye ishikanwa rya Ahiyezeri mwene Amishadayi+.

72 Ku musi ugira cumi na rimwe hari haramukiwe umukuru wa bene Asheri, Pagiyeli+ mwene Okarani. 73 Ishikanwa ryiwe ryari iri: isahani y’ifeza imwe, uburemere bwayo bukaba bwari shekeli ijana na mirongo itatu, ibakure y’ifeza imwe ya shekeli mirongo irindwi hisunzwe shekeli y’ahantu heranda, vyompi vyuzuye ifu inoze ibombekeshejwe amavuta ku bw’ishikanwa ry’intete+; 74 igikombe c’inzahabu kimwe ca shekeli cumi cuzuye imibavu+; 75 ikimasa kimwe, impfizi y’intama imwe, umwagazi w’intama w’isuguru umwe uri mu mwaka wawo wa mbere, ku bw’ishikanwa riturirwa+; 76 umwagazi w’impene umwe ku bw’ishikanwa ry’igicumuro+; 77 ku bw’ikimazi c’ugusangira+ na ho, ashikiriza inka zibiri, impfizi z’intama zitanu, amasuguru y’impene atanu, imyagazi y’intama y’amasuguru itanu, umwe wose umaze umwaka. Iryo ni ryo ryabaye ishikanwa rya Pagiyeli mwene Okarani+.

78 Ku musi ugira cumi na kabiri hari haramukiwe umukuru wa bene Nafutali, Ahira+ mwene Enani. 79 Ishikanwa ryiwe ryari iri: isahani y’ifeza imwe, uburemere bwayo bukaba bwari shekeli ijana na mirongo itatu, ibakure y’ifeza imwe ya shekeli mirongo irindwi hisunzwe shekeli y’ahantu heranda, vyompi vyuzuye ifu inoze ibombekeshejwe amavuta ku bw’ishikanwa ry’intete+; 80 igikombe c’inzahabu kimwe ca shekeli cumi cuzuye imibavu+; 81 ikimasa kimwe, impfizi y’intama imwe, umwagazi w’intama w’isuguru umwe uri mu mwaka wawo wa mbere, ku bw’ishikanwa riturirwa+; 82 umwagazi w’impene umwe ku bw’ishikanwa ry’igicumuro+; 83 ku bw’ikimazi c’ugusangira+ na ho, ashikiriza inka zibiri, impfizi z’intama zitanu, amasuguru y’impene atanu, imyagazi y’intama y’amasuguru itanu, umwe wose umaze umwaka. Iryo ni ryo ryabaye ishikanwa rya Ahira mwene Enani+.

84 Iryo ni ryo ryabaye ishikanwa ku bw’ugushikiriza+ igicaniro ku musi wo kukirobanuza amavuta, rivuye ku bakuru+ ba Isirayeli: amasahani y’ifeza cumi n’abiri, amabakure y’ifeza+ cumi n’abiri, ibikombe vy’inzahabu cumi na bibiri; 85 shekeli ijana na mirongo itatu kw’isahani y’ifeza imwe yose, na mirongo irindwi kw’ibakure imwe yose, ifeza zose z’ivyo vyombo zikaba zari shekeli ibihumbi bibiri n’amajana ane hisunzwe shekeli y’ahantu heranda+; 86 nya bikombe vy’inzahabu+ cumi na bibiri vyuzuye imibavu, kimwekimwe cose cari shekeli cumi hisunzwe shekeli y’ahantu heranda, inzahabu zose z’ivyo bikombe zikaba zari shekeli ijana na mirongo ibiri; 87 ibitungwa vyose ku bw’ishikanwa riturirwa+ vyari amashūri cumi n’abiri, impfizi z’intama cumi na zibiri, imyagazi y’intama y’amasuguru cumi n’ibiri, umwe wose umaze umwaka n’amashikanwa y’intete+ yavyo, n’imyagazi y’impene cumi n’ibiri ku bw’ishikanwa ry’igicumuro+; 88 ibitungwa vyose vy’ikimazi c’ugusangira+ na vyo vyabaye amashūri mirongo ibiri n’ane, impfizi z’intama mirongo itandatu, amasuguru y’impene mirongo itandatu, imyagazi y’intama y’amasuguru mirongo itandatu, umwe wose umaze umwaka. Iryo ni ryo ryabaye ishikanwa ku bw’ugushikiriza+ igicaniro inyuma y’aho kirobanurijwe amavuta+.

89 Igihe cose Musa yinjiye mw’ihema ry’ihuriro kuvugana n’Imana+, yarumva ijwi riyaga na we rivuye hejuru y’umurumyo+ wari kw’isandugu y’igishingantahe, rivuye hagati ya ba bakerubi* babiri+; kandi Imana yaravugana na we.

8 Nuko Yehova abwira Musa ati: 2 “Vugana na Aroni, umubwire uti: ‘Igihe cose wakije amatara, ya matara indwi aze aboneshe mu kibanza c’imbere y’igitereko c’amatara+.’” 3 Nuko Aroni atangura gukora gutyo. Yatsa amatara ya nya gitereko ngo aboneshereze ikibanza kiri imbere y’ico gitereko+, nk’uko Yehova yari yategetse Musa. 4 Uku rero ni ko nya gitereko c’amatara cari gihinguwe. Cari ikintu co mu nzahabu gicurishijwe inyundo. Gushika ku mpande zaco no gushika ku mashurwe yaco, cari ikintu gicurishijwe inyundo+. Nk’uko Yehova yari yavyeretse+ Musa, ni ko yari yakoze nya gitereko c’amatara.

5 Yehova yongera kubwira Musa ati: 6 “Tora Abalewi muri bene Isirayeli, kandi uze ubahumanure+. 7 Ibi ni vyo uzobagirira kugira ubahumanure: Uze ubacucagire amazi ahumanura igicumuro+, kandi baze bacishe urumosho ku mubiri wabo wose+, bamese impuzu zabo+ bongere bihumanure+. 8 Maze baze bafate ikimasa+ n’ishikanwa ry’intete+ ryaco ry’ifu inoze ibombekeshejwe amavuta, kandi uzotora ikindi kimasa ku bw’ishikanwa ry’igicumuro+. 9 Uzoce uzana Abalewi imbere y’ihema ry’ihuriro hanyuma ukoranye ikoraniro ryose rya bene Isirayeli+. 10 Uze uzane Abalewi imbere ya Yehova, hanyuma bene Isirayeli barambike+ ibiganza vyabo ku Balewi+. 11 Maze Aroni aze azungazungishe Abalewi irya n’ino imbere ya Yehova bwa shikanwa rizungagizwa+ rivuye kuri bene Isirayeli, kandi baze babe abo kurangura igikorwa ca Yehova+.

12 “Maze Abalewi bazorambika ibiganza vyabo ku mitwe ya nya mashūri+. Inyuma y’ivyo, uze uhereze Yehova imwe bwa shikanwa ry’igicumuro, iyindi na yo bwa shikanwa riturirwa, kugira ngo utangire impongano+ Abalewi. 13 Uze uhagarike Abalewi imbere ya Aroni n’abahungu biwe, hanyuma abazungazungishe irya n’ino bwa shikanwa rizungagizwa rihabwa Yehova. 14 Kandi uze ushire Abalewi ukwabo ubakuye muri bene Isirayeli, kandi Abalewi baze bacike abanje+. 15 Mu nyuma Abalewi bazokwinjira gukorera kw’ihema ry’ihuriro+. Uze ubahumanure rero wongere ubazungazungishe irya n’ino bwa shikanwa rizungagizwa+. 16 Kuko ari abatanzwe, bahawe jewe bakuwe muri bene Isirayeli+. Nzobitorera mu kibanza c’abugurura ibitereko vyose, imfura zose za bene Isirayeli+. 17 Kuko imfura yose muri bene Isirayeli ari iyanje, mu bantu no mu bikoko+. Kuri wa musi nakubita imfura yose mu gihugu ca Misiri+, narazejeje ku bwanje+. 18 Kandi nzotora Abalewi mu kibanza c’imfura zose muri bene Isirayeli+. 19 Aroni n’abahungu biwe nzobaha Abalewi nk’abatanzwe bakuwe muri bene Isirayeli+, kugira bakore igikorwa ca bene Isirayeli mw’ihema ry’ihuriro+ no kugira batangire impongano bene Isirayeli, ngo ntihagire icago kiba muri bene Isirayeli+ bitumwe n’uko begereye ahantu heranda.”

20 Nuko Musa na Aroni n’ikoraniro ryose rya bene Isirayeli bagirira gutyo Abalewi. Nk’uko ivyo Yehova yari yategetse Musa vyose ku vyerekeye Abalewi vyari, ni ko bene Isirayeli babagiriye. 21 Nuko Abalewi barityorora+ bongera bamesa impuzu zabo, hanyuma Aroni arabazungazungisha irya n’ino bwa shikanwa rizungagizwa imbere ya Yehova+. Maze Aroni abatangira impongano kugira abahumanure+. 22 Inyuma y’ivyo, Abalewi barinjira gukora igikorwa cabo mw’ihema ry’ihuriro imbere ya Aroni n’abahungu biwe+. Nk’uko Yehova yari yategetse Musa ku bijanye n’Abalewi, ni ko babagiriye.

23 Nuko Yehova abwira Musa ati: 24 “Ibi ni vyo vyerekeye Abalewi: Uwumaze imyaka mirongo ibiri n’itanu kuduga, azoza yinjire mu mugwi, mu gikorwa c’ihema ry’ihuriro. 25 Mugabo ashikanye imyaka mirongo itanu azova mu mugwi w’abakora igikorwa, ntabe agikora. 26 Aze afashe bene wabo mw’ihema ry’ihuriro mu kwitwararika ivyo bajejwe, mugabo ntihaze hagire igikorwa akora. Ukwo ni ko uzogirira Abalewi mu vyo bajejwe+.”

9 Nuko Yehova abwira Musa mu gahinga ka Sinayi mu mwaka ugira kabiri bavuye mu gihugu ca Misiri, mu kwezi kwa mbere+, ati: 2 “Bene Isirayeli baze bategure ikimazi ca pasika*+ ku gihe cashinzwe caco+. 3 Muze mugitegure ku gihe cashinzwe caco, ku musi ugira cumi na kane muri uku kwezi hagati ya ya migoroba ibiri+. Muze mugitegure mwisunze ivyagezwe vyaco vyose n’ukuntu ivyaco vyose bisanzwe bigirwa+.”

4 Musa abwira rero bene Isirayeli gutegura ikimazi ca pasika. 5 Nuko bategura ikimazi ca pasika mu kwezi kwa mbere, ku musi ugira cumi na kane w’ukwo kwezi, hagati ya ya migoroba ibiri, mu gahinga ka Sinayi. Nk’uko ivyo Yehova yari yategetse Musa vyose vyari, ni ko bene Isirayeli bakoze+.

6 Buno hari abagabo bari bacitse abahumanye bivuye ku muntu yapfuye+, ku buryo batashobora gutegura ikimazi ca pasika kuri uwo musi. Ku bw’ivyo baza imbere ya Musa na Aroni kuri uwo musi+. 7 Maze abo bagabo bamubwira bati: “Turahumanye bivuye ku muntu yapfuye. Kubera iki twobuzwa gushikiriza ishikanwa+ Yehova ku gihe cashinzwe caryo hagati muri bene Isirayeli?” 8 Nuko Musa ababwira ati: “Nimuhagarare ng’aho, numve ico Yehova ategeka ku biberekeye+.”

9 Maze Yehova abwira Musa ati: 10 “Bwira bene Isirayeli uti: ‘Naho umuntu uwo ari we wese wo muri mwebwe canke wo mu mayaruka yanyu yoba ahumanye bivuye ku muntu apfuye+ canke akaba ari ku rugendo rwa kure, na we nyene aze ategurire Yehova ikimazi ca pasika. 11 Baze bagitegure mu kwezi kugira kabiri+, ku musi ugira cumi na kane hagati ya ya migoroba ibiri. Baze bakirye kiri kumwe n’udutsima tutarimwo umwambiro be n’imboga zirura+. 12 Ntibaze bagire ico basigaza kuri co gushika mu gitondo+, kandi ntibaze bavune igufa na rimwe muri co+. Baze bagitegure bisunze icagezwe cose ca pasika+. 13 Ariko mu gihe nya muntu yoba yari uwudahumanye canke akaba atari ku rugendo maze agafata minenegwe ivyo gutegura ikimazi ca pasika, uwo muntu aze arandurwe mu bantu b’iwabo+, kuko atashikirije ishikanwa rya Yehova ku gihe cashinzwe caryo. Uwo muntu azokwishura igicumuro ciwe+.

14 “‘Kandi mu gihe kavamahanga yoba abana namwe ari kavamahanga, na we nyene aze ategurire Yehova ikimazi ca pasika+. Azobigira yisunze icagezwe ca pasika be n’ukuntu ivyaco bisanzwe bigirwa+. Hakwiye kubaho icagezwe kimwe kuri mwebwe, haba kuri kavamahanga canke ku mvukira y’igihugu+.’”

15 Nuko ku musi wo gushinga itaberenakulo+, igicu gipfuka itaberenakulo y’ihema ry’Igishingantahe+, mugabo ku mugoroba icasa n’umuriro+ kiguma hejuru y’itaberenakulo gushika mu gitondo. 16 Ukwo ni ko vyama bigenda: Igicu carayipfuka ku murango, igisa n’umuriro na co mw’ijoro+. 17 Igihe cose nya gicu caba kiduze kivuye hejuru y’ihema, bene Isirayeli ubwo nyene baca bagenda+, kandi ahantu nya gicu caba kigerereye, ni ho bene Isirayeli bakambika+. 18 Kw’itegeko rya Yehova bene Isirayeli baragenda, kandi kw’itegeko rya Yehova barakambika+. Imisi yose nya gicu caba kigerereye hejuru y’itaberenakulo, baguma bakambitse. 19 Kandi nya gicu kibandanije kuguma hejuru y’itaberenakulo imisi myinshi, bene Isirayeli barubahiriza rero ibwirizwa rya Yehova ry’uko badakwiye kugenda+. 20 Rimwe na rimwe nya gicu caraguma imisi mikeya hejuru y’itaberenakulo. Kw’itegeko+ rya Yehova baguma bakambitse, kandi kw’itegeko rya Yehova baragenda. 21 Kandi rimwe na rimwe nya gicu+ caragumaho kuva ku mugoroba gushika mu gitondo; nya gicu cariduza mu gitondo, maze bakagenda. Ico gicu, caba cidugije ku murango canke mw’ijoro, baca bagenda+. 22 Kibandanije kuguma hejuru y’itaberenakulo imisi ibiri canke ukwezi canke imisi irenze iyo mu kugerera hejuru yayo, bene Isirayeli baguma bakambitse ntibagende, mugabo cidugije baragenda+. 23 Kw’itegeko rya Yehova barakambika, kandi kw’itegeko rya Yehova baragenda. Barubahiriza ibwirizwa+ rya Yehova, nk’uko Yehova yategetse biciye kuri Musa+.

10 Nuko Yehova abwira Musa ati: 2 “Niwihingurire inzumbete+ zibiri z’ifeza. Uzozihingura mu kuzicurisha inyundo, zize zibe izo ukoresha mu guhamagaza+ ikoraniro no mu guhagurutsa amakambi. 3 Baze bazivuze zompi, maze ikoraniro ryose rikoranire aho uri ku bwinjiriro bw’ihema ry’ihuriro, nk’uko mwahanye isango+. 4 Nibavuza rumwe gusa, abakuru, ni ukuvuga abakuru b’ibihumbi muri Isirayeli, baze bakoranire aho uri, nk’uko mwahanye isango+.

5 “Muze muvuze ijwi rihindagurika, hanyuma amakambi y’abakambitse mu buseruko+ agende. 6 Muze muvuze ijwi rihindagurika ubugira kabiri, hanyuma amakambi y’abakambitse mu bumanuko+ agende. Haze havuzwe ijwi rihindagurika igihe cose imwe muri ayo makambi igiye.

7 “Igihe na ho mugira mukoranye ishengero, muze muvuze+, mugabo ntihaze humvikane ijwi rihindagurika. 8 Bene Aroni, abaherezi, ni bo bazovuza inzumbete+, kandi ikoreshwa ryazo rize ribabere icagezwe gushika igihe kitagira urugero* mu mayaruka yanyu.

9 “Mu gihugu canyu, nimwinjira mu ntambara yo kurwanya uwubahahaza ariko arabatoteza+, muze mwumvikanishe akamo k’intambara mukoresheje inzumbete+, maze ntimuzobura kwibukwa imbere ya Yehova Imana yanyu, mukizwe abansi banyu+.

10 “Ku musi w’ukunezerwa+ kwanyu no mu biringo vy’imisi mikuru yanyu+ no ku ntango z’amezi yanyu+, muze muvugirize inzumbete hejuru y’amashikanwa yanyu aturirwa+ no hejuru y’ibimazi vyanyu vy’ugusangira+; kandi ikoreshwa ryazo rize ribabere icibutso imbere y’Imana yanyu. Ndi Yehova Imana yanyu+.”

11 Nuko mu mwaka ugira kabiri, mu kwezi kugira kabiri, ku musi ugira mirongo ibiri muri ukwo kwezi+, ca gicu kiraduga kivuye hejuru y’itaberenakulo+ y’Igishingantahe. 12 Bene Isirayeli baragenda bavuye mu gahinga ka Sinayi, hisunzwe urutonde rw’ukugenda kwabo+, maze ca gicu kiba mu gahinga ka Parani+. 13 Nuko baragenda ari bwo bwa mbere, nk’uko Yehova yari yategetse biciye kuri Musa+.

14 Hatangura rero kugenda umugabane ugizwe n’imiryango itatu w’ikambi ya bene Yuda hisunzwe ingabo zabo+, Nahashoni+ mwene Aminadabu akaba ari we yagaba ingabo zabo. 15 Ingabo z’umuryango wa bene Isakari zagabwa na Netaneli+ mwene Zuwari. 16 Ingabo z’umuryango wa bene Zebuloni na zo zagabwa na Eliyabu mwene Heloni+.

17 Itaberenakulo irasamburwa+, maze bene Gerishoni+ na bene Merari+, abatwara itaberenakulo, baragenda.

18 Hanyuma umugabane ugizwe n’imiryango itatu w’ikambi ya Rubeni+ uragenda hisunzwe ingabo zabo, Elizuri+ mwene Shedewuri akaba ari we yagaba ingabo zabo. 19 Ingabo z’umuryango wa bene Simeyoni+ zagabwa na Shelumiyeli+ mwene Zurishadayi. 20 Ingabo z’umuryango wa bene Gadi na zo zagabwa na Eliyasafu+ mwene Deyuweli.

21 Nuko Abakohati, abatwara ivy’aheranda+, baragenda, kuko bari gushika itaberenakulo yamaze gushingwa.

22 Hanyuma umugabane ugizwe n’imiryango itatu w’ikambi ya bene Efurayimu+ uragenda hisunzwe ingabo zabo, Elishama+ mwene Amihudi akaba ari we yagaba ingabo zabo. 23 Ingabo z’umuryango wa bene Manase+ zagabwa na Gamaliyeli+ mwene Pedahazuri. 24 Ingabo z’umuryango wa bene Benyamini+ na zo zagabwa na Abidani+ mwene Gideyoni.

25 Hanyuma ab’umugabane ugizwe n’imiryango itatu w’ikambi ya bene Dani+ baragenda bagize umugwi w’abacunzi b’inyuma+ b’amakambi yose, hisunzwe ingabo zabo, Ahiyezeri+ mwene Amishadayi akaba ari we yagaba ingabo zabo. 26 Ingabo z’umuryango wa bene Asheri+ zagabwa na Pagiyeli+ mwene Okarani. 27 Ingabo z’umuryango wa bene Nafutali+ na zo zagabwa na Ahira+ mwene Enani. 28 Ukwo ni ko bene Isirayeli bagenda, hisunzwe ingabo zabo, igihe baba bagiye+.

29 Maze Musa abwira Hobabu mwene Reyuweli+ Umumidiyani, sebukwe wa Musa, ati: “Tugiye ahantu Yehova yavuze ku biherekeye ati: ‘Nzohabaha+.’ Enda nuze tujane, natwe ntituzobura kukugirira ineza+, kuko Yehova yavuze ineza ku vyerekeye Isirayeli+.” 30 Mugabo amubwira ati: “Ntitujana, ahubwo nzoja mu gihugu canje+ no ku ncuti zanje.” 31 Musa na we ati: “Ndakwinginze ntudute, kuko uzotubera amaso, kubera yuko uzi neza aho twokambika mu gahinga. 32 Kandi mu gihe woza tukajana+, emwe, ineza Yehova azotugirira bivuye ku kumera neza kwiwe, ni yo natwe tuzokugirira ata gukeka.”

33 Nuko baragenda bavuye ku musozi wa Yehova+ ku bw’urugendo rw’imisi itatu, kandi isandugu y’isezerano+ rya Yehova yagendera imbere yabo muri iyo misi itatu y’urugendo ku bwo kubaronderera ahantu h’ukuruhukira+. 34 Kandi igicu+ ca Yehova cari hejuru yabo ku murango igihe bagenda bavuye aho bari bakambitse.

35 Igihe Isandugu igiye, Musa yavuga ati: “Haguruka, Yehova we, abansi bawe bashwiragire+, abakwanka urunuka na bo bahunge bave imbere yawe+.” 36 Iruhutse na ho, yavuga ati: “Garuka, Yehova we, ku bihumbi mirongo vy’ibihumbi vya Isirayeli+.”

11 Nuko abantu bamera nk’abafise ikintu kibi bidogera mu matwi ya Yehova+. Yehova avyumvise, ishavu ryiwe rica rirarurumba, maze umuriro wa Yehova urabarurumbira, uyigiza bamwe ku mpera y’ikambi+. 2 Abantu batanguye kuririra Musa, uno atakambira Yehova+, maze nya muriro urazima. 3 Aho hantu rero bahita Tabera+, kuko umuriro wa Yehova wari wabarurumbiye.

4 Isinzi ry’ikivange+ ryari hagati muri bo riserura ivyipfuzo bikomeye vy’ubwikunzi+, eka na bene Isirayeli basubira kurira, bavuga bati: “Ni nde azoduha inyama turya+? 5 Ese ukuntu twibuka amafi twahora turya mu Misiri ata co dutanze+, amakonkombure n’amapasiteke n’ibitunguru vya pwaro n’ibitunguru vy’amagoma n’ibitungurusumu! 6 Mugabo ubu, ubuzima bwacu burumye. Nta kindi tuguma duhanze amaso atari manu*+.”

7 Iyo manu+ yari imeze nk’akabuto k’agati kitwa gadi+, kandi uko yasa, yasa nka budeliyo*+. 8 Abantu barasanzara, bakayinoba+ maze bakayisya ku nsyo z’amaboko canke bakayisekura mw’isekuro, hanyuma bakayiteka mu nkono+ canke bakayikoramwo udutsima tw’umuzingi; akanovera kayo kari kameze nk’akanovera k’agatsima gasosa karimwo amavuta+. 9 Igihe ikime caba kimanutse kw’ikambi mw’ijoro, na manu yaramanuka+.

10 Nuko Musa yumva abantu baririra mu miryāngo yabo, umuntu wese ku bwinjiriro bw’ihema ryiwe. Ishavu rya Yehova ritangura kururumba cane+, kandi biba bibi mu maso ya Musa+. 11 Maze Musa abwira Yehova ati: “Kubera iki wakwegeye ikibi umusavyi wawe, kandi kubera iki ntagize ubutoni mu maso yawe, ukandemeka umutwaro w’aba bantu bose+? 12 Mbega ni jewe nasamye inda y’aba bantu bose? Mbega ni jewe nabibarutse, aho umbwira ngo: ‘Batware mu gikiriza cawe+, nk’uko umurezi w’umugabo atwara umwana yonka+,’ ubajane ku butaka warahiye ba sekuruza babo+? 13 Mbega nzokura hehe inyama zo guha aba bantu bose? Kuko baguma bandirira, ngo: ‘Duhe inyama twirire!’ 14 Sinshoboye jewe jenyene kwikorera aba bantu bose, kuko uburemere bwabo bundengeye+. 15 Nimba rero ukwo ari ko uriko urangirira, ndakwinginze unyice bihere biheze+, nimba nagize ubutoni mu maso yawe, noye kwitegereza ivyago vyanje.”

16 Yehova na we abwira Musa ati: “Nkoraniriza abagabo mirongo irindwi mu bagabo b’inararibonye ba Isirayeli+, abo uzi ko ari abagabo b’inararibonye b’ico gisata n’abarongozi muri co+, ubajane kw’ihema ry’ihuriro, bahagararane nawe ng’aho. 17 Nanje ndaza kumanuka+, mvuganire nawe ng’aho+; kandi ndaza gukura nkeyi ku mpwemu+ iri kuri wewe ndayishire kuri bo, na bo bazogufasha kwikorera umutwaro w’abo bantu kugira ngo ntuwikorere wenyene+. 18 Abantu na bo ubabwire uti: ‘Nimwiyeze ku bw’ejo+, kuko muzorya inyama ata gukeka, kubera ko mwaririye mu matwi ya Yehova+ muvuga ngo: “Ni nde azoduha inyama turya, ko twari tumerewe neza mu Misiri+?” Emwe, Yehova azobaha inyama, kandi muzozirya koko+. 19 Muzozirya, atari umusi umwe canke imisi ibiri canke imisi itanu canke imisi cumi canke imisi mirongo ibiri, 20 mugabo muzozirya ukwezi kwose, gushika zibace mu mazuru, zisigare ari ikintu kibashisha+, kuko mwataye Yehova ari hagati yanyu, mukaririra imbere yiwe muvuga ngo: “Kubera iki none twavuye mu Misiri+ ? ”’”

21 Maze Musa avuga ati: “Abantu ndi hagati ni abagabo ibihumbi amajana atandatu+ bari ku maguru, yamara wewe uvuze uti: ‘Nzobaha inyama, bazirye ukwezi kwose’! 22 Mbega bazobagirwa imikuku n’amasho kugira bakwirwe+? Canke bazofatirwa amafi yose yo mu kiyaga kugira bakwirwe?”

23 Ariko Yehova abwira Musa ati: “Mbega ukuboko kwa Yehova ni kugufi+? Ubu ugira ubone ko ivyo mvuga bigushikira canke bitagushikira+.”

24 Musa aca arasohoka, abwira abantu amajambo ya Yehova. Maze akoranya abagabo mirongo irindwi mu bagabo b’inararibonye b’ico gisata, abahagarika irya n’ino y’ihema+. 25 Yehova amanuka rero mu gicu+ hanyuma avugana na we+, maze akura nkeyi ku mpwemu+ yari kuri we, ayishira kuri umwe wese muri abo bagabo b’inararibonye mirongo irindwi. Impwemu ikimara kuja kuri bo, baca batangura gukora bwa bahanuzi; mugabo ntibongeye kubigira+.

26 Buno hari babiri bo muri nya bagabo bari basigaye mw’ikambi. Umwe yitwa Eludadi, uwundi na we Medadi. Nuko impwemu ija kuri bo, kuko bari mu banditswe, mugabo ntibari basohotse ngo baje kw’ihema. Batangura rero gukora bwa bahanuzi mw’ikambi. 27 Nuko umusore umwe yiruka kumenyesha Musa ati: “Eludadi na Medadi bariko bakora bwa bahanuzi mw’ikambi!” 28 Maze Yosuwa mwene Nuni, uwabaye umusuku+ wa Musa kuva mu busore bwiwe, yishura ati: “Mukama wanje Musa, babuze+!” 29 Ariko Musa amubwira ati: “Mbega uriko ugira ishari ku bwanje? Oya, icompa abantu ba Yehova bose bakaba abahanuzi, kuko Yehova yoshira impwemu yiwe kuri bo+!” 30 Mu nyuma Musa ava ng’aho, aja mw’ikambi, we na ba bagabo b’inararibonye ba Isirayeli.

31 Nuko haduka umuyaga+ uvuye kuri Yehova maze utangura gukura inkware ku kiyaga+ uzigwisha hejuru y’ikambi, zishika nk’ahareha n’urugendo rw’umusi umwe hino no hirya, zikikuza ikambi hose, ku burebure bw’amatambwe* abiri hejuru y’uburinganire bw’isi. 32 Maze abantu barahaguruka uwo musi wose n’ijoro ryose n’umusi ukurikira wose, baguma begeranya inkware. Uwegeranije nkeyi yegeranije ingero cumi za homeri+; baguma bazisanza hose irya n’ino y’ikambi. 33 Izo nyama zikibari mu menyo+, batarazihekenya, ishavu rya Yehova rica rirurumbira+ abantu, Yehova atangura gusasika abantu, inganda ziratikira bimwe bikomeye+.

34 Aho hantu bahita Kiburoti-hatayava+, kuko bahahamvye abantu berekanye icipfuzo gikaze c’ubwikunzi+. 35 Abantu bava i Kiburoti-hatayava bagenda i Hazeroti, maze baguma i Hazeroti+.

12 Nuko Miriyamu na Aroni batangura kuvuga nabi Musa kubera umugore w’Umukushikazi yari yabiriye, kuko yari yabiriye umugore w’Umukushikazi+. 2 Baguma bavuga bati: “Mbega Yehova yavuze biciye kuri Musa gusa? Ntiyavuze none biciye no kuri twebwe+?” Kandi Yehova yariko yumviriza+. 3 Kandi uwo mugabo Musa yari uwutekereza kuruta kure n’iyo+ abantu bose bari ku buringanire bw’ubutaka.

4 Maze ako kanya Yehova abwira Musa na Aroni na Miriyamu ati: “Nimusohoke uko muri batatu, muje kw’ihema ry’ihuriro.” Nuko uko ari batatu barasohoka. 5 Inyuma y’ivyo Yehova amanuka mu nkingi y’igicu+, ahagarara ku bwinjiriro bw’ihema maze ahamagara Aroni na Miriyamu. Bompi baca barasohoka. 6 Nuko abandanya kuvuga ati: “Ndabinginze mwumve amajambo yanje. Iyo muri mwebwe haba hari umuhanuzi wa Yehova, nari kumwimenyesha mw’iyerekwa+. Novuganye na we mu ndoto+. 7 Si ukwo biri ku musavyi wanje Musa+! Azezwa inzu yanje yose+. 8 Mvugana na we akanwa ku kandi+, nkamwereka ibintu, ntakoresheje ubupfindo+; kandi ishusho ya Yehova ni yo yitegereza+. Kubera iki none mutatinye kuvuga nabi umusavyi wanje, kuvuga nabi Musa+?”

9 Nuko ishavu rya Yehova rirabarurumbira, maze arigira. 10 Nya gicu kiva hejuru y’ihema, kandi ehe Miriyamu yari yatejwe imibembe yera derere*+. Maze Aroni ahindukira kuraba Miriyamu, kandi ehe, yari yatejwe imibembe+. 11 Buno nyene Aroni abwira Musa ati: “Ntunga mukama wanje! Ndakwinginze ntuduharureko igicumuro twakoranye ubupfu, egome, igicumuro twakoze+! 12 Ndakwinginze ntureke ngo agume ameze nk’uwapfuye+ avuye mu gitereko ca nyina inyama ziwe ziriko zirabora!” 13 Nuko Musa atangura gutakambira Yehova ati: “Ewe Mana, ndakwinginze! Mukize, ndakwinginze+!”

14 Maze Yehova abwira Musa ati: “Hamwe se wiwe yomucira+ mu maso, ntiyoteterezwa imisi indwi? Nakumirwe+ imisi indwi inyuma y’ikambi+, mu nyuma abone kugaruka+.” 15 Miriyamu akumirirwa rero inyuma y’ikambi imisi indwi+, maze abantu ntibagenda gushika Miriyamu yakiriwe. 16 Mu nyuma abantu baragenda bavuye i Hazeroti+, bakambika mu gahinga ka Parani+.

13 Nuko Yehova abwira Musa ati: 2 “Niwirungikire abagabo kugira ngo batate igihugu ca Kanani, ico ngira mpe bene Isirayeli+. Muzorungika umugabo umwe ku muryango umwumwe wose wa ba se, umwe wese abe ari umukuru+ muri bo.”

3 Musa arabarungika rero bavuye mu gahinga ka Parani+ kw’itegeko rya Yehova. Nya bagabo bose bari abakuru ba bene Isirayeli. 4 Aya ni yo mazina yabo: Ku muryango wa Rubeni: Shamuwa mwene Zakuri; 5 ku muryango wa Simeyoni: Shafati mwene Hori; 6 ku muryango wa Yuda: Kalebu+ mwene Yefune; 7 ku muryango wa Isakari: Igali mwene Yozefu; 8 ku muryango wa Efurayimu: Hosheya+ mwene Nuni; 9 ku muryango wa Benyamini: Paliti mwene Rafu; 10 ku muryango wa Zebuloni: Gadiyeli mwene Sodi; 11 ku muryango wa Yozefu+, ku bw’umuryango wa Manase+: Gadi mwene Susi; 12 ku muryango wa Dani: Amiyeli mwene Gemali; 13 ku muryango wa Asheri: Seturi mwene Mikaheli; 14 ku muryango wa Nafutali: Nahibi mwene Vofusi; 15 ku muryango wa Gadi: Geyuweli mwene Maki. 16 Ayo ni yo mazina y’abagabo Musa yarungitse gutata igihugu. Kandi Hosheya mwene Nuni, Musa amwita Yosuwa*+.

17 Igihe Musa yariko abatuma gutata igihugu ca Kanani, ababwira ati: “Dugane aha muje muri Negebu+, maze muduge mu karere k’imisozi+. 18 Muheze murabe ingene nya gihugu kimeze+ be n’abantu baba muri co, ko bakomeye canke ari ba goyigoyi, ko ari bake canke benshi; 19 n’ingene igihugu babamwo kimeze, ko ari ciza canke kibi, n’ingene ibisagara babamwo bimeze, ko baba mu makambi canke mu bibanza bizitijwe ibihome; 20 be n’ingene nya gihugu kimeze, ko cimbuka canke kitimbuka*+, ko muri co hari ibiti canke ata biriyo. Muze mugire umutima rugabo+, mutore bimwe mu vyamwa vy’ico gihugu.” Kandi iyo misi yari imisi y’ivyamwa vya mbere vyeze vy’inzabibu+.

21 Nuko baraduga, batata ico gihugu kuva mu gahinga ka Zini+ gushika i Rehobu+ ku bwinjiriro bwa Hamati+. 22 Baduze muri Negebu+, bashika rero i Heburoni+. Ico gihe, Ahimani na Sheshayi na Talimayi+, abavutse kuri Anaki+, ni ho bari. Aho i Heburoni+ hari hubatswe imyaka indwi imbere ya Zowani+ ho mu Misiri. 23 Bashitse mu mwonga wa Eshikoli+, bacayo agashami kariko umusoko umwe w’inzabibu+. Nuko babiri muri nya bagabo bagatwara ku mwamba, batwara n’amakomamanga+ makeyi n’insukoni nkeyi. 24 Bita aho hantu umwonga wa Eshikoli+, kubera nya musoko bene Isirayeli baciyeyo.

25 Amaherezo, hashize imisi mirongo ine+ baragaruka bavuye gutata nya gihugu. 26 Baragenda rero, bashikira Musa na Aroni n’ikoraniro ryose rya bene Isirayeli mu gahinga ka Parani, i Kadeshi+. Baza bagarukaniye bano be n’ikoraniro ryose inkuru, bongera babereka ivyamwa vya nya gihugu. 27 Nuko bamenyesha Musa bati: “Twarinjiye mu gihugu waturungitsemwo, kandi koko gitemba amata n’ubuki+; ng’ibi ivyamwa vyaco+. 28 Yamara rero, ico twabonye co ni uko abantu baba muri ico gihugu bakomeye, kandi ibisagara bikingijwe ibihome ni binini cane+; bisubiye, twahabonye abavutse kuri Anaki+. 29 Abamaleki+ ni bo baba mu gihugu ca Negebu+; Abaheti n’Abayebusi+ n’Abamori+ baba mu karere k’imisozi; Abanyakanani+ na bo baba iruhande y’ikiyaga no ku nkengera ya Yorodani.”

30 Maze Kalebu+ agerageza gutururuza abantu kugira ngo bumvirize Musa, hanyuma avuga ati: “Tuduge ubu nyene, kandi ntituzobura kwigarurira ico gihugu, kuko dushobora vy’ukuri kukinesha+.” 31 Mugabo abagabo baduganye na we bavuga bati: “Ntidushobora kuduga kurwanya abo bantu, kuko bakomeye kuturusha+.” 32 Kandi baguma bashikiriza bene Isirayeli inkuru mbi+ ku bijanye n’ico gihugu bari batase, ngo: “Ico gihugu, ico twaciyemwo kugira tugitate, ni igihugu kimiragura abakibamwo; kandi abantu bose twabonye muri co ni abagabo b’igihagararo c’akataraboneka+. 33 Kandi twabonyeyo Abanefilimu, bene Anaki+, abakomoka ku Banefilimu; ku buryo mu maso yacu bwite twacitse nk’uduhori, kandi ukwo nyene ni ko twacitse mu maso yabo+.”

14 Maze ikoraniro ryose rishira ijwi hejuru, kandi abantu babandanya kurekura amajwi yabo no kurira+ iryo joro ryose. 2 Nuko bene Isirayeli bose batangura kwidodombera Musa na Aroni+, kandi ikoraniro ryose ritangura kuvuga ribarwanya riti: “Ese iyo dupfuma dupfira mu gihugu ca Misiri, canke tugapfuma dupfira muri aka gahinga! 3 Kubera iki Yehova atuzanye muri ico gihugu kugira twicwe n’inkota+? Abagore bacu n’abana bacu batoyi bazocika isahu+. Icotubera ciza kuruta si uko twosubira mu Misiri+?” 4 Babwirana mbere bati: “Twigenere umukuru maze twisubirire mu Misiri+!”

5 Musa na Aroni baca bagwa bubamye+ imbere y’ishengero ryose ry’ikoraniro rya bene Isirayeli. 6 Nuko Yosuwa mwene Nuni+ na Kalebu mwene Yefune+, abari mu batase nya gihugu, batantamura impuzu zabo+, 7 maze babwira ikoraniro ryose rya bene Isirayeli bati: “Igihugu twaciyemwo kugira tugitate ni igihugu ciza, ciza cane+. 8 Nimba Yehova yarahimbawe natwe+, ntazobura kutuzana muri ico gihugu maze akiduhe, igihugu gitemba amata n’ubuki+. 9 Gusa ntimugararize Yehova+; kandi mwebwe ntimutinye abantu bo muri ico gihugu+, kuko ari umukate kuri twebwe. Ubwugamo bwabo bwabavuyeko+, kandi Yehova ari kumwe natwe+. Ntimubatinye+.”

10 Ariko ikoraniro ryose rivuga ivyo kubatera amabuye+. Maze ubuninahazwa bwa Yehova buboneka kw’ihema ry’ihuriro, bubonekera bene Isirayeli bose+.

11 Amaherezo Yehova abwira Musa ati: “Aba bantu bazogeza ryari+ kutanyubaha+, kandi bazogeza ryari kutanyizera uravye ibimenyetso vyose nakoreye muri bo+? 12 Reka ndabateze ikiza, ndabamare, nawe ndakugire ihanga rikomeye kandi ribarusha ubushobozi+.”

13 Mugabo Musa abwira Yehova ati: “Abanyamisiri ntibazobura rero kwumva yuko waduganye aba bantu ubakuye hagati muri bo ukoresheje ububasha bwawe+. 14 Kandi ntibazobura kubibwira ababa muri ico gihugu. Barumvise ko uri Yehova muri aba bantu+, uwabiyeretse amaso mu yandi+. Uri Yehova, kandi igicu cawe gihagaze hejuru yabo, kandi ugendera imbere yabo mu nkingi y’igicu ku murango no mu nkingi y’umuriro mw’ijoro+. 15 Hamwe wokwica aba bantu nk’umuntu umwe+, amahanga yumvise ingene uri rurangiranwa ntiyobura kuvuga ngo: 16 ‘Kubera ko Yehova atari ashoboye kuzana aba bantu mu gihugu yabarahiye, yaciye atangura kubicira mu gahinga+.’ 17 None rero ndakwinginze, ububasha bwawe bucike ubuhambaye+, ewe Yehova, nk’uko wavuze uti: 18 ‘Yehova, ateba gushavura+ kandi agwije ubuntu bwuzuye urukundo+, aharira ikosa n’ikigabitanyo+, mugabo ntazogenda akuye igihano ku muntu+, azana igihano ku bana ku bw’ikosa rya ba se, kw’iyaruka rigira gatatu no ku rigira kane+.’ 19 Ndakwinginze uharire ikosa ry’aba bantu nk’uko ubuntu bwuzuye urukundo bwawe buhambaye buri, nk’uko wababariye aba bantu kuva mu Misiri gushika n’ubu+.”

20 Maze Yehova avuga ati: “Ndabababariye koko nk’uko uvuze+. 21 Ku rundi ruhande, ndahiye ukubaho kwanje, isi yose izokwuzura ubuninahazwa bwa Yehova+. 22 Mugabo abo bagabo bose bagiye barabona ubuninahazwa bwanje+ n’ibimenyetso vyanje+ nakoreye mu Misiri no mu gahinga yamara bakaguma bangeza+ zino ncuro cumi zose, kandi ntibumvirize ijwi ryanje+, 23 ntibazokwigera babona igihugu narahiye ba se, emwe, abatanyubaha bose ntibazokibona+. 24 Nayo umusavyi wanje Kalebu+, kubera yuko yagize agatima* gatandukanye n’akabo kandi akaguma ankurikira n’umutima wose+, sinzobura kumushikana mu gihugu yagiyemwo, kandi uruvyaro rwiwe ruzocigarurira+. 25 Ko Abamaleki n’Abanyakanani+ baba mu kiyaya co hasi, muhindukire ejo mufate urugendo muja mu gahinga muciye mu nzira y’ikiyaga Gitukura+.”

26 Nuko Yehova abandanya kubwira Musa na Aroni ati: 27 “Iri koraniro ribi rizogeza ryari kugira uwu mwidodombo baguma banyidodombera+? Numvise imyidodombo ya bene Isirayeli bariko banyidodombera+. 28 Babwire uti: ‘“Ndahiye ukubaho kwanje,” ni ko Yehova avuze, “nkazogenda ntabakoreye nk’uko nyene mwavugiye mu matwi yanje+! 29 Muri aka gahinga ni ho imivyimba yanyu izogwa+, egome, abanditswe banyu bose bo mu gitigiri canyu cose kuva ku myaka mirongo ibiri kuduga, mwebwe mwanyidodombeye+. 30 Ariko mwebwe, ntimuzokwinjira mu gihugu nadugijemwo ukuboko kwanje+ ndahira ko nzobana namwe, kiretse Kalebu mwene Yefune na Yosuwa mwene Nuni+.

31 “‘“Kandi abana banyu batoyi mwavuze yuko bocitse isahu+, bano na bo nyene nzobinjizayo ata gukeka, kandi bazomenya koko igihugu mwanse+. 32 Mugabo imivyimba yanyu ubwanyu izogwa muri aka gahinga+. 33 Kandi abahungu banyu bazocika abungere mu gahinga+ imyaka mirongo ine, kandi bazobwirizwa kwishura ubusambanyi+ bwanyu, gushika imivyimba yanyu iherengetereye mu gahinga+. 34 Hakurikijwe igitigiri c’imisi mwatase ico gihugu, imisi mirongo ine+, umusi ugahura n’umwaka, umusi ugahura n’umwaka+, muzokwishura amakosa yanyu imyaka mirongo ine+, kuko muzomenya ata kabuza ico ukunyinuba gusobanura+.

35 “‘“Jewe Yehova navuze, nkazogenda ntakoreye ibi rino koraniro ribi ryose+, abakoraniye hamwe kundwanya: Muri aka gahinga ni ho bazoherengeterera, kandi ni ho bazopfira+. 36 Abagabo Musa yatumye gutata igihugu, maze bagarutse bagatangura gutuma ikoraniro ryose rimwidodombera, mu gushikiriza inkuru mbi kuri ico gihugu+, 37 emwe, abagabo bashikirije inkuru mbi ku vyerekeye ico gihugu bazokwicwa n’ikiza imbere ya Yehova+. 38 Mugabo muri abo bagabo bagiye gutata ico gihugu, Yosuwa mwene Nuni na Kalebu mwene Yefune ntibazobura kubandanya kubaho+.”’”

39 Musa abwiye ayo majambo bene Isirayeli bose, abantu batangura kugandara bimwe bikomeye+. 40 Vyongeye, bavyuka kare mu gitondo maze barondera kuduga kw’isonga ry’umusozi, bavuga bati: “Turi hano, kandi tubwirizwa kuduga ha hantu Yehova yavuze. Kuko twacumuye+.” 41 Mugabo Musa avuga ati: “Kubera iki muriko murenga kw’itegeko rya Yehova+? Erega ivyo ntibizogenda neza. 42 Ntimuduge, kuko Yehova atari hagati yanyu, kugira ngo ntimutsindirwe imbere y’abansi banyu+. 43 Kuko Abamaleki n’Abanyakanani bari iyo imbere yanyu+; ntimuzobura kugwishwa n’inkota, kuko Yehova atazogumana namwe, kubera ko mwasubiye inyuma mukareka gukurikira Yehova+.”

44 Ariko biha kuduga kw’isonga ry’umusozi+, mugabo isandugu y’isezerano rya Yehova be na Musa ntivyava hagati mw’ikambi+. 45 Maze Abamaleki+ n’Abanyakanani baba kuri uwo musozi baramanuka, batangura kubasasika, barabashwiragiza gushika i Horuma+.

15 Yehova yongera kubwira Musa ati: 2 “Vugana na bene Isirayeli, ubabwire uti: ‘Amaherezo nimwinjira mu gihugu ngira ndabahe, mu bibanza muzobamwo+, 3 hanyuma mukabwirizwa guhereza ishikanwa rishikanishwa umuriro rihabwa Yehova+, ishikanwa riturirwa+ canke ikimazi ku bwo gushitsa indagano idasanzwe canke ku bushake+ canke mu gihe c’imisi mikuru y’ibiringo+ yanyu, kugira ngo bibe akamoto karuhura kuri Yehova+, ishikanwa rivuye mu busho canke mu mukuku; 4 uwushikiriza ishikanwa ryiwe aze ashikirize Yehova n’ishikanwa ry’intete ry’ifu inoze+, ic’icumi c’ingero ya efa, ribombekeshejwe ica kane ca hini* y’amavuta. 5 Kandi uze uhereze umuvinyu bwa shikanwa ry’ikinyobwa+, ica kane ca hini, uri kumwe n’ishikanwa riturirwa canke ikimazi c’umwagazi w’intama w’isuguru umwe wose. 6 Canke ku bw’impfizi y’intama, uze uhereze ishikanwa ry’intete ry’ivy’icumi bibiri vy’ifu inoze, ribombekeshejwe ica gatatu ca hini y’amavuta. 7 Kandi uze ushikirize umuvinyu bwa shikanwa ry’ikinyobwa, ica gatatu ca hini, bwa kamoto karuhura kuri Yehova.

8 “‘Mugabo mu gihe wohereza ikigabo co mu busho bwa shikanwa riturirwa+ canke bwa kimazi, ku bwo gushitsa indagano idasanzwe+ canke bwa bimazi vy’ugusangira bihabwa Yehova+, 9 uze kandi ushikirize kumwe na nya kigabo co mu busho ishikanwa ry’intete+ ry’ivy’icumi bitatu vy’ifu inoze, ribombekeshejwe ica kabiri ca hini y’amavuta. 10 Kandi uze ushikirize umuvinyu bwa shikanwa ry’ikinyobwa+, ica kabiri ca hini, bwa shikanwa rishikanishwa umuriro, ry’akamoto karuhura kuri Yehova. 11 Ukwo ni ko bizogirwa kw’ishūri imwimwe yose, canke ku mpfizi y’intama imwimwe yose, canke ku mwagazi w’intama w’isuguru umwumwe wose, canke ku mpene imwimwe yose. 12 Igitigiri mwohereza caba ikihe, ukwo ni ko muzokora kuri kimwekimwe cose nk’uko igitigiri cavyo kiri. 13 Ukwo ni ko imvukira yose izohereza ivyo, mu gushikiriza ishikanwa rishikanishwa umuriro, ry’akamoto karuhura kuri Yehova+.

14 “‘Mu gihe hoba hari kavamahanga canke uwuri hagati muri mwebwe mu mayaruka yanyu abanye namwe ari kavamahanga, maze bikaba ngombwa ko ahereza ishikanwa rishikanishwa umuriro, ry’akamoto karuhura kuri Yehova, uko muzogenza ni ko na we azogenza+. 15 Mwebwe abo mw’ishengero be na kavamahanga abayeho ari kavamahanga muzogira icagezwe kimwe+. Kizoba icagezwe gushika igihe kitagira urugero ku mayaruka yanyu. Kavamahanga azoba cokimwe namwe imbere ya Yehova+. 16 Hazoba itegeko rimwe n’ingingo y’ubutungane* imwe kuri mwebwe no kuri kavamahanga abanye namwe ari kavamahanga+.’”

17 Yehova abandanya kubwira Musa ati: 18 “Vugana na bene Isirayeli, ubabwire uti: ‘Nimwinjira mu gihugu ndabajanyemwo+, 19 haze rero habe ibi: nimwarya umukate uwo ari wo wose w’ico gihugu+, muze mutange intererano ihabwa Yehova. 20 Muze mutange intererano y’imishuzo+ y’ifu yanyu itanoze bwa dutsima tumeze nk’ikigōmbo. Muze muyitangeko intererano nka kurya kw’intererano ivuye ku mbuga y’ikubitiro. 21 Igihimba c’ifu yanyu itanoze y’ivyerano vya mbere muze mugihe Yehova bwa ntererano, mu mayaruka yanyu.

22 “‘Mu gihe na ho mwohuba ntimushitse aya mabwirizwa yose+ Yehova yabwiye Musa, 23 ivyo Yehova yabategetse vyose biciye kuri Musa guhera umusi Yehova yatanga amategeko no kubandanya ku bw’amayaruka yanyu, 24 ng’ibi rero ibizoba: nimba vyakorewe kure y’amaso y’ikoraniro bivuye ku kwihenda, ikoraniro ryose rize rihereze rero ikimasa kimwe bwa shikanwa riturirwa ku bw’akamoto karuhura kuri Yehova, n’ishikanwa ry’intete ryaryo be n’ishikanwa ry’ikinyobwa ryaryo, hisunzwe ukuntu bisanzwe bigirwa+, be n’umwagazi w’impene umwe bwa shikanwa ry’igicumuro+. 25 Umuherezi aze atangire impongano+ ikoraniro ryose rya bene Isirayeli, na bo bazobabarirwa; kuko kwabaye ukwihenda+; na bo, ku ruhande rwabo, bakaba bazanye bwa shikanwa ryabo ishikanwa rishikanishwa umuriro rihabwa Yehova n’ishikanwa ry’igicumuro ryabo imbere ya Yehova ku bw’ukwihenda kwabo. 26 Kandi ikoraniro ryose rya bene Isirayeli na kavamahanga abayeho ari kavamahanga hagati muri bo bazobabarirwa+, kuko bizoba vyabaye ku kwihenda kw’abantu bose.

27 “‘Kandi nihagira umuntu acumura bivuye ku kwihenda+, aze ashikirize rero ku bw’ishikanwa ry’igicumuro impene ivyara iri mu mwaka wayo wa mbere+. 28 Umuherezi aze atangire impongano uwo muntu yahuvye mu gukora igicumuro atabishaka imbere ya Yehova, kugira ngo gitangirwe impongano, na we azobabarirwa+. 29 Nayo ku mvukira muri bene Isirayeli no kuri kavamahanga abayeho ari kavamahanga hagati muri bo, muzogira itegeko rimwe ku bijanye n’ikintu gikozwe bitavuye ku gushaka+.

30 “‘Mugabo umuntu akora ikintu nkana+, yaba ari imvukira canke kavamahanga, gutyo akaba atutse Yehova+, uwo muntu rero ategerezwa kurandurwa mu bantu b’iwabo+. 31 Kuko ari ijambo rya Yehova yasuzuguye+ n’ibwirizwa ryiwe yarenze+, uwo muntu aze arandurwe ata kabuza+. Ikosa ryiwe riri kuri we+.’”

32 Mu gihe bene Isirayeli bari bakiri mu gahinga, igihe kimwe babonye umuntu yariko atoragura udukwi ku musi w’isabato+. 33 Maze abamubonye ariko atoragura udukwi bamuzana kuri Musa na Aroni n’ikoraniro ryose. 34 Nuko bamushira aho acungirwa+, kuko hatari haravuzwe mu buryo butomoye ico akwiye kugirirwa.

35 Mu nyuma Yehova abwira Musa ati: “Uwo muntu akwiye kwicwa ata kabuza+: ikoraniro ryose rikwiye kumutera amabuye hanze y’ikambi+.” 36 Nuko rero ikoraniro ryose rimusohora hanze y’ikambi maze rimutera amabuye ku buryo apfa, nk’uko Yehova yari yategetse Musa.

37 Yehova abandanya kubwira Musa ati: 38 “Vugana na bene Isirayeli, ubabwire yuko bategerezwa kwihingurira imibari y’ubuyonga ku mpuzu* zabo mu mayaruka yabo yose, kandi baze bashire akagozi k’ubururu hejuru y’umubari w’ubuyonga w’impuzu+. 39 ‘Kaze kababere umubari w’ubuyonga, namwe muzokabona maze mwibuke amabwirizwa+ ya Yehova yose hanyuma muyashitse, kandi ntimuze mukurikire imitima yanyu n’amaso yanyu+, ivyo muriko murakurikira mu bushurashuzi+. 40 Ni ukugira ngo mwibuke hanyuma mushitse koko amabwirizwa yanje yose kandi mwerekane vy’ukuri ko muri beranda ku Mana yanyu+. 41 Ndi Yehova Imana yanyu, uwabakuye mu gihugu ca Misiri kugira ngo nerekane ko ndi Imana yanyu+. Ndi Yehova Imana yanyu+.’”

16 Kora+ mwene Izihari, Izihari+ mwene Kohati+, Kohati mwene Lewi+, arahaguruka, ari kumwe na Datani+ na Abiramu+ bene Eliyabu+, na Oni mwene Peleti, bene Rubeni+. 2 Bahaguruka imbere ya Musa, bo hamwe n’abagabo amajana abiri na mirongo itanu bo muri bene Isirayeli, abakuru b’ikoraniro, abatumweko ku bw’ikoraniro, abagabo ba rurangiranwa. 3 Nuko bakoranira kurwanya+ Musa na Aroni, bababwira bati: “Ivyanyu turabihaze, kuko ikoraniro ryose ari ryeranda+, bose uko bangana, kandi Yehova ari hagati muri bo+. Kubera iki none mwiduza hejuru y’ishengero rya Yehova+?”

4 Musa avyumvise aca agwa yubamye. 5 Maze abwira Kora n’ikoraniro ryiwe ryose ati: “Mu gitondo Yehova azomenyesha uwumwegukira uwo ari we+ n’uwuri mweranda+ n’uwutegerezwa kwegera hafi yiwe+, kandi uwo azotora+ wese ni we azokwegera hafi yiwe. 6 Nimugenze mutya: Nimwitorere ibijamwo umuriro+, Kora n’ikoraniro+ ryiwe ryose, 7 muheze mushire umuriro muri vyo maze mushire imibavu kuri vyo imbere ya Yehova ejo; umugabo Yehova azotora+, ni we azoba ari mweranda. Ivyanyu turabihaze, mwa bahungu ba Lewi+!”

8 Musa abandanya kubwira Kora ati: “Ndabinginze mwumvirize, yemwe bene Lewi. 9 Mbega ni ikintu gitoyi kuri mwebwe kuba Imana ya Isirayeli yarabatandukanije + n’ikoraniro rya Isirayeli kugira ngo ibiyegereze, ngo mukore igikorwa c’itaberenakulo ya Yehova mwongere muhagarare imbere y’ikoraniro kugira mubakorere+, 10 no kuba yarakwigije hafi, wewe na bene wanyu bose, bene Lewi kumwe nawe? None murondere no kwigarurira ubuherezi+ na bwo? 11 Ku bw’ico wewe n’ikoraniro ryawe ryose mukoraniye hamwe, muriko murwanya Yehova+. Nayo Aroni, abaye iki ngo mumwidodombere+?”

12 Mu nyuma Musa atuma guhamagara Datani na Abiramu+ bene Eliyabu, mugabo bavuga bati: “Eka ntituduga+! 13 Mbega ni ikintu gitoyi kuba waratuduganye udukuye mu gihugu gitemba amata n’ubuki kugira ngo utwicire mu gahinga+, ku buryo ushaka no kwigira umuganwa kuri twebwe uherejeko+? 14 Nkako, ntiwatujanye mu gihugu na kimwe gitemba amata n’ubuki+, ngo uduhe intoranwa y’itongo n’umurima w’imizabibu. Mbega amaso y’abo bagabo ni yo ugomba kunogora? Eka ntituduga!”

15 Musa aca arashavura cane, abwira Yehova ati: “Ntuhindukire ngo urabe ishikanwa ryabo ry’intete+. Nta ndogobwa y’ingabo n’imwe nabatwaye, canke ngo ngirire nabi n’umwe muri bo+.”

16 Maze Musa abwira Kora+ ati: “Wewe n’ikoraniro ryawe ryose, ejo muzobe ari ho muri imbere ya Yehova+, wewe na bo na Aroni. 17 Umwe wese muri mwebwe aze afate ikijamwo umuriro ciwe, mushire imibavu kuri vyo hanyuma umwe wese ashikirize ikijamwo umuriro ciwe imbere ya Yehova, ibijamwo umuriro amajana abiri na mirongo itanu, na wewe nyene na Aroni umwe wese azane ikijamwo umuriro ciwe.” 18 Bafata rero umwe wese ikijamwo umuriro ciwe baraheza babishirako umuriro, maze babishirako imibavu, hanyuma bahagarara ku bwinjiriro bw’ihema ry’ihuriro kumwe na Musa na Aroni. 19 Kora amaze gukoraniriza ikoraniro+ ryose kubarwanya ku bwinjiriro bw’ihema ry’ihuriro, ubuninahazwa bwa Yehova bubonekera rero ikoraniro ryose+.

20 Nuko Yehova abwira Musa na Aroni ati: 21 “Nimwitandukanye+ muve hagati muri iri koraniro, kugira ngo ndabatikize+ mu kanya isase.” 22 Baca bagwa bubamye, bavuga bati: “Ewe Mana, Mana y’impwemu z’ubwoko bwose bw’ikiri n’umubiri+, mbega umuntu umwe gusa yocumura hanyuma ukarakarira ikoraniro ryose+?”

23 Yehova na we abwira Musa ati: 24 “Bwira ikoraniro uti: ‘Nimwigire kure y’amataberenakulo ya Kora na Datani na Abiramu+!’”

25 Inyuma y’ivyo, Musa arahaguruka, aja aho Datani na Abiramu bari; kandi abagabo b’inararibonye+ ba Isirayeli bajana na we. 26 Maze abwira ikoraniro ati: “Ndabinginze mwigireyo muve imbere y’amahema y’aba bagabo b’ababisha kandi ntimukore ku kintu na kimwe cabo+, kugira ngo ntimuzimanganywe kubera igicumuro cabo cose.” 27 Buno nyene bigira kure bavuye imbere y’itaberenakulo ya Kora na Datani na Abiramu, bavuye ku mpande zose, maze Datani na Abiramu barasohoka, bahagarara ku bwinjiriro bw’amahema yabo+, kumwe n’abagore babo, n’abahungu babo n’abana babo batoyi.

28 Maze Musa avuga ati: “Iki ni co mumenyerako yuko Yehova yantumye gukora ibi bikorwa vyose+, yuko atari ku bw’umutima wanje bwite+: 29 Aba bantu nibapfa urupfu abantu bose bapfa, bakazanwako igihano gishikira abantu bose+, Yehova si we rero azoba yantumye+. 30 Mugabo nimba ari ikintu c’ikiremano Yehova aza kurema+, ubutaka bukasamika akanwa kabwo bukabamirana+ n’ikintu cabo cose, bakamanuka ari bazima mu kuzimu*+, muca mumenya ata gukeka yuko aba bagabo bagaye Yehova+.”

31 Akirangiza kuvuga ayo majambo yose, ubutaka bwari munsi yabo butangura gusaduka+. 32 Maze isi yasamika akanwa kayo ibamirana n’ingo zabo be n’abantu bose ba Kora n’ibintu vyose+. 33 Gutyo bamanuka mu kuzimu ari bazima, be n’ababo bose, isi na yo irabapfuka+, barazimangana hagati mw’ishengero+. 34 Abisirayeli bose bari irya n’ino yabo barahunga bumvise induru yabo, kuko bavuga bati: “Turatinya ko isi yotumira+!” 35 Nuko umuriro uraza uvuye kuri Yehova+, utangura kuyigiza ba bagabo amajana abiri na mirongo itanu bariko bashikana imibavu+.

36 Yehova abarira Musa ati: 37 “Bwira Eleyazari mwene Aroni umuherezi atore ibijamwo umuriro+ abikuye mu muriro, uti: ‘Nawe sanzaza umuriro hariya; kuko ari vyeranda, 38 egome, ibijamwo umuriro vy’abo bagabo bicumuyeko+. Bize bihingurwemwo utubate tw’intimba ntoyi cane two guhomeka ku gicaniro+, kuko babishikirije imbere ya Yehova, ku buryo bicika vyeranda; bize bibere ikimenyetso bene Isirayeli+.’” 39 Nuko rero Eleyazari umuherezi atora nya bijamwo umuriro+ vy’umujumpu, ivyo abari baturiwe bari bashikirije, maze batangura kubihondagura ngo babihinguremwo ivyo guhomeka ku gicaniro, 40 ngo bibere icibutso bene Isirayeli, kugira ngo ntihaze hagire umugabo w’ahandi+ atari uwo mu ruvyaro rwa Aroni yegera ngo afumbishe imibavu imbere ya Yehova+, kandi ntihaze hagire uwuba nka Kora n’ikoraniro ryiwe+; agira nk’uko Yehova yari yamubwiye biciye kuri Musa.

41 Buno nyene ku musi ukurikira, ikoraniro ryose rya bene Isirayeli ritangura kwidodombera Musa na Aroni+ riti: “Mwebwe, ni mwe mwishe abantu ba Yehova.” 42 Ikoraniro rimaze gukoranira hamwe kurwanya Musa na Aroni, barahindukira baraba kw’ihema ry’ihuriro, maze igicu kiraripfuka, hanyuma ubuninahazwa bwa Yehova butangura kuboneka+.

43 Nuko Musa na Aroni baza imbere y’ihema ry’ihuriro+. 44 Maze Yehova abwira Musa ati: 45 “Haguruke muve hagati muri iri koraniro, kugira ngo ndaritikize mu kanya isase+.” Baca bagwa bubamye+. 46 Inyuma y’ivyo Musa abwira Aroni ati: “Tora ikijamwo umuriro, ugishiremwo umuriro uvuye ku gicaniro+, ugishireko imibavu maze unyarukire iyo ikoraniro riri ubatangire impongano+, kuko Yehova yarakaye+. Icago catanguye!” 47 Ako kanya Aroni aragitora, nk’uko Musa yari avuze, ariruka aja hagati mw’ishengero; kandi erega icago cari catanguye mu bantu! Nuko ashirako imibavu maze atangura gutangira impongano abantu. 48 Aguma ahagaze hagati y’abapfuye n’abazima+. Amaherezo nya kiza kirahagarikwa+. 49 Abishwe na nya kiza bagera ku bihumbi cumi na bine n’amajana indwi, udashizemwo abapfuye kubera Kora. 50 Igihe amaherezo Aroni yagaruka kuri Musa ku bwinjiriro bw’ihema ry’ihuriro, ikiza cari cahagaritswe.

17 Nuko Yehova abwira Musa ati: 2 “Vugana na bene Isirayeli baguhe inkoni+ imwe ku bw’inzu ya ba sekuru imwimwe yose, uyitore ku bakuru+ babo bose, hakurikijwe inzu ya ba se, zibe inkoni cumi na zibiri. Uzokwandika izina ry’umwe wese ku nkoni yiwe. 3 Kandi uzokwandika izina rya Aroni ku nkoni ya Lewi, kuko hari inkoni imwe ku mukuru w’inzu ya ba se. 4 Uze uzishire mw’ihema ry’ihuriro imbere y’Igishingantahe+, aho nama nseruka imbere yanyu ubudasiba+. 5 Kandi ibi ni vyo bizoba: umugabo nzotora+, inkoni yiwe izonaga, kandi nzohwamika ata gukeka imyidodombo+ ya bene Isirayeli imveko, iyo bariko babidodombera+.”

6 Nuko Musa avugana na bene Isirayeli, maze abakuru babo bose bamuha inkoni ku mukuru umwe wese, inkoni ku mukuru umwe wese, hakurikijwe inzu ya ba se, ziba inkoni cumi na zibiri+; kandi inkoni ya Aroni yari mu nkoni zabo+. 7 Maze Musa ashira izo nkoni imbere ya Yehova mw’ihema ry’Igishingantahe+.

8 Nuko ku musi ukurikira, Musa yinjiye mw’ihema ry’Igishingantahe, ehe inkoni ya Aroni ku bw’inzu ya Lewi yari yanaze, kandi yariko izana iminago yongera ishurika amashurwe, kandi yariko yama shakedi zihiye. 9 Maze Musa asohora nya nkoni zose azikuye imbere ya Yehova azizana kuri bene Isirayeli bose, na bo bararaba bongera batora umwe wese inkoni yiwe bwite.

10 Mu nyuma Yehova abwira Musa ati: “Subiza inkoni ya Aroni+ imbere y’Igishingantahe bwa kintu co kuzigama ngo ibere ikimenyetso+ abana b’ubugarariji+, kugira ngo imyidodombo yabo ihere imveko, boye gupfa.” 11 Ako kanya Musa akora nk’uko Yehova yari amutegetse. Akora kuno nyene.

12 Nuko bene Isirayeli batangura kubwira Musa bati: “Noneho turapfuye ata kabuza, turayogeye ata kabuza, nta kabuza twese turayogeye+. 13 Uwo wese azokwegera+, akaza hafi y’itaberenakulo ya Yehova, azopfa+! None twese tugiye gupfa, duherengetere gutyo+?”

18 Nuko Yehova abwira Aroni ati: “Wewe n’abahungu bawe n’inzu ya so iri kumwe nawe muzokwishura ikosa rikozwe ku heranda+, kandi wewe n’abahungu bawe bari kumwe nawe muzokwishura ikosa rikozwe ku buherezi bwanyu+. 2 Zana kandi hafi bene wanyu bo mu muryango wa Lewi, umuryango wa so, muzanane, kugira ngo bashirwe kumwe nawe bongere bagukorere+, imbere y’ihema ry’Igishingantahe+, wewe n’abahungu bawe muri kumwe. 3 Kandi baze bashitse ico babwirizwa kunkorera n’ico babwirizwa gukorera ihema ryose+. Gusa ntibaze begere ibikoresho vy’ahantu heranda n’igicaniro kugira ngo boye gupfa+, baba bo canke mwebwe. 4 Baze bashirwe kumwe nawe, kandi baze bashitse ico babwirizwa gukorera ihema ry’ihuriro ku vyerekeye igikorwa cose c’ihema, kandi ntihaze hagire uw’ahandi* abegera+. 5 Muze mushitse ico mubwirizwa gukorera ahantu heranda+ n’ico mubwirizwa gukorera igicaniro+, kugira ngo bene Isirayeli ntibasubire kurakarirwa+. 6 Nanje, ehe natoye bene wanyu, Abalewi, ndabakuye muri bene Isirayeli+ ngo babe ingabirano yanyu+, ngo babe abahawe Yehova kugira bakore igikorwa c’ihema ry’ihuriro+. 7 Wewe n’abahungu bawe bari kumwe nawe mukwiye kuzigama ubuherezi bwanyu ku vyerekeye igicaniro vyose no ku vyerekeye ibiri inyuma y’irido+; kandi muze mukore igikorwa+. Nzotanga ubuherezi bwanyu bwa gikorwa c’ingabirano, kandi uw’ahandi azokwegera aze yicwe+.”

8 Yehova yongera kubwira Aroni ati: “Nayo jewe, ehe nagucungishije intererano mpabwa+. Ku bijanye n’ibintu vyeranda vyose vya bene Isirayeli, nabihaye wewe n’abahungu bawe bwa mugabane, bwa ngaburo gushika igihe kitagira urugero+. 9 Ivyo bizoba ivyawe bikuwe ku bintu vyeranda rwose, kw’ishikanwa rishikanishwa umuriro, ishikanwa ryabo ryose hamwe n’ishikanwa ry’intete+ ryabo ryose n’ishikanwa ry’igicumuro+ ryabo ryose n’ishikanwa ry’ukwagirwa n’icaha+ ryabo ryose, ivyo bazonsubiza. Ni ikintu ceranda rwose cawe n’abahungu bawe. 10 Uze ukirire ahantu heranda rwose+. Uw’igitsina-gabo wese aze akirye+. Kizoba ikintu ceranda kuri wewe+. 11 Kandi ibi birakwegukira: intererano+ yo ku ngabirano yabo hamwe n’amashikanwa azungagizwa+ yose ya bene Isirayeli. Nabihaye wewe n’abahungu bawe n’abakobwa bawe bari kumwe nawe+, ngo bibe ingaburo gushika igihe kitagira urugero. Umuntu wese adahumanye wo mu nzu yawe ashobora kubirya+.

12 “Ivyiza vyose kuruta ibindi mu mavuta, n’ivyiza vyose kuruta ibindi mu muvinyu mushasha n’intete, imishuzo+ yavyo, ivyo bazoha Yehova, nabiguhaye+. 13 Ivyamwa vya mbere vyeze ku biri mu gihugu cabo vyose, ivyo bazozanira Yehova, bizoba rwawe+. Umuntu wese adahumanye mu nzu yawe arashobora kubirya.

14 “Ikintu cose cagizwe inyegu muri Isirayeli kize kibe rwawe+.

15 “Icugurura igitereko+ cose, c’ubwoko bwose bw’umubiri, ico bazoshikiriza Yehova, co mu bantu no mu bikoko, kize kibe rwawe. Ariko ntuze ubure gucungura imfura y’abantu+; kandi uze ucungure imfura y’igikoko gihumanye+. 16 Uze uyicunguze ikiguzi cayo c’icungurwa kuva ku yimaze ukwezi kuduga, hakurikijwe agaciro kagereranijwe, shekeli z’ifeza zitanu hisunzwe shekeli y’ahantu heranda+. Na yo ingana na gera* mirongo ibiri+. 17 Ishūri y’uburiza canke umwagazi w’intama w’isuguru w’uburiza canke impene y’uburiza ni vyo gusa utazocungura+. Ni ikintu ceranda. Amaraso+ yavyo uze uyamijagire ku gicaniro, ibinure vyavyo na vyo uze ubifumbishe bwa shikanwa rishikanishwa umuriro ku bw’akamoto karuhura kuri Yehova+. 18 Inyama zavyo zize zibe rwawe. Nk’uko biri ku nkoro y’ishikanwa rizungagizwa no ku kuguru kw’ukuryo, zizoba rwawe+. 19 Intererano+ nyeranda zose, izo bene Isirayeli bazoterera baziha Yehova, nazihaye wewe n’abahungu bawe n’abakobwa bawe bari kumwe nawe, ngo zibe ingaburo gushika igihe kitagira urugero+. Ni isezerano ry’intahava* gushika igihe kitagira urugero imbere ya Yehova, ku bwawe n’uruvyaro rwawe ruri kumwe nawe+.”

20 Yehova abandanya kubwira Aroni ati: “Ntuzogira intoranwa mu gihugu cabo; kandi nta muturi uzoronka hagati muri bo+. Ni jewe muturi wawe n’intoranwa yawe hagati muri bene Isirayeli+.

21 “Ehe nahaye bene Lewi ic’icumi cose+ muri Isirayeli bwa ntoranwa ku bw’igikorwa cabo bariko barakora, igikorwa c’ihema ry’ihuriro. 22 Kandi bene Isirayeli ntibaze basubire kwegera hafi y’ihema ry’ihuriro ngo bikwegere igicumuro maze bapfe+. 23 Abalewi ubwabo baze bakore igikorwa c’ihema ry’ihuriro, kandi ni bo bazokwishura ikosa+ ry’abantu. Ni icagezwe gushika igihe kitagira urugero mu mayaruka yanyu, yuko badakwiye kuronka intoranwa+ hagati muri bene Isirayeli. 24 Kuko ic’icumi ca bene Isirayeli, ico bazoterera bagiha Yehova bwa ntererano, nagihaye Abalewi bwa ntoranwa. Ni co gituma nababwiye yuko ‘ata ntoranwa bazoronka hagati muri bene Isirayeli+.’”

25 Maze Yehova abwira Musa ati: 26 “Uze uvugane n’Abalewi, ubabwire uti: ‘Muzohabwa na bene Isirayeli ic’icumi nageneye mwebwe kivuye kuri bo ku bw’intoranwa yanyu+, kandi muze mutange ic’icumi+ caco kibe intererano ihabwa Yehova. 27 Kize giharurwe kuri mwebwe bwa ntererano yanyu, nk’intete z’imbuga y’ikubitiro+ kandi nk’umwimbu wuzuye w’uruganiro rw’umuvinyu canke rw’amavuta. 28 Ukwo ni ko namwe ubwanyu muzoterera intererano ihabwa Yehova ivuye ku vy’icumi vyanyu vyose muzohabwa na bene Isirayeli, kandi kuri vyo muze muhe Aroni umuherezi intererano ihabwa Yehova. 29 Ku ngabirano zose muzohabwa, muzoterera ubwoko bwose bw’intererano ihabwa Yehova, ku vyiza cane kuruta ibindi vyose+, bwa kintu ceranda kivuye kuri zo.’

30 “Kandi uze ubabwire uti: ‘Nimwaterera ivyiza kuruta ibindi vyose vyo muri zo+, bizoharurwa rero ku Balewi ata gukeka bwa mwimbu w’imbuga y’ikubitiro n’umwimbu w’uruganiro rw’umuvinyu canke rw’amavuta. 31 Muze mubirire ahantu hose, mwe n’urugo rwanyu, kuko ari impembo yanyu ku bw’igikorwa canyu mw’ihema ry’ihuriro+. 32 Ntimuze mwikwegere igicumuro ku bwavyo igihe muterera ivyiza kuruta ibindi vyose vyo muri zo, kandi ntimuze muhumanye ibintu vyeranda vya bene Isirayeli, kugira ngo ntimupfe+.’”

19 Nuko Yehova abwira Musa na Aroni ati: 2 “Iki ni icagezwe c’itegeko Yehova ategetse ati: ‘Bwira bene Isirayeli baze bagutorere inka y’akagajo itagira akanenge, itagira agahonzi+ kandi itagiyeko ingǒgo*+. 3 Muze muyihe Eleyazari umuherezi, na we aze ayijane hanze y’ikambi, hanyuma ikerererwe imbere yiwe. 4 Maze Eleyazari umuherezi aze atore makeyi ku maraso yayo n’urutoke rwiwe, hanyuma acucagire makeyi ku maraso yayo neza na neza imbere y’ihema ry’ihuriro incuro indwi+. 5 Maze nya nka ize ituririrwe mu maso yiwe. Urushato rwayo n’inyama zayo n’amaraso yayo hamwe n’amayezi yayo bizoturirwa+. 6 Umuherezi aze atore igiti c’isederi+ na ezobu+ n’igitambara c’ibara ry’agahama*+, abiterere hagati mu muriro uriko uturira nya nka. 7 Umuherezi aze amese impuzu ziwe kandi yuhagire umubiri wiwe mu mazi; mu nyuma azoshobora kwinjira mw’ikambi; mugabo uwo muherezi aze abe uwuhumanye gushika ku mugoroba.

8 “‘Uwayituriye na we azomesa impuzu ziwe mu mazi, kandi aze yuhagire umubiri wiwe mu mazi+; aze abe uwuhumanye gushika ku mugoroba.

9 “‘Umugabo adahumanye aze yegeranye iminyota+ ya nya nka maze ayishire inyuma y’ikambi ahantu hadahumanye; ize ibere ikoraniro rya bene Isirayeli ikintu co kuzigama ku bw’amazi y’ihumanura+. Ni ishikanwa ry’igicumuro. 10 Nyene gukoranya iminyota ya nya nka aze amese impuzu ziwe maze abe uwuhumanye gushika ku mugoroba+.

“‘Bize bibere icagezwe bene Isirayeli na kavamahanga abayeho ari kavamahanga hagati muri bo, gushika igihe kitagira urugero+. 11 Uwo wese akoze ku kiziga c’umuntu+ uwo ari we wese, aze abe uwuhumanye imisi indwi+. 12 Umuntu nk’uwo aze yityoroze nya mazi ku musi ugira gatatu+, maze ku musi ugira indwi abone kuba uwudahumanye. Mugabo natityorora ku musi ugira gatatu, ku musi ugira indwi rero ntazoba uwudahumanye. 13 Umuntu wese akoze ku kiziga, ku muntu uwo ari we wese yapfuye, maze ntiyityorore, azoba yahumanije itaberenakulo ya Yehova+; uwo muntu ategerezwa kurandurwa muri Isirayeli+. Kubera yuko amazi y’ihumanura+ atazoba yamijagiwe kuri we, azoguma ahumanye. Ubuhumane bwiwe buzoba bukiri kuri we+.

14 “‘Iri ni ryo tegeko mu gihe umuntu yopfira mw’ihema: Umuntu wese azokwinjira muri nya hema, n’umuntu wese azoba ari muri nya hema, azoba uwuhumanye imisi indwi. 15 Icombo+ gipfunduruye cose kitariko umufuniko uboheweko kizoba gihumanye. 16 Umuntu wese ari mu gahinga azokora ku muntu yagandagujwe inkota+ canke ku kiziga canke kw’igufa+ ry’umuntu canke ku mva, azoba uwuhumanye imisi indwi. 17 Ku bw’uwo ahumanye haze hatorwe mukeyi kuri wa munyota uvuye ku muriro w’ishikanwa ry’igicumuro, baheze bawushireko amazi atemba mu combo. 18 Maze umugabo adahumanye+ aze atore ezobu+, ayikoze mu mazi, hanyuma ayacucagire nya hema, n’ivyombo vyose, n’abantu bari bari ng’aho, n’uwakoze kuri nya gufa canke agakora ku wagandaguwe canke ku kiziga canke ku mva. 19 Uwo muntu adahumanye aze ayacucagire nya muntu ahumanye ku musi ugira gatatu no ku musi ugira indwi, maze amutyorore igicumuro ku musi ugira indwi+; kandi aze amese impuzu ziwe yongere yiyuhagire mu mazi; azoheza abe uwudahumanye ku mugoroba.

20 “‘Mugabo umuntu yoba ahumanye maze ntiyihumanure, uwo muntu aze rero arandurwe+ ave hagati mw’ishengero, kuko azoba yahumanije aheranda ha Yehova. Amazi y’ihumanura ntazoba yamijwe kuri we. Azoba ahumanye.

21 “‘Ibi bize bibe icagezwe kuri bo gushika igihe kitagira urugero: uwucucagira amazi y’ihumanura aze amese impuzu ziwe+, be n’uwukora kuri nya mazi y’ihumanura. Azoba uwuhumanye gushika ku mugoroba. 22 Ikintu cose nya muntu ahumanye azokorako kizoba igihumanye+, kandi umuntu agikozeko azoba uwuhumanye gushika ku mugoroba+.’”

20 Bene Isirayeli, ikoraniro ryose, bashika mu gahinga ka Zini+ mu kwezi kwa mbere, maze abantu baba i Kadeshi+. Aho ni ho Miriyamu+ yapfiriye kandi ni ho yahambwe.

2 Kandi nta mazi yariho ku bw’ikoraniro+, maze batangura gukoranira kurwanya Musa na Aroni+. 3 Abantu batonganya+ Musa, bavuga ngo: “Ese iyo dupfuma ducikana igihe bene wacu bacikanira imbere ya Yehova+! 4 Kubera iki mwazanye ishengero rya Yehova muri aka gahinga kugira ngo twe n’ibitwazi vyacu tuhapfire+? 5 Kandi kubera iki mwatuduganye mudukuye mu Misiri mukatuzana aha hantu habi+? Si ahantu hamera imbuto n’insukoni n’imizabibu n’amakomamanga+, kandi nta mazi yo kunywa ariho.” 6 Maze Musa na Aroni baza ku bwinjiriro bw’ihema ry’ihuriro bavuye imbere y’ishengero baraheza bagwa bubamye+, hanyuma ubuninahazwa bwa Yehova butangura kubabonekera+.

7 Maze Yehova abwira Musa ati: 8 “Tora ya nkoni+ hanyuma ukoranye ikoraniro, wewe na Aroni mwene wanyu, muheze mubwire urutare mu maso yabo kugira rutange amazi yarwo; ubakurire amazi muri nya rutare, uhe ikoraniro n’ibitwazi vyabo binywe+.”

9 Nuko Musa atora nya nkoni ayikuye imbere ya Yehova+, nk’uko yari amutegetse. 10 Musa na Aroni bakoraniriza ishengero imbere ya nya rutare, maze Musa ababwira ati: “Umve rero, mwa bagarariji+ mwe! Mbega muri uru rutare ni ho tubakurira amazi+?” 11 Musa aca aduza ukuboko, akubita nya rutare n’inkoni yiwe incuro zibiri; nuko amazi menshi atangura gusohoka, ikoraniro n’ibitwazi vyabo bitangura kunywa+.

12 Mu nyuma Yehova abwira Musa na Aroni ati: “Kubera ko mutagaragaje ko munyizera ngo munyeze+ mu maso ya bene Isirayeli, ku bw’ivyo ntimuzokwinjiza iri shengero mu gihugu nzobaha ata kabuza+.” 13 Ayo ni yo mazi y’i Meriba*+, kuko bene Isirayeli batonganije Yehova, ku buryo yezwa muri bo.

14 Mu nyuma Musa atuma intumwa ku mwami wa Edomu+ zivuye i Kadeshi, ati: “Ibi ni vyo mwene wanyu Isirayeli+ avuze: ‘Wewe ubwawe urazi amagume yose yadushitseko+. 15 Ba data baramanutse mu Misiri+, hanyuma tubandanya kuba mu Misiri imisi myinshi+; maze Abanyamisiri batangura kutugirira nabi twe na ba data+. 16 Amaherezo twaratakambiye Yehova+ na we arumva ijwi ryacu maze arungika umumarayika+, adukura mu Misiri; none ehe turi i Kadeshi, igisagara kiri ku mpera y’akarere kawe. 17 Turakwinginze ureke duce mu gihugu cawe. Ntituzoca mw’itongo canke mu murima w’imizabibu, kandi ntituzonywa amazi y’iriba. Tuzogendera mu nzira y’umwami+. Ntituzokebereza iburyo canke ibubamfu+, gushika turenganye akarere kawe.’”

18 Ariko Edomu amubwira ati: “Ntuze uce iwanje, kugira simpave nsohoka n’inkota guhura nawe.” 19 Bene Isirayeli na bo bamubwira bati: “Tuzodugana inzira y’ikirari; kandi jewe n’ibitungwa vyanje nitwanywa amazi yawe, sinzobura rero gutanga ico aciye+. Nta kindi nshaka atari ukuhaca n’amaguru+.” 20 Mugabo avuga ati: “Ntuzohaca+.” Nuko Edomu+ arasohoka guhura na we ari n’abantu benshi cane n’ikiganza gikomeye. 21 Gutyo Edomu yankira Isirayeli guca mu karere kiwe+. Ku bw’ivyo Isirayeli akebereza kure yiwe+.

22 Nuko bene Isirayeli, ikoraniro ryose, baragenda bavuye i Kadeshi+ hanyuma bashika ku musozi Horo+. 23 Maze Yehova abwira Musa na Aroni ku musozi Horo, iruhande y’umupaka w’igihugu ca Edomu, ati: 24 “Aroni agiye guhamvya ab’iwabo+, kuko atazokwinjira mu gihugu ntazobura guha bene Isirayeli, kuko mwagararije itegeko ryanje ku bijanye na ya mazi y’i Meriba+. 25 Fata Aroni na Eleyazari umuhungu wiwe ubadugane ku musozi Horo. 26 Maze wambure Aroni impuzu ziwe+, uzambike Eleyazari+ umuhungu wiwe; Aroni araheza ahamvye ab’iwabo, apfire ng’aho+.”

27 Nuko Musa akora nk’uko Yehova yari ategetse; baduga umusozi Horo ikoraniro ryose ribona. 28 Maze Musa yambura Aroni impuzu ziwe, azambika Eleyazari umuhungu wiwe; inyuma y’ivyo Aroni apfira ng’aho kw’isonga ry’umusozi+. Nuko Musa na Eleyazari baramanuka bavuye kuri uwo musozi. 29 Ikoraniro ryose ribona ko Aroni yari yacikanye, maze inzu ya Isirayeli yose iririra Aroni imisi mirongo itatu+.

21 Buno Umunyakanani, umwami wa Aradi+, uwaba muri Negebu+, yumva yuko Isirayeli yari izananye inzira ya Atarimu; atangura rero kurwana na Isirayeli maze ajana bamwe muri bo ari imbohe. 2 Nuko rero Isirayeli iraganira indagano Yehova iti+: “Niwatanga koko aba bantu mu kuboko kwanje, nanje nzotikiza ibisagara vyabo ata kabuza+.” 3 Yehova yumviriza rero ijwi rya Isirayeli, atanga Abanyakanani; nuko barabatikiza, bo n’ibisagara vyabo. Ku bw’ivyo aho hantu bahita Horuma+.

4 Bakibandanya kugenda bavuye ku musozi Horo+ baciye mu nzira y’ikiyaga Gitukura kugira ngo bazunguruke igihugu ca Edomu+, abantu batangura kuruhishwa n’urugendo. 5 Kandi abantu baguma bavuga nabi Imana+ na Musa+ ngo: “Kubera iki mwatuduganye mudukuye mu Misiri kugira dupfire mu gahinga+? Kuko ata mukate n’amazi bihari+, kandi dusigaye twarazinutswe uyu mukate ugayitse+.” 6 Nuko Yehova arungika inzoka z’ubumara+ mu bantu, ziguma zikomora abantu, ku buryo abantu benshi ba Isirayeli bapfa+.

7 Amaherezo abantu baza kuri Musa, bavuga bati: “Twacumuye+, kuko twavuze nabi Yehova na wewe. Takambira Yehova adukureko izi nzoka+.” Nuko Musa aratakamba ku bw’abantu+. 8 Maze Yehova abwira Musa ati: “Niwihingurire inzoka y’ubumara*, uyishire ku gikingi c’ikimenyetso. Uku ni ko biza kugenda: umuntu niyakomorwa, aze rero kuyiraba, gutyo agume ari muzima+.” 9 Ako kanya Musa ahingura inzoka y’umujumpu+ araheza ayishira kuri nya gikingi c’ikimenyetso+; nuko mu gihe inzoka yaba iriye umuntu hanyuma agahanga amaso+ nya nzoka y’umujumpu, yaca aguma ari muzima+.

10 Inyuma y’ivyo bene Isirayeli baragenda hanyuma bakambika i Oboti+. 11 Maze baragenda bavuye i Oboti hanyuma bakambika i Iye-abarimu+, mu gahinga kari imbere ya Mowabu, iyo izuba rirasira. 12 Bava ng’aho baragenda hanyuma bakambika iruhande y’umwonga wa Zeredi+. 13 Bava ng’aho baragenda hanyuma bakambika mu karere ka Arunoni+, akari mu gahinga kava ku mupaka w’Abamori; kuko Arunoni ari urubibe rwa Mowabu, ruri hagati ya Mowabu n’Abamori. 14 Ni co gituma bivugwa mu gitabu c’Intambara za Yehova ngo:

“Vahebu muri Sufa n’imyonga ya Arunoni, 15 be n’umunwa w’imyonga, uwiheteye amaja ku cicaro ca Ari+ kandi ukaba wegamiye umupaka wa Mowabu.”

16 Bava ng’aho baja i Beyeri+. Iryo ni ryo riba Yehova yabwiye Musa ku biryerekeye ati: “Koranya abantu, ndabahe amazi+.”

Hanyuma bava mu gahinga baja i Matana. 19 Hanyuma bava i Matana baja i Nahaliyeli, maze bava i Nahaliyeli baja i Bamoti+. 20 Hanyuma bava i Bamoti baja mu mubande uri mu karere ka Mowabu+, kw’isonga rya Pisiga+ rihanamye riraba imbere ya Yeshimoni+.

21 Nuko Isirayeli ituma intumwa kuri Sihoni+ umwami w’Abamori, iti: 22 “Ndeka ndengane nciye mu gihugu cawe. Ntituzokebereza mw’itongo canke mu murima w’imizabibu. Ntituzonywa amazi y’iriba na rimwe. Tuzogendera mu nzira y’umwami gushika turenganye akarere kawe+.” 23 Sihoni ntiyemerera Isirayeli guca mu karere kiwe+, mugabo Sihoni akoranya abantu biwe bose maze asohoka guhura na Isirayeli mu gahinga, ashika i Yahazi+ hanyuma atangura kurwana na Isirayeli. 24 Nuko Isirayeli imukubitisha ubugi bw’inkota+ maze yigarurira igihugu ciwe+ kuva kuri Arunoni+ gushika kuri Yaboki+, hafi ya bene Amoni; kuko Yazeri+ ari umupaka wa bene Amoni+.

31 Nuko Isirayeli itangura kuba mu gihugu c’Abamori+. 32 Maze Musa atuma bamwe gutata Yazeri+. Nuko bafata ibisagara bihakukira bongera bomora Abamori bariyo+. 33 Inyuma y’ivyo barahindukira, badugana inzira ya Bashani+. Ogi+ umwami wa Bashani aca arasohoka guhura na bo, we hamwe n’abantu biwe bose, mu rugamba rw’i Edireyi+. 34 Nuko Yehova abwira Musa ati: “Ntumutinye+, kuko ntazobura kumutanga mu kuboko kwawe, we n’abantu biwe bose n’igihugu ciwe+; uze umugirire nk’uko wagiriye Sihoni, umwami w’Abamori, uwahora aba i Heshiboni+.” 35 Nuko bamwicana n’abahungu biwe n’abantu biwe bose, gushika n’aho adasigarana n’umwe acitse kw’icumu+; hanyuma bigarurira igihugu ciwe+.

22 Maze bene Isirayeli baragenda, bakambika mu biyaya vy’ubugaragwa vy’i Mowabu+, hakurya ya Yorodani uvuye i Yeriko. 2 Nuko Balaki+ mwene Zipori abona ivyo Isirayeli yari yakoreye Abamori vyose. 3 Maze Mowabu agirira ubwoba bwinshi abo bantu, kuko bari benshi; Mowabu atangura kugira ubwoba arashegeshwa kubera bene Isirayeli+. 4 Nuko Mowabu abwira abagabo b’inararibonye ba Midiyani+ ati: “Ubu iri shengero rizofyeta imicungararo yacu yose nka kurya ishūri ifyeta ivyatsi bitoto vy’ishamba.”

Balaki+ mwene Zipori yari umwami wa Mowabu ico gihe nyene. 5 Nuko atuma intumwa kuri Balamu+ mwene Beyori i Petori+, iruhande ya rwa Ruzi+ rwo mu gihugu c’ab’iwabo, kumuhamagara, mu kuvuga ati: “Ehe! Hari abantu baje bavuye mu Misiri. Ehe! Bapfutse isi gushika aho umuntu ageza amaso+, kandi baba neza na neza imbere yanje. 6 Ubu rero, ndakwinginze uze, umvumire+ aba bantu, kuko bandusha ubushobozi. Hari aho nobanesha, nkabirukana mu gihugu; kuko nzi neza yuko uwo uhezagiye aba ahezagiwe, uwo uvumye na we akaba avumwe+.”

7 Nuko abagabo b’inararibonye ba Mowabu n’abagabo b’inararibonye ba Midiyani bafata urugendo bafise mu maboko yabo indishi y’indagu+, baja kuri Balamu+ maze bamubwira amajambo ya Balaki. 8 Na we ababwira ati: “Nimurare ng’aha iri joro, nanje nzobishura ata gukeka nk’uko Yehova azoba yambwiye+.” Nuko rero nya baganwa ba Mowabu bagumana na Balamu.

9 Maze Imana iza kuri Balamu, ivuga iti+: “Abo bagabo bari kumwe nawe ni bande?” 10 Balamu na we abwira Imana y’ukuri ati: “Balaki+ mwene Zipori, umwami wa Mowabu, yantumyeko ati: 11 ‘Ehe abantu bariko baza bavuye mu Misiri, kandi bapfutse isi gushika aho umuntu ageza amaso+. Ndagusavye rero uze, ubamvumire+. Hari aho noshobora kubarwanya, nkabirukana koko.’” 12 Mugabo Imana ibwira Balamu iti: “Ntuze ujane na bo. Ntuze uvume abo bantu+, kuko bahezagiwe+.”

13 Inyuma y’ivyo Balamu ahaguruka mu gitondo, abwira nya baganwa ba Balaki ati: “Nimugende mu gihugu canyu, kuko Yehova yanyankiye kujana namwe.” 14 Nuko abaganwa ba Mowabu barahaguruka, baza kuri Balaki maze bavuga bati: “Balamu yanse kuzanana natwe+.”

15 Ariko Balaki yongera gutuma abandi baganwa benshi kuruta aba mbere kandi b’iteka kubaruta. 16 Na bo baza kuri Balamu, bamubwira bati: “Ibi ni vyo Balaki mwene Zipori avuze: ‘Ndakwinginze ntihagire ikikubuza kuza kuri jewe. 17 Kuko ntazobura kugutera iteka ryinshi+, kandi ico uzombwira cose nzogikora+. Ndakwinginze rero uze, umvumire aba bantu.’” 18 Mugabo Balamu yishura nya basuku ba Balaki ati: “Naho Balaki yompa inzu yiwe yuzuye ifeza n’inzahabu, sinoshobora kurenga itegeko rya Yehova Imana yanje, ngo ngire ico nkora, caba gito canke kinini+. 19 Ubu rero, ndabinginze murare ng’aha iri joro kugira ngo menye ikindi Yehova aza kumbwira+.”

20 Maze Imana iza kuri Balamu mw’ijoro, imubwira iti: “Nimba aba bagabo bazanywe no kuguhamagara, haguruka ujane na bo. Mugabo ijambo nzokubwira ni ryo gusa uzovuga+.” 21 Inyuma y’ivyo Balamu avyuka mu gitondo, ashira itandiko ku ndogobwa yiwe y’ingore, ajana na nya baganwa ba Mowabu+.

22 Mugabo ishavu ry’Imana ritangura kururumba kubera yari agiye; nuko umumarayika wa Yehova ahagarara mu nzira kugira amurwanye+. Yariko agendera ku ndogobwa yiwe y’ingore, abasuku biwe babiri bari kumwe na we. 23 Nuko nya ndogobwa ibona umumarayika wa Yehova ahagaze mu nzira, yasokoye inkota yiwe ayifise mu kuboko+; maze nya ndogobwa igerageza gukevya ngo ive muri nya nzira kugira ije mu murima, mugabo Balamu atangura kuyikubita kugira ayigarure mu nzira. 24 Umumarayika wa Yehova yaguma ahagaze muri nya nzira yaga hagati y’imirima y’imizabibu, irya n’ino hakaba hari uruhome rw’amabuye. 25 Kandi nya ndogobwa yaguma ibona umumarayika wa Yehova; nuko yifyondera ku ruhome, gutyo ifyondera ikirenge ca Balamu kuri nya ruhome, na we yongera kuyikubita.

26 Buno nya mumarayika wa Yehova asubira kurengana, ahagarara ahantu haga ata nzira yari ihari yo gukeberezamwo iburyo canke ibubamfu. 27 Nya ndogobwa ibonye umumarayika wa Yehova ica iryama munsi ya Balamu, ku buryo ishavu rya Balamu rirurumba+, akaguma ayikubita inkoni yiwe. 28 Amaherezo Yehova yugurura umunwa w’iyo ndogobwa+, maze ibwira Balamu iti: “Mbega nagukoreye iki ngo unkubite izi ncuro zitatu zose+?” 29 Balamu aca abwira nya ndogobwa ati: “Ni kubera yuko wambereye ruburakigongwe. Iyo gusa ngira inkota mu kuboko kwanje, ubu nari kuba nakwishe+!” 30 Maze nya ndogobwa ibwira Balamu iti: “Mbega sindi indogobwa yawe wagendeyeko ubuzima bwawe bwose gushika uyu musi? None narigeze kuba ndakugirira gutya+?” Na we avuga ati: “Oya!” 31 Nuko Yehova apfukura amaso+ ya Balamu, ku buryo abona umumarayika wa Yehova ahagaze mu nzira, yasokoye inkota yiwe ayifise mu kuboko. Aca arunama, akubita inkoro hasi yubamye.

32 Maze umumarayika wa Yehova amubwira ati: “Kubera iki indogobwa yawe wayikubise izo ncuro zitatu zose? Ehe jewe, jewe nasohotse kukuzibira, kuko inzira yawe yahurudukiye kurwanya ukugomba kwanje+. 33 Indogobwa yawe yambonye ica igerageza gukevya imbere yanje izi ncuro zitatu zose+. Dufate iyo itaba yakebeje ngo ive imbere yanje! Ubu ni wewe mba nishe+, mugabo yo nkayizigamira ubuzima.” 34 Balamu aca abwira umumarayika wa Yehova ati: “Nacumuye+, kuko ntari nzi yuko ari wewe wari uhagaze mu nzira kugira uhure nanje. None rero, nimba ari bibi mu maso yawe, nundeke nsubire inyuma.” 35 Mugabo umumarayika wa Yehova abwira Balamu ati: “Jana n’abo bagabo+; kandi ntihaze hagire ikindi uvuga atari ijambo nzokubwira+.” Nuko Balamu abandanya kujana n’abaganwa ba Balaki.

36 Balaki yumvise yuko Balamu yaje, aca arasohoka kumusanganira mu gisagara ca Mowabu kiri ku nkombe ya Arunoni, iyiri ku mpera ya nya karere+. 37 Maze Balaki abwira Balamu ati: “Mbega sinagutumyeko abaza kuguhamagara? Kubera iki utaje iwanje? Mbega sinshoboye kugutera iteka koko kandi vy’ukuri+?” 38 Balamu aca abwira Balaki ati: “Ehe rero naje iwawe. Mbega nzoshobora hoho kugira ico mvuze+? Ijambo Imana izoshira mu kanwa kanje ni ryo nzovuga+.”

39 Balamu araheza ajana na Balaki, bashika i Kiriyati-huzoti. 40 Nuko Balaki ashikana inka n’intama+ yongera arungikira bimwe Balamu n’abaganwa bari kumwe na we. 41 Mu gitondo Balaki atora Balamu, amudugana i Bamoti-bayali+, kugira abone nya bantu bose ari ng’aho+.

23 Maze Balamu abwira Balaki ati: “Nyubakira aha hantu ibicaniro indwi+ wongere untegurire aha nyene amashūri indwi n’impfizi z’intama indwi.” 2 Balaki aca akora nk’uko Balamu avuze. Inyuma y’ivyo, Balaki na Balamu bashikana ishūri n’impfizi y’intama ku gicaniro kimwekimwe cose+. 3 Balamu abandanya kubwira Balaki ati: “Hagarara iruhande y’ishikanwa ryawe riturirwa+, hanyuma undeke ngende. Hari aho Yehova yobonana nanje, agahura nanje+. Ico ari bunyereke cose rero, simbura kukikubwira.” Nuko aja ku murambi ugaragara.

11 Nuko Balaki abwira Balamu ati: “Unkoreye ibiki? Nakuzanye ngo uvume abansi banje, none ehe wabahezagiye uherezako+.” 12 Na we arishura ati: “Mbega ico Yehova ashize mu kanwa kanje cose si co nkwiye kwitwararika kuvuga+?”

25 Nuko Balaki abwira Balamu ati: “Nimba udashoboye kumuvuma, pfuma rero ureka no kumuhezagira.” 26 Balamu na we yishura Balaki ati: “Sinakubwiye none nti: ‘Ivyo Yehova aza kumbwira vyose ni vyo nza gukora+’?”

27 Maze Balaki abwira Balamu ati: “Enda nuze, ndakwinginze, nongere ndakujane ahandi hantu! Hari aho vyoba ibibereye mu maso y’Imana y’ukuri, ku buryo utabura kumumvumira uri ng’aho+.” 28 Nuko Balaki ajana Balamu kw’isonga rya Peyori riraba i Yeshimoni+. 29 Maze Balamu+ abwira Balaki ati: “Nyubakira aha hantu ibicaniro indwi wongere untegurire aha nyene amashūri indwi n’impfizi z’intama indwi+.” 30 Balaki rero akora nk’uko Balamu avuze, ashikana ishūri n’impfizi y’intama ku gicaniro kimwekimwe cose+.

24 Balamu abonye ko vyari vyiza mu maso ya Yehova guhezagira Isirayeli, ntiyagenda, nko ku zindi ncuro+, kurondera ibimenyetso bibi na bimwe bitara ibizoba+, mugabo yerekeza mu maso hiwe mu gahinga. 2 Balamu araramuye amaso akabona Isirayeli acumbitse akurikije imiryango yiwe+, impwemu y’Imana ica iza kuri we+. 3 Maze avuga ijambo ryiwe ry’akagani+ ati:

Igihe yagwa, amaso yiwe akanuye+:

 5 Ese ukuntu amahema yawe asa neza, ewe Yakobo, amataberenakulo yawe, ewe Isirayeli+!

10 Ishavu rya Balaki rica rirurumbira Balamu, akubita amashi ku yandi+, hanyuma Balaki abandanya kubwira Balamu ati: “Naguhamagaye ngo uvume+ abansi banje, none ehe wabahezagiye uherezako izi ncuro zitatu zose. 11 Ubu rero iruka uje iwawe. Nari nibwiye yuko ntobuze kugutera iteka+, mugabo ehe Yehova atumye udaterwa iteka.”

25 Inyuma y’ivyo Balamu arahaguruka aragenda, asubira iwe+. Balaki na we nyene arigira.

25 Ico gihe Isirayeli yaba i Shitimu+. Nuko abantu batangura gushurashura n’abakobwa ba Mowabu+. 2 Abagore baza gutumira abantu ku bimazi vy’imana zabo+, maze abantu batangura kurya no kwunamira imana zabo+. 3 Gutyo Isirayeli yifatanya na Bayali y’i Peyori+; maze ishavu rya Yehova ritangura kururumbira Isirayeli+. 4 Ku bw’ivyo Yehova abwira Musa ati: “Tora abakuru bose b’abantu, ubashire ahabona imbere ya Yehova+ ku zuba, kugira ngo ishavu rirurumba rya Yehova risubire inyuma, rive kuri Isirayeli.” 5 Maze Musa abwira abacamanza ba Isirayeli+ ati: “Umwe wese muri mwebwe niyice+ abagabo b’iwabo bifatanije na Bayali y’i Peyori.”

6 Mugabo, ehe umugabo umwe+ wo muri bene Isirayeli araza, kandi yari azanye hafi ya bene wabo umugore w’Umumidiyanikazi+ mu maso ya Musa no mu maso y’ikoraniro ryose rya bene Isirayeli, mu gihe bariko baririra ku bwinjiriro bw’ihema ry’ihuriro. 7 Finehasi+ mwene Eleyazari, Eleyazari mwene Aroni umuherezi, abibonye, aca arahaguruka ava hagati mw’ikoraniro, atora icumu mu kuboko kwiwe. 8 Akurikira nya mugabo wo muri Isirayeli mw’ihema ryihese, maze abatobekeranya bompi, nya mugabo na nya mugore mu bihimba vyiwe vy’irondoka. Ikiza kibona guhagarara kiva kuri bene Isirayeli+. 9 Abishwe na nya kiza baba ibihumbi mirongo ibiri na bine+.

10 Maze Yehova abwira Musa ati: 11 “Finehasi+ mwene Eleyazari, Eleyazari mwene Aroni umuherezi, yasubije inyuma uburake bwanje+ buva kuri bene Isirayeli mu kutihanganira ubukeba na bumwe bugirwa kuri jewe hagati muri bo+, ku buryo ntatikije bene Isirayeli, kuko nsaba kwiheberwa jenyene gusa+. 12 Ku bw’ico vuga uti: ‘Ehe ndamuhaye isezerano ryanje ry’amahoro. 13 Rizomubera we n’uruvyaro rwiwe mu nyuma ziwe isezerano ry’ubuherezi gushika igihe kitagira urugero+, kuko atihanganiye ubukeba bugirwa ku Mana+ yiwe kandi agatangira impongano bene Isirayeli+.’”

14 Nya mugabo w’Umwisirayeli yishwe, akicanwa na nya Mumidiyanikazi, yitwa Zimuri mwene Salu, akaba yari umukuru+ w’inzu ya ba sekuru yo mu Basimeyoni. 15 Nayo nya mugore w’Umumidiyanikazi yishwe yitwa Kozibi umukobwa wa Zuri+; uno yari umukuru w’imiryango y’inzu ya ba sekuru muri Midiyani+.

16 Mu nyuma Yehova abwira Musa ati: 17 “Abamidiyani nibatotezwe, kandi muze mubice+, 18 kuko bariko babatoteza biciye ku bikorwa vyabo vy’urwenge+ babakoreye ku rwenge mu vy’i Peyori+ no mu vya Kozibi+ umukobwa w’umukuru wo muri Midiyani, mushiki wabo, umwe yicwa+ ku musi wa ca kiza kijanye n’ivyabereye i Peyori+.”

26 Inyuma y’ico kiza+, Yehova abandanya kubwira Musa na Eleyazari mwene Aroni umuherezi ati: 2 “Nimuharure igitigiri cose hamwe c’ikoraniro ryose rya bene Isirayeli kuva ku myaka mirongo ibiri kuduga, nk’uko inzu ya ba se iri, abaja mu ngabo muri Isirayeli bose+.” 3 Nuko Musa na Eleyazari+ umuherezi bavugana na bo mu biyaya vy’ubugaragwa vy’i Mowabu+ iruhande ya Yorodani aharabana n’i Yeriko+, bati: 4 “Nimuharure igitigiri cose hamwe cabo kuva ku myaka mirongo ibiri kuduga, nk’uko Yehova yategetse Musa+.”

Bene Isirayeli bavuye mu gihugu ca Misiri bari: 5 Rubeni, imfura ya Isirayeli+; bene Rubeni bari: Kuri Hanoki+ umuryango w’Abahanoki; kuri Palu+ umuryango w’Abapalu; 6 kuri Hezironi+ umuryango w’Abahezironi; kuri Karumi+ umuryango w’Abakarumi. 7 Iyo ni yo yari imiryango y’Abarubeni; abanditswe babo baba ibihumbi mirongo ine na bitatu n’amajana indwi na mirongo itatu+.

8 Umuhungu wa Palu yari Eliyabu. 9 Bene Eliyabu na bo bari: Nemuweli na Datani na Abiramu. Uyo Datani+ na Abiramu+ bari abagenywe b’ikoraniro bagiye mu vyo kurwanya Musa na Aroni mw’ikoraniro rya Kora+, igihe baja mu vyo kurwanya Yehova.

10 Maze isi yarasamitse akanwa irabamira+. Nayo Kora, yapfuye igihe nya koraniro ryapfa, igihe umuriro wayigiza abagabo amajana abiri na mirongo itanu+. Nuko baba ikimenyetso+. 11 Ariko bene Kora ntibapfuye+.

12 Bene Simeyoni+, hakurikijwe imiryango yabo, babaye aba: Kuri Nemuweli+ umuryango w’Abanemuweli; kuri Yamini+ umuryango w’Abayamini; kuri Yakini+ umuryango w’Abayakini; 13 kuri Zera umuryango w’Abazera; kuri Shawuli+ umuryango w’Abashawuli. 14 Iyo ni yo yari imiryango y’Abasimeyoni: bari ibihumbi mirongo ibiri na bibiri n’amajana abiri+.

15 Bene Gadi+, hakurikijwe imiryango yabo, babaye aba: Kuri Zefoni umuryango w’Abazefoni; kuri Hagi umuryango w’Abahagi; kuri Shuni umuryango w’Abashuni; 16 kuri Ozini umuryango w’Abozini; kuri Eri umuryango w’Aberi; 17 kuri Arodi umuryango w’Abarodi; kuri Areli+ umuryango w’Abareli. 18 Iyo ni yo yari imiryango ya bene Gadi, y’abanditswe babo: bari ibihumbi mirongo ine n’amajana atanu+.

19 Bene Yuda+ bari Ere+ na Onani+. Ariko Ere na Onani bapfiriye mu gihugu ca Kanani+. 20 Bene Yuda, hakurikijwe imiryango yabo, babaye aba: Kuri Shela+ umuryango w’Abashela; kuri Perezi+ umuryango w’Abaperezi; kuri Zera+ umuryango w’Abazera. 21 Bene Perezi na bo babaye aba: Kuri Hezironi+ umuryango w’Abahezironi; kuri Hamuli+ umuryango w’Abahamuli. 22 Iyo ni yo yari imiryango ya Yuda+, y’abanditswe babo: bari ibihumbi mirongo irindwi na bitandatu n’amajana atanu+.

23 Bene Isakari+, hakurikijwe imiryango yabo, babaye aba: Kuri Tola+ umuryango w’Abatola; kuri Puva umuryango w’Abapuni; 24 kuri Yashubu umuryango w’Abayashubu; kuri Shimuroni+ umuryango w’Abashimuroni. 25 Iyo ni yo yari imiryango ya Isakari, y’abanditswe babo: bari ibihumbi mirongo itandatu na bine n’amajana atatu+.

26 Bene Zebuloni+, hakurikijwe imiryango yabo, babaye aba: Kuri Seredi umuryango w’Abaseredi; kuri Eloni umuryango w’Abeloni; kuri Yahileyeli+ umuryango w’Abayahileyeli. 27 Iyo ni yo yari imiryango y’Abazebuloni, y’abanditswe babo: bari ibihumbi mirongo itandatu n’amajana atanu+.

28 Bene Yozefu+, hakurikijwe imiryango yabo, bari Manase na Efurayimu+. 29 Bene Manase+ bari: Kuri Makiri+ umuryango w’Abamakiri. Makiri na we yavyaye Gileyadi. Kuri Gileyadi+ umuryango w’Abagileyadi. 30 Aba ni bo bari bene Gileyadi: Kuri Iyezeri+ umuryango w’Abiyezeri; kuri Heleki umuryango w’Abaheleki; 31 kuri Asiriyeli umuryango w’Abasiriyeli; kuri Shekemu umuryango w’Abashekemu; 32 kuri Shemida+ umuryango w’Abashemida; kuri Heferi+ umuryango w’Abaheferi. 33 Zelofehadi mwene Heferi ntiyaronse abahungu, mugabo yaronse abakobwa+, kandi amazina ya nya bakobwa ba Zelofehadi yari Mahila, Nowa, Hogula, Milika na Tiruza+. 34 Iyo ni yo yari imiryango ya Manase; abanditswe babo bari ibihumbi mirongo itanu na bibiri n’amajana indwi+.

35 Aba ni bo bari bene Efurayimu+ hakurikijwe imiryango yabo: Kuri Shutela+ umuryango w’Abashutela; kuri Bekeri umuryango w’Ababekeri; kuri Tahani+ umuryango w’Abatahani. 36 Kandi aba ni bo bari bene Shutela: Kuri Erani umuryango w’Aberani. 37 Iyo ni yo yari imiryango ya bene Efurayimu+, y’abanditswe babo: bari ibihumbi mirongo itatu na bibiri n’amajana atanu. Abo ni bo bari bene Yozefu hakurikijwe imiryango yabo+.

38 Bene Benyamini+, hakurikijwe imiryango yabo, babaye aba: Kuri Bela+ umuryango w’Ababela; kuri Ashubeli+ umuryango w’Abashubeli; kuri Ahiramu umuryango w’Abahiramu; 39 kuri Shefufamu umuryango w’Abashufamu; kuri Hufamu+ umuryango w’Abahufamu. 40 Bene Bela na bo babaye Arudi na Namani+: Kuri Arudi umuryango w’Abarudi; kuri Namani umuryango w’Abanamani. 41 Abo ni bo bari bene Benyamini+ hakurikijwe imiryango yabo; abanditswe babo bari ibihumbi mirongo ine na bitanu n’amajana atandatu+.

42 Aba ni bo bari bene Dani+ hakurikijwe imiryango yabo: Kuri Shuhamu umuryango w’Abashuhamu. Iyo ni yo yari imiryango ya Dani+ hakurikijwe imiryango yabo. 43 Imiryango yose y’Abashuhamu, y’abanditswe babo, bari ibihumbi mirongo itandatu na bine n’amajana ane+.

44 Bene Asheri+, hakurikijwe imiryango yabo, babaye aba: Kuri Imuna+ umuryango w’Abimuna; kuri Ishivi+ umuryango w’Abishivi; kuri Beriya umuryango w’Ababeriya; 45 kuri bene Beriya: Kuri Heberi umuryango w’Abaheberi; kuri Malikiyeli+ umuryango w’Abamalikiyeli. 46 Umukobwa wa Asheri yitwa Sera+. 47 Iyo ni yo yari imiryango ya bene Asheri+, y’abanditswe babo: bari ibihumbi mirongo itanu na bitatu n’amajana ane+.

48 Bene Nafutali+, hakurikijwe imiryango yabo, babaye aba: Kuri Yahizeyeli+ umuryango w’Abayahizeyeli; kuri Guni+ umuryango w’Abaguni; 49 kuri Yezeri+ umuryango w’Abayezeri; kuri Shilemu+ umuryango w’Abashilemu. 50 Iyo ni yo yari imiryango ya Nafutali+ hakurikijwe imiryango yabo; abanditswe babo bari ibihumbi mirongo ine na bitanu n’amajana ane+.

51 Abo ni bo bari abanditswe bo muri bene Isirayeli: bari ibihumbi amajana atandatu na kimwe n’amajana indwi na mirongo itatu+.

52 Inyuma y’ivyo Yehova abwira Musa ati: 53 “Abo ni bo igihugu kizogabanganirizwa ngo kibabere intoranwa, hakurikijwe igitigiri c’amazina+. 54 Uze wongereze intoranwa ukurikije ukuntu igitigiri ari kinini, kandi uze ugabanye intoranwa ukurikije ukuntu igitigiri ari gito+. Intoranwa y’umwe wese ize itangwe hakurikijwe uko abanditswe biwe bangana. 55 Igihugu kize kigabanganywe biciye gusa ku bupfindo+. Baze baronke intoranwa hakurikijwe amazina y’imiryango ya ba se. 56 Intoranwa y’umuntu ize igabanganywe hagati ya benshi na bake hakurikijwe ingingo y’ubupfindo.”

57 Aba ni bo bari abanditswe b’Abalewi+ hakurikijwe imiryango yabo: Kuri Gerishoni+ umuryango w’Abagerishoni; kuri Kohati+ umuryango w’Abakohati; kuri Merari+ umuryango w’Abamerari. 58 Iyi ni yo yari imiryango y’Abalewi: umuryango w’Abalibuni+, umuryango w’Abaheburoni+, umuryango w’Abamahili+, umuryango w’Abamushi+, umuryango w’Aba-Kora+.

Kohati+ na we yavyaye Amuramu+. 59 Izina ry’umugore wa Amuramu ryari Yokebedi+, umukobwa wa Lewi, umugore wa Lewi akaba yamumuvyariye mu Misiri. Mu nyuma Yokebedi yavyariye Amuramu Aroni na Musa na Miriyamu mushiki wabo+. 60 Maze kuri Aroni havuka Nadabu na Abihu+, Eleyazari na Itamari+. 61 Mugabo Nadabu na Abihu barapfuye kubera bashikirije imbere ya Yehova umuriro utemewe n’amategeko+.

62 Abanditswe babo babaye ibihumbi mirongo ibiri na bitatu, ab’igitsina-gabo bose kuva ku kwezi kumwe kuduga+. Kuko batanditswe muri bene Isirayeli+, kubera yuko ata ntoranwa bohawe muri bene Isirayeli+.

63 Abo ni bo banditswe na Musa na Eleyazari umuherezi, igihe bandika bene Isirayeli mu biyaya vy’ubugaragwa vy’i Mowabu, iruhande ya Yorodani aharabana n’i Yeriko+. 64 Mugabo muri abo nta mugabo yarimwo wo mu banditswe na Musa na Aroni umuherezi igihe bandika bene Isirayeli mu gahinga ka Sinayi+. 65 Kuko Yehova yari yavuze ku biberekeye ati: “Bazopfira mu gahinga ata kabuza+.” Gutyo nta mugabo yasigaye muri bo kiretse Kalebu mwene Yefune na Yosuwa mwene Nuni+.

27 Maze abakobwa ba Zelofehadi+ mwene Heferi, Heferi wa Gileyadi, Gileyadi wa Makiri, Makiri wa Manase+, bo mu miryango ya Manase mwene Yozefu, baregera. Kandi aya ni yo yari amazina ya nya bakobwa biwe: Mahila, Nowa na Hogula na Milika na Tiruza+. 2 Nuko bahagarara imbere ya Musa n’imbere ya Eleyazari umuherezi+ n’imbere y’abakuru n’ikoraniro ryose ku bwinjiriro bw’ihema ry’ihuriro, bavuga bati: 3 “Data yapfiriye mu gahinga+, yamara ntiyari muri rya koraniro, muri bamwe baja hamwe ngo barwanye Yehova mw’ikoraniro rya Kora+, mugabo yapfuye ku bw’igicumuro ciwe bwite+; kandi nta bahungu yaronse. 4 Kubera iki izina rya data ryokurwa hagati mu muryango wiwe ngo ni uko ataronse umuhungu+? Enda nuduhe itongo twigabira hagati muri bene wabo na data+.” 5 Nuko Musa ashikiriza ikibazo cabo imbere ya Yehova+.

6 Maze Yehova abwira Musa ati: 7 “Abakobwa ba Zelofehadi bavuga vyo. Ubwirizwa kubaha intoranwa bigabira hagati ya bene wabo na se, kandi uze ubahe intoranwa ya se+. 8 Ubwire bene Isirayeli uti: ‘Nihagira umugabo apfa ataronse umuhungu, muze muhe umukobwa wiwe intoranwa yiwe. 9 Niyaba adafise umukobwa, muze muhe bene wabo intoranwa yiwe. 10 Niyaba adafise bene wabo, muze muhe intoranwa yiwe bene wabo na se. 11 Se wiwe niyaba adafise bene wabo, muze muhe intoranwa yiwe incuti yiwe y’amaraso+ ya hafi kuruta izindi yo mu muryango wiwe, uno aheze ayigarurire. Ivyo bize bibere bene Isirayeli icagezwe hakurikijwe ingingo y’ubutungane, nk’uko Yehova yategetse Musa.’”

12 Mu nyuma Yehova abwira Musa ati: “Duga kuri uyu musozi wa Abarimu+, uheze ubone igihugu nzoha bene Isirayeli+. 13 Niwamara kukibona, uzoheza uhamvye ab’iwanyu+, egome, wewe, nk’uko Aroni mwene wanyu yabahambije+, 14 kuko mwagararije itegeko ryanje mu gahinga ka Zini, igihe ca kwa gutongana kw’ikoraniro+, ntimwanyeza+ kuri ya mazi mu maso yabo. Ayo ni ya mazi y’i Meriba+ i Kadeshi+ mu gahinga ka Zini+.”

15 Maze Musa abwira Yehova ati: 16 “Yehova Imana y’impwemu+ z’ubwoko bwose bw’ikiri n’umubiri+ nagene umugabo+ azogaba ikoraniro 17 azosohoka imbere yabo akongera akinjira imbere yabo, azobasohora akongera akabinjiza+, kugira ngo ikoraniro rya Yehova ntiribe nk’intama zitagira umwungere+.” 18 Nuko Yehova abwira Musa ati: “Niwitorere Yosuwa mwene Nuni, umugabo arimwo impwemu+, maze umurambikeko ikiganza cawe+; 19 uze umuhagarike imbere ya Eleyazari umuherezi n’imbere y’ikoraniro ryose, maze umushinge igikorwa mu maso yabo+. 20 Uze umuheko kw’iteka ryawe+, kugira ngo ikoraniro ryose rya bene Isirayeli rimwumvirize+. 21 Imbere ya Eleyazari umuherezi ni ho azohagarara, maze uno amusigurize+ biciye ku rubanza rwa Urimu*+, imbere ya Yehova. Kw’itegeko ryiwe bazosohoka, kw’itegeko ryiwe binjire, we na bene Isirayeli bose bari kumwe na we, n’ikoraniro ryose.”

22 Nuko Musa akora nk’uko Yehova yari yamutegetse. Atora rero Yosuwa, amuhagarika imbere ya Eleyazari+ umuherezi n’imbere y’ikoraniro ryose, 23 amurambikako ibiganza hanyuma amushinga igikorwa+, nk’uko Yehova yari yavuze biciye kuri Musa+.

28 Yehova yongera kubwira Musa ati: 2 “Tegeka bene Isirayeli, uti: ‘Muze mwitwararike kunshikiriza ishikanwa ryanje, umukate+ wanje, ku bw’amashikanwa yanje ashikanishwa umuriro bwa kamoto karuhura kuri jewe+, ku bihe vyayo vyashinzwe+.’

3 “Uze ubabwire uti: ‘Iri ni ryo shikanwa rishikanishwa umuriro muzoshikiriza Yehova: imyagazi y’intama y’amasuguru itagira akanenge ibiri ku musi, bwa shikanwa riturirwa ryama rishikanwa+. 4 Umwagazi w’intama w’isuguru umwe uzowuhereza mu gitondo, uwundi na wo uwuhereze hagati ya ya migoroba ibiri+, 5 umwe wose uri kumwe n’ic’icumi c’ingero ya efa*+ c’ifu inoze bwa shikanwa ry’intete+ ribombekeshejwe ica kane ca hini* y’amavuta asekuye+; 6 iryo ni rya shikanwa riturirwa ry’ubudasiba+, nk’uko vyashikirijwe ku musozi Sinayi, bwa kamoto karuhura, ishikanwa rishikanishwa umuriro rihabwa Yehova+, 7 rikazoba riri kumwe n’ishikanwa ry’ikinyobwa ryaryo+, ni ukuvuga ica kane ca hini ku mwagazi w’intama w’isuguru umwumwe wose+. Usuke ahantu heranda ishikanwa ry’ikinyobwa ry’inzoga iboreza+ rihabwa Yehova. 8 Hanyuma uzohereza wa mwagazi w’intama w’isuguru wundi hagati ya ya migoroba ibiri. Uzowuhereza bwa shikanwa rishikanishwa umuriro, ry’akamoto karuhura kuri Yehova, uri kumwe n’ishikanwa ry’intete nk’iryo mu gitondo, uri kumwe kandi na rya shikanwa ry’ikinyobwa nyene ryawo+.

9 “‘Ariko ku musi w’isabato+ hazotangwa imyagazi y’intama y’amasuguru ibiri itagira agahonzi, imaze umwaka, n’ingero z’ivy’icumi zibiri z’ifu inoze bwa shikanwa ry’intete ribombekeshejwe amavuta, kumwe n’ishikanwa ryaryo ry’ikinyobwa, 10 bwa shikanwa riturirwa ry’isabato ritangwa uko isabato yaryo ishitse, hamwe n’ishikanwa riturirwa ry’ubudasiba+ n’ishikanwa ryaryo ry’ikinyobwa+.

11 “‘Mu ntango z’amezi yanyu muzoshikiriza bwa shikanwa riturirwa rihabwa Yehova ibimasa bibiri n’impfizi y’intama imwe, imyagazi y’intama y’amasuguru indwi itagira akanenge, umwe wose umaze umwaka+, 12 n’ingero z’ivy’icumi zitatu z’ifu inoze ngo ibe ishikanwa ry’intete+ ribombekeshejwe amavuta ku bw’ishūri imwimwe yose, n’ingero z’ivy’icumi zibiri z’ifu inoze bwa shikanwa ry’intete ribombekeshejwe amavuta ku bwa nya mpfizi y’intama imwe+, 13 n’ingero y’ic’icumi y’ifu inoze itangwa bwa shikanwa ry’intete ribombekeshejwe amavuta ku bw’umwagazi w’intama w’isuguru umwumwe wose, bwa shikanwa riturirwa, akamoto karuhura+, ishikanwa rishikanishwa umuriro rihabwa Yehova. 14 Amashikanwa y’ikinyobwa yayo na yo azoba: ica kabiri+ ca hini y’umuvinyu ku bw’ishūri n’ica gatatu+ ca hini ku bw’impfizi y’intama n’ica kane+ ca hini ku bw’umwagazi w’intama w’isuguru. Iryo ni ryo shikanwa riturirwa buri kwezi, mu kwezi kwaryo, mu mezi yose y’umwaka+. 15 Hazoherezwa kandi umwagazi umwe+ w’impene bwa shikanwa ry’igicumuro rihabwa Yehova ryiyongera kw’ishikanwa riturirwa ry’ubudasiba ritanganwa n’ishikanwa ryaryo ry’ikinyobwa+.

16 “‘Kandi mu kwezi kwa mbere, ku musi ugira cumi na kane w’ukwo kwezi, hazoba ari pasika ya Yehova+. 17 Hanyuma umusi ugira cumi na gatanu w’ukwo kwezi uzoba ari umusi mukuru. Mu misi indwi hazoribwa udutsima tutarimwo umwambiro+. 18 Ku musi wa mbere hazoba ihwaniro ryeranda+. Ntihaze hagire ubwoko na bumwe bw’igikorwa kiruhisha mukora+. 19 Muze mushikirize ibi bwa shikanwa rishikanishwa umuriro, ishikanwa riturirwa+ rihabwa Yehova: ibimasa bibiri n’impfizi y’intama imwe n’imyagazi y’intama y’amasuguru indwi, umwe wose umaze umwaka+. Bize bibe ivyo mubona ko bitagira akanenge+. 20 Kandi bwa mashikanwa y’intete+ yavyo y’ifu inoze ibombekeshejwe amavuta, muzohereza ingero z’ivy’icumi zitatu ku bw’ishūri n’ingero z’ivy’icumi zibiri+ ku bwa nya mpfizi y’intama. 21 Uzohereza ingero y’ic’icumi+ ku bw’umwagazi w’intama w’isuguru umwumwe wose muri nya myagazi y’intama y’amasuguru indwi; 22 n’impene imwe y’ishikanwa ry’igicumuro kugira mutangirwe impongano+. 23 Muzohereza ivyo, muvyongeye kw’ishikanwa riturirwa ryo mu gitondo, iritangwa ngo ribe ishikanwa riturirwa+ ry’ubudasiba+. 24 Muzohereza nk’ivyo nyene ku musi ku musi muri iyo misi indwi, bibe umukate+, ishikanwa rishikanishwa umuriro, ry’akamoto karuhura kuri Yehova+. Rizoherezanwa n’ishikanwa riturirwa ry’ubudasiba, be n’ishikanwa ryaryo ry’ikinyobwa. 25 Ku musi ugira indwi na ho muzogira ihwaniro ryeranda+. Ntihaze hagire ubwoko na bumwe bw’igikorwa kiruhisha mukora+.

26 “‘Kandi ku musi w’ivyamwa vya mbere vyeze+, igihe muzoshikiriza Yehova ishikanwa ry’intete rishasha, ku musi mukuru wanyu w’amayinga+, muzogira ihwaniro ryeranda. Ntihaze hagire ubwoko na bumwe bw’igikorwa kiruhisha mukora+. 27 Muze mushikirize ibi bwa shikanwa riturirwa riba akamoto karuhura kuri Yehova: ibimasa bibiri, impfizi y’intama imwe, imyagazi y’intama y’amasuguru indwi, umwe wose umaze umwaka+; 28 ishikanwa ry’intete ryavyo ry’ifu inoze ibombekeshejwe amavuta na ryo rizoba ingero z’ivy’icumi zitatu ku bw’ishūri imwe yose, ingero z’ivy’icumi zibiri+ ku bwa nya mpfizi y’intama imwe, 29 ingero y’ic’icumi+ ku bw’umwagazi w’intama w’isuguru umwumwe wose muri nya myagazi y’intama y’amasuguru indwi; 30 n’umwagazi w’impene umwe kugira mutangirwe impongano+. 31 Muzobihereza muvyongeye kw’ishikanwa riturirwa ry’ubudasiba n’ishikanwa ryaryo ry’intete+. Bize bibe ivyo mubona ko bitagira akanenge+, kumwe n’amashikanwa y’ikinyobwa yavyo+.

29 “‘Mu kwezi kugira indwi, ku musi wa mbere w’ukwo kwezi, muzogira ihwaniro ryeranda+. Ntihaze hagire ubwoko na bumwe bw’igikorwa kiruhisha mukora+. Uzobabera umusi w’ijwi ry’urumbete+. 2 Muze muhereze ibi bwa shikanwa riturirwa riba akamoto karuhura kuri Yehova: ikimasa kimwe, impfizi y’intama imwe, imyagazi y’intama y’amasuguru indwi umwe wose umaze umwaka, bibe ibitagira akanenge+; 3 n’ishikanwa ryavyo ry’intete ry’ifu inoze ibombekeshejwe amavuta, ingero z’ivy’icumi zitatu ku bwa nya kimasa, ingero z’ivy’icumi zibiri ku bwa nya mpfizi y’intama+, 4 n’ingero y’ic’icumi imwe ku bw’umwagazi w’intama w’isuguru umwumwe wose muri nya myagazi y’intama y’amasuguru indwi+; 5 n’umwagazi w’impene w’isuguru umwe bwa shikanwa ry’igicumuro kugira mutangirwe impongano+; 6 muvyongere kw’ishikanwa riturirwa+ rya buri kwezi n’ishikanwa ryaryo ry’intete+ n’ishikanwa riturirwa ry’ubudasiba+ n’ishikanwa ryaryo ry’intete+, kumwe n’amashikanwa yavyo y’ikinyobwa+, hisunzwe ukuntu bisanzwe bigirwa kuri yo, bwa kamoto karuhura, ishikanwa rishikanishwa umuriro rihabwa Yehova+.

7 “‘Hanyuma ku musi ugira cumi w’ukwo kwezi kw’indwi, muzogira ihwaniro ryeranda+, kandi muze mwibabaze+. Ntihaze hagire ubwoko na bumwe bw’igikorwa mukora+. 8 Muze mushikirize ibi bwa shikanwa riturirwa rihabwa Yehova, bwa kamoto karuhura: ikimasa kimwe, impfizi y’intama imwe, imyagazi y’intama y’amasuguru indwi, umwe wose umaze umwaka+. Bize bibe ivyo mubona ko bitagira akanenge+. 9 Kandi bwa shikanwa ry’intete ryavyo ry’ifu inoze ibombekeshejwe amavuta, muzoshikiriza ingero z’ivy’icumi zitatu ku bwa nya kimasa, ingero z’ivy’icumi zibiri ku bwa nya mpfizi y’intama imwe+, 10 ingero y’ic’icumi ku bw’umwagazi w’intama w’isuguru umwumwe wose muri nya myagazi y’intama y’amasuguru indwi+; 11 umwagazi umwe w’impene bwa shikanwa ry’igicumuro, bibe ivyiyongereye kw’ishikanwa ry’igicumuro ry’impongano+ no kw’ishikanwa riturirwa ry’ubudasiba be no kw’ishikanwa ryaryo ry’intete, kumwe n’amashikanwa yavyo y’ikinyobwa+.

12 “‘Hanyuma ku musi ugira cumi na gatanu wa nya kwezi kugira indwi+ muzogira ihwaniro ryeranda+. Ntihaze hagire ubwoko na bumwe bw’igikorwa kiruhisha mukora+, kandi muze muhimbarize Yehova umusi mukuru imisi indwi+. 13 Muze mushikirize ibi bwa shikanwa riturirwa+, ishikanwa rishikanishwa umuriro, ry’akamoto karuhura kuri Yehova: ibimasa cumi na bitatu, impfizi z’intama zibiri, imyagazi y’intama y’amasuguru cumi n’ine, umwe wose umaze umwaka. Bize bibe ibitagira akanenge+. 14 Kandi bwa shikanwa ry’intete ryavyo ry’ifu inoze ibombekeshejwe amavuta, muzoshikiriza ingero z’ivy’icumi zitatu ku bw’ikimasa kimwe cose muri nya bimasa cumi na bitatu, ingero z’ivy’icumi zibiri ku bw’impfizi y’intama imwimwe yose muri nya mpfizi z’intama zibiri+, 15 n’ingero y’ic’icumi ku bw’umwagazi w’intama w’isuguru umwumwe wose muri nya myagazi y’intama y’amasuguru cumi n’ine+; 16 n’umwagazi w’impene umwe bwa shikanwa ry’igicumuro, bibe ivyiyongereye kw’ishikanwa riturirwa ry’ubudasiba no kw’ishikanwa ryaryo ry’intete be no kw’ishikanwa ryaryo ry’ikinyobwa+.

17 “‘Hanyuma ku musi ugira kabiri muzoshikiriza ibimasa cumi na bibiri, impfizi z’intama zibiri, imyagazi y’intama y’amasuguru cumi n’ine, umwe wose umaze umwaka, bibe ibitagira akanenge+; 18 n’ishikanwa ryavyo ry’intete+ n’amashikanwa yavyo y’ikinyobwa+, ku bwa nya bimasa, nya mpfizi z’intama na nya myagazi y’intama y’amasuguru, hakurikijwe igitigiri cavyo, hisunzwe ukuntu bisanzwe bigirwa+; 19 n’umwagazi w’impene umwe bwa shikanwa ry’igicumuro+, bibe ivyiyongereye kw’ishikanwa riturirwa ry’ubudasiba no kw’ishikanwa ryaryo ry’intete, kumwe n’amashikanwa yayo y’ikinyobwa+.

20 “‘Hanyuma ku musi ugira gatatu muzoshikiriza amashūri cumi n’imwe, impfizi z’intama zibiri, imyagazi y’intama y’amasuguru cumi n’ine, umwe wose umaze umwaka, bibe ibitagira akanenge+; 21 n’ishikanwa ry’intete ryavyo+ n’amashikanwa yavyo y’ikinyobwa+, ku bwa nya mashūri, nya mpfizi z’intama na nya myagazi y’intama y’amasuguru, hakurikijwe igitigiri cavyo, hisunzwe ukuntu bisanzwe bigirwa; 22 n’impene imwe bwa shikanwa ry’igicumuro+, bibe ivyiyongereye kw’ishikanwa riturirwa ry’ubudasiba no kw’ishikanwa ryaryo ry’intete be no kw’ishikanwa ryaryo ry’ikinyobwa.

23 “‘Hanyuma ku musi ugira kane muzoshikiriza amashūri cumi, impfizi z’intama zibiri, imyagazi y’intama y’amasuguru cumi n’ine umwe wose umaze umwaka, bibe ibitagira akanenge+; 24 ishikanwa ry’intete ryavyo+ n’amashikanwa y’ikinyobwa yavyo+, ku bwa nya mashūri, nya mpfizi z’intama na nya myagazi y’intama y’amasuguru, hakurikijwe igitigiri cavyo, hisunzwe ukuntu bisanzwe bigirwa+; 25 n’umwagazi w’impene umwe bwa shikanwa ry’igicumuro+, bibe ivyiyongereye kw’ishikanwa riturirwa ry’ubudasiba+ no kw’ishikanwa ryaryo ry’intete be no kw’ishikanwa ryaryo ry’ikinyobwa+.

26 “‘Hanyuma ku musi ugira gatanu muzoshikiriza amashūri icenda, impfizi z’intama zibiri, imyagazi y’intama y’amasuguru cumi n’ine, umwe wose umaze umwaka, bibe ibitagira akanenge+; 27 n’ishikanwa ry’intete ryavyo+ n’amashikanwa y’ikinyobwa yavyo+ ku bwa nya mashūri, nya mpfizi z’intama na nya myagazi y’intama y’amasuguru, hakurikijwe igitigiri cavyo, hisunzwe ukuntu bisanzwe bigirwa+; 28 n’impene imwe bwa shikanwa ry’igicumuro+, bibe ivyiyongereye kw’ishikanwa riturirwa ry’ubudasiba no kw’ishikanwa ry’intete ryaryo be no kw’ishikanwa ry’ikinyobwa ryaryo+.

29 “‘Hanyuma ku musi ugira gatandatu muzoshikiriza amashūri umunani, impfizi z’intama zibiri, imyagazi y’intama y’amasuguru cumi n’ine, umwe wose umaze umwaka, bibe ibitagira akanenge+; 30 n’ishikanwa ry’intete ryavyo+ n’amashikanwa y’ikinyobwa yavyo+, ku bwa nya mashūri, nya mpfizi z’intama na nya myagazi y’intama y’amasuguru, hakurikijwe igitigiri cavyo, hisunzwe ukuntu bisanzwe bigirwa+; 31 n’impene imwe bwa shikanwa ry’igicumuro+, bibe ivyiyongereye kw’ishikanwa riturirwa ry’ubudasiba no kw’ishikanwa ryaryo ry’intete be no ku mashikanwa yaryo y’ikinyobwa+.

32 “‘Hanyuma ku musi ugira indwi muzoshikiriza amashūri indwi, impfizi z’intama zibiri, imyagazi y’intama y’amasuguru cumi n’ine, umwe wose umaze umwaka, bibe ibitagira akanenge+; 33 n’ishikanwa ryavyo ry’intete+ n’amashikanwa yavyo y’ikinyobwa+, ku bwa nya mashūri, nya mpfizi z’intama na nya myagazi y’intama y’amasuguru, hakurikijwe igitigiri cavyo, hisunzwe ukuntu bisanzwe bigirwa kuri vyo+; 34 n’impene imwe bwa shikanwa ry’igicumuro+, bibe ivyiyongereye kw’ishikanwa riturirwa ry’ubudasiba no kw’ishikanwa ryaryo ry’intete be no kw’ishikanwa ryaryo ry’ikinyobwa+.

35 “‘Hanyuma ku musi ugira umunani muzogira ikoraniro ry’agakūra+. Ntihaze hagire ubwoko na bumwe bw’igikorwa kiruhisha mukora+. 36 Muze mushikirize ibi bwa shikanwa riturirwa, ishikanwa rishikanishwa umuriro, ry’akamoto karuhura kuri Yehova: ishūri imwe, impfizi y’intama imwe, imyagazi y’intama y’amasuguru indwi, umwe wose umaze umwaka, bibe ibitagira akanenge+; 37 n’ishikanwa ryavyo ry’intete+ n’amashikanwa yavyo y’ikinyobwa+, ku bwa nya shūri, nya mpfizi y’intama na nya myagazi y’intama y’amasuguru, hakurikijwe igitigiri cavyo, hisunzwe ukuntu bisanzwe bigirwa+; 38 n’impene imwe bwa shikanwa ry’igicumuro+, bibe ivyiyongereye kw’ishikanwa riturirwa ry’ubudasiba no kw’ishikanwa ryaryo ry’intete be no kw’ishikanwa ryaryo ry’ikinyobwa+.

39 “‘Ivyo muzobihereza Yehova ku misi mikuru yanyu y’ibiringo+, bibe ivyiyongereye ku mashikanwa yanyu y’indagano+ no ku mashikanwa yanyu atangwa ku bushake+, bwa mashikanwa yanyu aturirwa+ n’amashikanwa yanyu y’intete+ n’amashikanwa yanyu y’ikinyobwa+ n’ibimazi vyanyu vy’ugusangira+.’” 40 Nuko Musa abwira bene Isirayeli yisunze ivyo Yehova yari yategetse Musa vyose+.

30 Maze Musa abwira abakuru+ b’imiryango ya bene Isirayeli ati: “Iri ni ryo jambo Yehova ategetse: 2 Mu gihe umugabo agize indagano+ kuri Yehova canke arahiye indahiro+ kugira yibohereko indagano y’ukwiyima+, ntaze arenge kw’ijambo ryiwe+. Nk’uko ivyasohotse mu kanwa kiwe vyose biri ni ko azokora+.

3 “Mu gihe umukobwa agize indagano kuri Yehova+ canke yibohesheje koko indagano y’ukwiyima mu nzu ya se mu buto bwiwe, 4 hanyuma se wiwe akumva vy’ukuri indagano yiwe canke indagano yiwe y’ukwiyima yiboheyeko maze se wiwe agacereza ku bimwerekeye, indagano ziwe zose rero zizomugumako, kandi indagano y’ukwiyima+ yose yaboheye ku buzima bwiwe izogumaho. 5 Mugabo nimba se wiwe yamubujije ku musi yumviyeko indagano ziwe zose canke indagano ziwe z’ukwiyima yiboheyeko, ntizizogumaho, mugabo Yehova azomubabarira, kuko se wiwe yamubujije+.

6 “Ariko aramutse yabiriwe, kandi indagano yiwe ikaba iri kuri we+ canke umuhango w’iminwa yiwe utaranga ukwiyumvira yiboheyeko, 7 maze umugabo wiwe akavyumva vy’ukuri hanyuma agacereza ku bimwerekeye ku musi avyumviyeko, indagano ziwe rero zizogumaho, canke indagano ziwe z’ukwiyima yiboheyeko zizogumaho+. 8 Ariko nimba umugabo wiwe ku musi avyumviyeko amubujije+, azoba rero akuyeho indagano yari kuri we canke umuhango w’iminwa yiwe utaranga ukwiyumvira yiboheyeko, kandi Yehova azomubabarira+.

9 “Ku vy’indagano y’umupfakazi canke y’umugore yahukanye, ikintu cose yiboheyeko kizoguma kimuboshe.

10 “Ariko nimba mu nzu y’umugabo wiwe ari ho yaraganiye canke yiboheyeko indagano y’ukwiyima+ biciye ku ndahiro, 11 maze umugabo wiwe akaba yavyumvise hanyuma akaba yacereje ku bimwerekeye, ntazoba yamubujije; indagano ziwe zose zizogumaho, canke indagano y’ukwiyima iyo ari yo yose yiboheyeko izogumaho. 12 Ariko nimba umugabo wiwe yazikuyeho buhere ku musi yumviyeko ijambo iryo ari ryo ryose iminwa yiwe yavuze bwa ndagano ziwe canke bwa ndagano yiwe y’ukwiyima, ntizizogumaho+. Umugabo wiwe azoba yazikuyeho, kandi Yehova azomubabarira+. 13 Indagano iyo ari yo yose canke indahiro iyo ari yo yose y’indagano y’ukwiyima ku bwo kwibabaza+, umugabo wiwe ni we akwiye kuyishinga canke kuyishingura. 14 Ariko nimba umugabo wiwe acereje rwose ku bimwerekeye ku musi ku musi, nya mugore azoba rero yashinze indagano ziwe zose canke indagano ziwe zose z’ukwiyima zizoba ziri kuri we+. Azoba yazishinze, kuko yacereje ku bimwerekeye ku musi yazumviyeko. 15 Nimba na ho azikuyeho buhere amaze kuzumva, azoba rero yikoreye ikosa rya nya mugore+.

16 “Izo ni zo ngingo nyobozi Yehova yategetse Musa hagati y’umugabo n’umugore wiwe+, hagati y’umukobwa na se mu buto bwa nya mukobwa mu nzu ya se+.”

31 Maze Yehova abwira Musa ati: 2 “Nuhōre+ bene Isirayeli ku Bamidiyani+. Mu nyuma uzohamvya ab’iwanyu+.”

3 Nuko Musa abwira abantu ati: “Nimuronse ibikenewe abagabo bo muri mwebwe ku bw’ingabo, kugira bakore igikorwa co kurwanya Midiyani ngo bashitse uguhōra kwa Yehova kuri Midiyani+. 4 Muzorungika mu ngabo abagabo igihumbi bo mu muryango umwumwe wose wo mu miryango ya Isirayeli.” 5 Nuko rero mu bihumbi+ vya Isirayeli hagenwa abagabo igihumbi kuri buri muryango, baba ibihumbi cumi na bibiri bafise ibikenewe ku bw’ingabo+.

6 Maze Musa arabarungika mu ngabo, abagabo igihumbi ku muryango umwumwe wose, abarungika mu ngabo bo na Finehasi+ mwene Eleyazari umuherezi, kandi ibikoresho vyeranda be n’inzumbete+ zo kuvuza utwamo tw’intambara vyari mu kuboko kwiwe. 7 Barwana intambara na Midiyani, nk’uko Yehova yari yategetse Musa, bica ab’igitsina-gabo bose+. 8 Bica abami ba Midiyani kumwe n’abandi bagandaguwe, ari bo Evi na Rekemu na Zuri na Huru na Reba, abami batanu ba Midiyani+; bicisha inkota kandi Balamu+ mwene Beyori. 9 Mugabo bene Isirayeli batwara abagore ba Midiyani n’abana babo batoyi ari imbohe+; kandi basahura ibikoko vy’ibitungano vyabo vyose n’ibitungwa vyabo vyose n’ivyababeshaho vyose. 10 Ibisagara vyabo vyose bari baragerereyemwo n’amakambi azitijwe impome yabo yose babituriza umuriro+. 11 Hanyuma batwara isahu+ ryose n’iminyago yose y’abantu n’ibikoko vy’ibitungano. 12 Nuko bazanira Musa na Eleyazari umuherezi n’ikoraniro rya bene Isirayeli imbohe n’iminyago n’isahu, kw’ikambi, mu biyaya vy’ubugaragwa vy’i Mowabu+, ibiri iruhande ya Yorodani aharabana n’i Yeriko.

13 Maze Musa na Eleyazari umuherezi n’abakuru bose b’ikoraniro basohoka kubasanganira inyuma y’ikambi. 14 Nuko Musa arākarira abagabo bagenywe bo mu nteko zo kurwana+, abakuru b’ibihumbi n’abakuru b’amajana bari bavuye kugaba igitero ca gisirikare. 15 Musa ababwira rero ati: “Mbega ntimwishe ab’igitsina-gore bose+? 16 Ehe raba ni bo bakoreshejwe, biciye kw’ijambo rya Balamu, kugira boshe bene Isirayeli gukora ivy’ubuhemu+ kuri Yehova ku bijanye n’ivyabereye i Peyori+, ku buryo ikiza caje kw’ikoraniro rya Yehova+. 17 Ubu rero nimwice ab’igitsina-gabo bose mu bana batoyi, mwice n’umugore wese yaryamanye n’umugabo+. 18 Mugabo ntimwice abigeme batoyi batarigera baryamana n’umugabo+. 19 Namwe muze mucumbike inyuma y’ikambi imisi indwi. Abishe umuntu+ bose n’abakoze ku muntu yagandaguwe+ bose, muze mwityorore+ ku musi ugira gatatu no ku musi ugira indwi, mwe n’imbohe zanyu. 20 Impuzu yose, n’ikintu c’urushato cose, n’ikintu cose gikozwe mu bwoya bw’impene, n’ikintu cose co mu giti, muze mubityorore igicumuro+.”

21 Maze Eleyazari umuherezi abwira abagabo bo mu ngabo bari bagiye ku rugamba ati: “Iki ni co cagezwe c’itegeko Yehova yageze Musa: 22 ‘Inzahabu, n’ifeza, n’umujumpu, n’icuma, n’ubutare bw’ibati, n’icuma c’isǎsu vyonyene, 23 ikintu cose gihingurishwa umuriro+, muze mugicishe mu muriro, kibone kuba ikidahumanye. Ariko kize gityorozwe amazi y’ihumanura+. Kandi ikintu cose kidahingurishwa umuriro muze mugicishe mu mazi+. 24 Muze mumese impuzu zanyu ku musi ugira indwi mubone kuba abadahumanye; inyuma y’aho murashobora kuza mw’ikambi+.’”

25 Nuko Yehova abwira Musa ati: 26 “Harura igitigiri cose hamwe c’iminyago, imbohe z’abantu n’iz’ibikoko vy’ibitungano, wewe na Eleyazari umuherezi n’abakuru ba ba se b’ikoraniro. 27 Uze ugaburemwo kubiri iminyago, uyigaburire abagize uruhara mu ndwano basohotse kugaba igitero n’abasigaye bose b’ikoraniro+. 28 Kandi bwa kori+ rigenewe Yehova muze mutore ku barwanyi basohotse kugaba igitero, egome, mutore kimwekimwe ku majana atanu, haba mu bantu, mu busho, mu ndogobwa no mu mukuku. 29 Muze muritore ku ca kabiri kibegukira maze murihe Eleyazari umuherezi bwa ntererano ya Yehova+. 30 Kandi ku ca kabiri cegukira bene Isirayeli uze utore kimwekimwe kuri mirongo itanu, haba mu bantu, mu busho, mu ndogobwa no mu mukuku, mu bwoko bwose bw’igikoko c’igitungano, maze ubihe Abalewi+, abashitsa igikorwa bajejwe c’itaberenakulo ya Yehova+.”

31 Nuko Musa na Eleyazari umuherezi bakora nk’uko Yehova yari yategetse Musa. 32 Iminyago, ni ukuvuga ivyari bisigaye kw’isahu abantu bagiye kugaba igitero bari batwaye bwa sahu, iba ibihumbi amajana atandatu na mirongo irindwi na bitanu vyo mu mukuku, 33 n’ibihumbi mirongo irindwi na bibiri vyo mu busho, 34 n’indogobwa ibihumbi mirongo itandatu na kimwe. 35 Abo+ mu bagore batari bwaryamane n’umugabo+ na bo, bose baba ibihumbi mirongo itatu na bibiri. 36 Kandi ica kabiri cari kigize umuturi w’abagiye kugaba igitero, igitigiri caco cari ibitungwa ibihumbi amajana atatu na mirongo itatu n’indwi n’amajana atanu vyo mu mukuku. 37 Ikori+ rigenewe Yehova ryo mu mukuku rishika ku bitungwa amajana atandatu na mirongo irindwi na bitanu. 38 Ku busho na ho hari ibitungwa ibihumbi mirongo itatu na bitandatu, ikori ryo kuri vyo rigenewe Yehova na ryo riba mirongo irindwi na bibiri. 39 Indogobwa na zo zari ibihumbi mirongo itatu n’amajana atanu, kandi ikori ryo kuri zo rigenewe Yehova ryari mirongo itandatu n’imwe. 40 Abantu na bo bari ibihumbi cumi na bitandatu, kandi ikori ryo kuri bo rigenewe Yehova ryari abantu mirongo itatu na babiri. 41 Maze Musa aha Eleyazari umuherezi+ nya kori bwa ntererano ya Yehova, nk’uko Yehova yari yategetse Musa+.

42 Ica kabiri cegukira bene Isirayeli na co, ico Musa yatandukanije n’icegukira abagabo barwanye intambara, cari kimeze uku: 43 Ica kabiri cegukira ikoraniro co ku mukuku cashika ku bihumbi amajana atatu na mirongo itatu n’indwi n’amajana atanu, 44 ico ku busho na co, ibihumbi mirongo itatu na bitandatu, 45 indogobwa na zo, ibihumbi mirongo itatu n’amajana atanu, 46 abantu na bo, ibihumbi cumi na bitandatu. 47 Maze Musa afata ku ca kabiri cegukira bene Isirayeli, icabwirizwa gutorwa kuri mirongo itanu, haba mu bantu no mu bikoko vy’ibitungano, abiha Abalewi+, abashitsa igikorwa bajejwe+ c’itaberenakulo ya Yehova, nk’uko Yehova yari yategetse Musa.

48 Nuko abagabo bagenywe bo mu bihumbi vy’ingabo+, abakuru b’ibihumbi n’abakuru b’amajana+, begera Musa, 49 bamubwira bati: “Abasavyi bawe baharūye igitigiri cose hamwe c’abarwanyi tujejwe kandi nta n’umwe muri twebwe vyavuzwe ko abuze+. 50 Reka rero dushikirize umwe wese bwa shikanwa rya Yehova ico yaronse+: ibintu vy’inzahabu, inyerere zo ku maguru, n’ibikomo, n’impeta z’ikidodo+, n’amahereni, n’udusharizo tw’abagore+, kugira dutangirwe impongano imbere ya Yehova.”

51 Nuko rero Musa na Eleyazari umuherezi babakirira nya nzahabu+, udusharizo tw’agaciro twose. 52 Nuko inzahabu zose z’intererano baterereye bazihaye Yehova zishika kuri shekeli ibihumbi cumi na bitandatu n’amajana indwi na mirongo itanu, zivuye ku bakuru b’ibihumbi n’abakuru b’amajana. 53 Umwe wese mu bagabo bo mu ngabo yari yaratwaye isahu yiwe+. 54 Nuko Musa na Eleyazari umuherezi bakira inzahabu zivuye ku bakuru b’ibihumbi n’ab’amajana, bazizana mw’ihema ry’ihuriro kugira bibere icibutso+ bene Isirayeli imbere ya Yehova.

32 Kandi bene Rubeni+ na bene Gadi+ bari bararonse ibitungwa vyinshi, emwe, vyinshi cane. Nuko babona igihugu ca Yazeri+ n’igihugu ca Gileyadi, kandi ehe aho hantu hari ahantu habereye ibitungwa. 2 Ku bw’ivyo bene Gadi na bene Rubeni baraza babwira Musa na Eleyazari umuherezi n’abakuru b’ikoraniro bati: 3 “Ataroti+ na Diboni+ na Yazeri na Nimura+ na Heshiboni+ na Eleyale+ na Sebamu na Nebo+ na Beyoni+, 4 igihugu Yehova yatsindiye+ imbere y’ikoraniro rya Isirayeli, ni igihugu kibereye ibitungwa, kandi abasavyi bawe barafise ibitungwa+.” 5 Babandanya kuvuga bati: “Nimba twagize ubutoni mu maso yawe, iki gihugu nigihabwe abasavyi bawe bacigabire. Ntutujabukane Yorodani+.”

6 Nuko Musa abwira bene Gadi na bene Rubeni ati: “Mbega bene wanyu bazogenda mu ntambara namwe mugume muba ng’aha+? 7 Kubera iki mwovuna umutima bene Isirayeli ngo ntibajabuke mu gihugu Yehova azobaha ata gukeka? 8 Ukwo ni ko ba so bakoze+ igihe nabatuma kuraba nya gihugu bavuye i Kadeshi-baruneya+. 9 Igihe baduga bakaja mu mwonga wa Eshikoli+ maze bakabona nya gihugu, baravunye umutima bene Isirayeli, kugira ngo ntibinjire mu gihugu Yehova yari agiye kubaha ata gukeka+. 10 Ku bw’ivyo ishavu rya Yehova ryararurumvye kuri uwo musi ku buryo yarahiye+ ati: 11 ‘Abagabo baduze bavuye mu Misiri, kuva ku myaka mirongo ibiri kuduga+, ntibazobona ubutaka narahiye Aburahamu na Izahaki na Yakobo+, kuko batankurikiye n’umutima wose, 12 kiretse Kalebu+ mwene Yefune Umukenizi na Yosuwa+ mwene Nuni, kuko bakurikiye Yehova n’umutima wose.’ 13 Nuko ishavu rya Yehova rirurumbira Isirayeli, atuma bayerera mu gahinga imyaka mirongo ine+, gushika iyaruka ryose ryakora ikibi mu maso ya Yehova riherengeteye+. 14 None ehe mugiye mu kibanza ca ba so muri umugwi w’abagabo b’abacumuzi kugira murushirize kwongereza ishavu rirurumba Yehova+ afitiye Isirayeli. 15 Mu gihe mwosubira inyuma mukareka kumukurikira+, na we rero ntiyobura gusubira kubareka bakamara ikindi gihe mu gahinga+, kandi mwoba mukwegeye aba bantu bose guhona+.”

16 Mu nyuma baramwegera, bavuga bati: “Tureke twubake ng’aha ingo z’ibitungwa zubakishijwe amabuye ku bw’umukuku wacu, n’ibisagara ku bw’abana bacu batoyi. 17 Mugabo twebwe ubwacu tuzogenda dufise ibikenewe nk’abatonze urugamba+ imbere ya Isirayeli gushika tubashikanye ahantu habo, mu gihe abana bacu batoyi bazoba baba mu bisagara bizitijwe ibihome, kure yo mu maso h’ababa mu gihugu. 18 Ntituzogaruka ku mazu yacu bene Isirayeli batarironsa amatongo abegukira, umwe wese atarironsa intoranwa yiwe bwite+. 19 Kuko tutazoronka intoranwa kumwe na bo hakurya ya Yorodani kubandanya, kuko intoranwa yacu twayironse hakuno ya Yorodani i burasirazuba+.”

20 Nuko Musa avuga ati: “Nimwagira iki kintu: nimwironsa ibikenewe imbere ya Yehova ku bw’intambara+, 21 kandi uwufise ibikenewe wese wo muri mwebwe akajabuka vy’ukuri Yorodani imbere ya Yehova, gushika yirukanye abansi biwe bakava imbere yiwe+, 22 kandi igihugu kikaganzwa vy’ukuri imbere ya Yehova+, maze mu nyuma mukagaruka+, muzoba rero mwerekanye koko yuko ata caha kibagira imbere ya Yehova n’imbere ya Isirayeli; kandi iki gihugu kizocika icanyu, kibe ico mwigabira imbere ya Yehova+. 23 Mugabo nimutagira gutyo, muzoba rero mucumuye kuri Yehova+. Muri ico gihe, mumenye yuko igicumuro canyu kizobahamvya+. 24 Nimwiyubakire ibisagara ku bw’abana banyu batoyi n’ingo z’ibitungwa zubakishijwe amabuye ku bw’imikuku yanyu, kandi icavuye mu kanwa kanyu muze mugikore+.”

25 Nuko bene Gadi na bene Rubeni babwira Musa bati: “Abasavyi bawe bazokora nk’uko umukama wanje ategetse+. 26 Abana bacu batoyi, abagore bacu, ibitungwa vyacu n’ibikoko vy’ibitungano vyacu vyose bizoguma hariya mu bisagara vya Gileyadi+, 27 mugabo abasavyi bawe bazojabuka imbere ya Yehova turwane intambara, umuntu wese afise ibikenewe ku bw’ingabo+, nk’uko umukama wanje avuze.”

28 Nuko rero ku biberekeye Musa aha itegeko Eleyazari umuherezi na Yosuwa mwene Nuni n’abakuru ba ba se b’imiryango ya bene Isirayeli. 29 Musa ababwira rero ati: “Bene Gadi na bene Rubeni nibajabukana namwe Yorodani imbere ya Yehova, umuntu wese afise ibikenewe ku bw’intambara+, kandi igihugu kikaganzwa vy’ukuri imbere yanyu, muze rero mubahe igihugu ca Gileyadi kibe ico bigabira+. 30 Mugabo nibatajabukana namwe bafise ibikenewe, baze rero bagerere hagati muri mwebwe mu gihugu ca Kanani+.”

31 Bene Gadi na bene Rubeni baca bishura bati: “Uko Yehova yabwiye abasavyi bawe ni ko tuzokora+. 32 Twebwe ubwacu tuzojabuka imbere ya Yehova dufise ibikenewe, tuje mu gihugu ca Kanani+, kandi intoranwa yacu twigabira tuzoba tuyifise hakuno ya Yorodani+.” 33 Nuko bene Gadi+ na bene Rubeni+ n’igice c’umuryango wa Manase+ mwene Yozefu, Musa abaha ubwami bwa Sihoni+ umwami w’Abamori n’ubwami bwa Ogi+ umwami wa Bashani, ni ukuvuga igihugu cegukira ibisagara vyaco mu turere, n’ibisagara vya nya gihugu vyari irya n’ino.

34 Nuko bene Gadi bubaka Diboni+ na Ataroti+ na Aroweri+, 35 na Atiroti-shofani na Yazeri+ na Yogibeha+, 36 na Beti-nimura+ na Beti-harani+, ibisagara bizitijwe ibihome+, n’ingo z’ibitungwa zubakishijwe amabuye+. 37 Kandi bene Rubeni bubaka Heshiboni+ na Eleyale+ na Kiriyatayimu+, 38 na Nebo+ na Bayali-meyoni+​—⁠amazina yavyo akaba yarahinduwe⁠—​na Sibuma; maze ivyo bisagara bubatse bavyita amazina yabo bwite.

39 Nuko bene Makiri+ mwene Manase baja i Gileyadi barahafata, birukana Abamori bariyo. 40 I Gileyadi, Musa ahaha rero Makiri mwene Manase, na we atangura kubayo+. 41 Yayiri mwene Manase na we aragenda, afata ibigwati vyabo vy’amahema, maze avyita Havoti-yayiri+. 42 Noba na we aragenda, afata Kenati+ n’ibisagara bihakukira; maze ahita Noba, izina ryiwe bwite.

33 Izi ni zo ngendo bene Isirayeli bagize bavuye mu gihugu ca Misiri+, bakurikije ingabo+ zabo, barongowe na Musa na Aroni+. 2 Musa yaguma yandika ahantu bagenda bavuye, hakurikijwe ingendo zabo, kw’itegeko rya Yehova; kandi izi ni zo ngendo bagize bava hamwe baja ahandi+: 3 Batangura kugenda bavuye i Ramesesi+ mu kwezi kwa mbere, ku musi ugira cumi na gatanu w’ukwo kwezi kwa mbere+. Ku musi nyene ukurikira pasika+, bene Isirayeli barasohoka ukuboko gutaritse*, mu maso y’Abanyamisiri bose+. 4 Ico gihe Abanyamisiri bariko bahamba abo Yehova yari yishe muri bo, ni ukuvuga imfura zose+; kandi Yehova yari yashikije imanza+ ku mana zabo.

5 Nuko bene Isirayeli baragenda bavuye i Ramesesi+ baraheza bakambika i Sukoti+. 6 Hanyuma baragenda bavuye i Sukoti baraheza bakambika i Etamu+ ku mubari w’agahinga. 7 Ubukurikira baragenda bavuye i Etamu baraheza bahindukira bagana i Pihahiroti+, aharabana n’i Bayali-zefoni+; hanyuma bakambika imbere y’i Migidoli+. 8 Inyuma y’aho baragenda bavuye i Pihahiroti, baca hagati mu kiyaga+ berekeje mu gahinga+, babandanya kugenda urugendo rw’imisi itatu mu gahinga ka Etamu+ maze bakambika i Mara+.

9 Hanyuma baragenda bavuye i Mara baraheza bashika i Elimu+. Aho i Elimu hari imbizi z’amazi cumi na zibiri n’ibigazi mirongo irindwi. Nuko bakambika ng’aho. 10 Ubukurikira baragenda bavuye i Elimu baraheza bakambika iruhande y’ikiyaga Gitukura. 11 Inyuma y’aho baragenda bavuye ku kiyaga Gitukura baraheza bakambika mu gahinga ka Sini+. 12 Hanyuma baragenda bavuye mu gahinga ka Sini baraheza bakambika i Dofuka. 13 Mu nyuma baragenda bavuye i Dofuka baraheza bakambika i Alushi. 14 Ubukurikira bagenda bavuye i Alushi baraheza bakambika i Refidimu+. Kandi ng’aho nta mazi yari ahari abantu bonywa. 15 Inyuma y’aho baragenda bavuye i Refidimu baraheza bakambika mu gahinga ka Sinayi+.

16 Mu nyuma baragenda bavuye mu gahinga ka Sinayi baraheza bakambika i Kiburoti-hatayava+. 17 Hanyuma baragenda bavuye i Kiburoti-hatayava baraheza bakambika i Hazeroti+. 18 Inyuma y’aho baragenda bavuye i Hazeroti baraheza bakambika i Ritima. 19 Ubukurikira baragenda bavuye i Ritima baraheza bakambika i Rimoni-perezi. 20 Hanyuma baragenda bavuye i Rimoni-perezi baraheza bakambika i Libuna. 21 Mu nyuma baragenda bavuye i Libuna baraheza bakambika i Risa. 22 Ubukurikira baragenda bavuye i Risa baraheza bakambika i Kehelata. 23 Hanyuma baragenda bavuye i Kehelata baraheza bakambika ku musozi Sheferi.

24 Inyuma y’aho baragenda bavuye ku musozi Sheferi baraheza bakambika+ i Harada. 25 Hanyuma baragenda bavuye i Harada baraheza bakambika i Makeloti. 26 Ubukurikira baragenda+ bavuye i Makeloti baraheza bakambika i Tahati. 27 Inyuma y’aho baragenda bavuye i Tahati baraheza bakambika i Tera. 28 Hanyuma baragenda bavuye i Tera baraheza bakambika i Mitika. 29 Mu nyuma baragenda bavuye i Mitika baraheza bakambika i Hashimona. 30 Ubukurikira baragenda bavuye i Hashimona baraheza bakambika i Moseroti. 31 Hanyuma baragenda bavuye i Moseroti baraheza bakambika i Bene-yakani+. 32 Inyuma y’aho baragenda bavuye i Bene-yakani baraheza bakambika i Horo-hagidigadi. 33 Ubukurikira baragenda bavuye i Horo-hagidigadi baraheza bakambika i Yotibata+. 34 Mu nyuma baragenda bavuye i Yotibata baraheza bakambika i Aburona. 35 Hanyuma baragenda bavuye i Aburona baraheza bakambika i Eziyoni-geberi+. 36 Inyuma y’aho baragenda bavuye i Eziyoni-geberi baraheza bakambika mu gahinga ka Zini+, ni ukuvuga Kadeshi.

37 Mu nyuma baragenda bavuye i Kadeshi baraheza bakambika ku musozi Horo+, ku mupaka w’igihugu ca Edomu. 38 Nuko Aroni umuherezi aduga umusozi Horo kw’itegeko rya Yehova araheza apfirayo, mu mwaka ugira mirongo ine bene Isirayeli bavuye mu gihugu ca Misiri, mu kwezi kugira gatanu, ku wa mbere w’ukwo kwezi+. 39 Aroni yari afise imyaka ijana na mirongo ibiri n’itatu igihe yapfira ku musozi Horo.

40 Kandi Umunyakanani, umwami wa Aradi+, uwaba muri Negebu+ mu gihugu ca Kanani, yumva ivy’ukuza kwa bene Isirayeli.

41 Mu nyuma baragenda bavuye ku musozi Horo+ baraheza bakambika i Zalumona. 42 Inyuma y’aho baragenda bavuye i Zalumona baraheza bakambika i Punoni. 43 Ubukurikira baragenda bavuye i Punoni baraheza bakambika i Oboti+. 44 Hanyuma baragenda bavuye i Oboti baraheza bakambika i Iye-abarimu ku mupaka wa Mowabu+. 45 Mu nyuma baragenda bavuye i Iyimu baraheza bakambika i Diboni-gadi+. 46 Inyuma y’aho baragenda bavuye i Diboni-gadi baraheza bakambika i Alumoni-dibulatayimu. 47 Hanyuma baragenda bavuye i Alumoni-dibulatayimu+ baraheza bakambika mu misozi ya Abarimu+ imbere ya Nebo+. 48 Amaherezo baragenda bavuye mu misozi ya Abarimu baraheza bakambika mu biyaya vy’ubugaragwa vy’i Mowabu+ iruhande ya Yorodani aharabana n’i Yeriko. 49 Nuko babandanya gukambika iruhande ya Yorodani kuva i Beti-yeshimoti+ gushika i Abeli-shitimu+ mu biyaya vy’ubugaragwa vy’i Mowabu.

50 Nuko Yehova abwira Musa mu biyaya vy’ubugaragwa vy’i Mowabu iruhande ya Yorodani aharabana n’i Yeriko+ ati: 51 “Vugana na bene Isirayeli, ubabwire uti: ‘Mugira mujabuke Yorodani mwinjire mu gihugu ca Kanani+. 52 Muze mwirukane ababa muri ico gihugu bose bave imbere yanyu mwongere mumenagure ibishusho vy’amabuye+ vyabo vyose; ibishusho vyabo vyose vyo mu cuma gishongeshejwe+ muze mubirandure; kandi ibibanza bikirurutse vyeranda vyabo vyose muze mubizimanganye+. 53 Muze mwigarurire ico gihugu mukibemwo, kuko nzokibaha ata gukeka ngo mucigarurire+. 54 Muze mwigabanganirize ico gihugu biciye ku bupfindo+ nk’uko imiryango yanyu iri+. Ku muryango munini, muze mwongereze intoranwa yawo, kuri muto na wo muze mugabanye intoranwa yawo+. Iyo ubupfindo buzosohoka bwerekana ku bwawo, ni ho hazoba ahawo+. Muze mwironse amatongo abegukira mukurikije imiryango ya ba so+.

55 “‘Ariko nimutirukana ababa muri ico gihugu ngo bave imbere yanyu+, abo muzosigaza muri bo ntibazobura kubabera nk’ibintu bibazibura mu maso, bababere kandi nk’amahwa mu mbavu; emwe, bazobatoteza mu gihugu muzoba mubayemwo+. 56 Kandi uko nari niyumviriye kugirira abo, ni ko nzoca ngirira mwebwe+.’”

34 Yehova yongera kubwira Musa ati: 2 “Tegeka bene Isirayeli uti: ‘Mugiye mu gihugu ca Kanani+. Ico ni co gihugu kizobegukira bwa ntoranwa+, igihugu ca Kanani nk’uko imbibe zaco ziri+.

3 “‘Uruhande rwanyu rwo mu bumanuko ruze ruhere ku gahinga ka Zini rugende rubangikanye na Edomu+, urubibe rwanyu rwo mu bumanuko na rwo ruze ruhere ku mpera y’ikiyaga c’Umunyu+ mu buseruko. 4 Hanyuma urubibe rwanyu ruze rukevye ruvuye mu bumanuko bw’umudugo wa Akurabimu+ maze rujabuke ruja i Zini, kandi ruze rugarukire mu bumanuko bwa Kadeshi-baruneya+; ruzoheza rusohoke rwerekeza i Hazari-adari+ maze ruce i Azimoni. 5 Hanyuma urwo rubibe ruze rukevye i Azimoni ruja ku mwonga wa Misiri+, rugarukire kuri ca Kiyaga+.

6 “‘Urubibe rwo mu burengero+ na rwo ruze rubabere Ikiyaga Kinini be n’inkengera. Urwo ni rwo ruzoba urubibe rwanyu rwo mu burengero.

7 “‘Kandi uru ni rwo ruzoba urubibe rwanyu rwo mu buraruko: Guhera ku Kiyaga Kinini muzoca umurongo gushika ku musozi Horo+, rube rwo rubibe rwanyu. 8 Kuva ku musozi Horo muzoca urubibe mwerekeza ku bwinjiriro bwa Hamati+; nya rubibe ruze rugarukire i Zedadi+. 9 Hanyuma urwo rubibe ruze rusohoke rwerekeza i Zifuroni, rugarukire i Hazari-enani+. Urwo ni rwo ruzoba urubibe rwanyu rwo mu buraruko.

10 “‘Maze muze mwicire umurongo, rube rwo rubibe rwanyu rwo mu buseruko, guhera i Hazari-enani gushika i Shefamu. 11 Hanyuma urwo rubibe ruze rumanuke ruvuye i Shefamu rushike i Ribula mu buseruko bwa Ayini; nya mupaka uze umanuke, urume ku mumanuko w’ikiyaga ca Kinereti+ uherereye mu buseruko. 12 Hanyuma nya mupaka uze umanuke kuri Yorodani, ugarukire ku kiyaga c’Umunyu+. Ico ni co kizoba igihugu canyu+ nk’uko imbibe zaco zigikikuje ziri.’”

13 Musa ategeka rero bene Isirayeli ati: “Ico ni co gihugu muzokwigabanganiriza biciye ku bupfindo+ ngo mucigabire, nk’uko Yehova yategetse ko gihabwa imiryango icenda n’igice+. 14 Kuko umuryango w’abahungu b’Abarubeni nk’uko inzu ya ba se iri be n’umuryango w’abahungu b’Abagadi nk’uko inzu ya ba se iri yamaze kuronka, n’igice c’umuryango wa Manase kikaba caramaze kuronka intoranwa yaco+. 15 Iyo miryango ibiri n’igice yaramaze kuronka intoranwa guhera mu karere ka Yorodani iruhande ya Yeriko werekeza mu buseruko, amaja i burasirazuba+.”

16 Yehova yongera kubwira Musa ati: 17 “Aya ni yo mazina y’abagabo bazobagaburira igihugu ngo mucigabire: Eleyazari+ umuherezi na Yosuwa mwene Nuni+. 18 Muze mutore umukuru umwe mu muryango umwumwe wose ku bwo kugabura igihugu ngo mucigabire+. 19 Aya ni yo mazina y’abo bagabo: Ku muryango wa Yuda+: Kalebu mwene Yefune+; 20 ku muryango wa bene Simeyoni+: Shemuweli mwene Amihudi; 21 ku muryango wa Benyamini+: Elidadi mwene Kisiloni; 22 ku muryango wa bene Dani+: umukuru umwe, ari we Buki mwene Yogili; 23 kuri bene Yozefu+, ku muryango wa bene Manase+: umukuru umwe, ari we Haniyeli mwene Efodi; 24 ku muryango wa bene Efurayimu+: umukuru umwe, ari we Kemuweli mwene Shifutani; 25 ku muryango wa bene Zebuloni+: umukuru umwe, ari we Elizafani mwene Paranaki; 26 ku muryango wa bene Isakari+: umukuru umwe, ari we Palitiyeli mwene Azani; 27 ku muryango wa bene Asheri+: umukuru umwe, ari we Ahihudi mwene Shelomi; 28 ku muryango wa bene Nafutali+: umukuru umwe, ari we Pedaheli mwene Amihudi.” 29 Abo ni bo Yehova yategetse ngo bagabanganirize amatongo bene Isirayeli mu gihugu ca Kanani+.

35 Yehova abandanya kubwira Musa mu biyaya vy’ubugaragwa vy’i Mowabu, iruhande ya Yorodani+ aharabana n’i Yeriko, ati: 2 “Tegeka bene Isirayeli baze bahe Abalewi ibisagara+ vyo kubamwo ku ntoranwa bigabira, kandi baze bahe Abalewi itongo ry’uburagiriro ry’ivyo bisagara riri irya n’ino yavyo+. 3 Nya bisagara bize bibabere aho kuba, amatongo y’uburagiriro yabo na yo abe ay’ibitungwa vyabo, n’ibintu vyabo n’ay’ibikoko vyabo. 4 Amatongo y’uburagiriro ya nya bisagara muzoha Abalewi azohera ku ruhome rw’igisagara agende aja hirya yarwo ahangana n’amatambwe* igihumbi irya n’ino yaco. 5 Muze mugere hanze y’igisagara ku ruhande rwo mu buseruko amatambwe ibihumbi bibiri y’amakika, ku ruhande rwo mu bumanuko amatambwe ibihumbi bibiri, ku ruhande rwo mu burengero amatambwe ibihumbi bibiri no ku ruhande rwo mu buraruko amatambwe ibihumbi bibiri, igisagara kikazoba kiri hagati. Aho hazobera Abalewi amatongo y’uburagiriro ya nya bisagara.

6 “Ibi ni vyo bisagara muzoha Abalewi: ibisagara vy’ubuhungiro+ bitandatu, ivyo muzotanga kugira ngo uwishe umuntu ahungireyo+, kandi uretse ivyo, muzotanga n’ibindi bisagara mirongo ine na bibiri. 7 Ibisagara vyose muzoha Abalewi bizoba mirongo ine n’umunani, nya bisagara hamwe n’amatongo y’uburagiriro yavyo+. 8 Ibisagara muzotanga bizova ku karere bene Isirayeli bigabira+. Kuri benshi muzotora vyinshi, kuri bake na ho mutore bike+. Umuryango umwumwe wose, bivanye n’uko intoranwa yawo uzokwigabira ingana, uzoha Abalewi bimwe mu bisagara vyawo.”

9 Yehova yongera kubwira Musa ati: 10 “Vugana na bene Isirayeli, ubabwire uti: ‘Mugira mujabuke Yorodani muje mu gihugu ca Kanani+. 11 Muze mwitorere ibisagara bibereye. Bizobabera ibisagara vy’ubuhungiro; ni ho uwishe umuntu atabishaka azohungira+. 12 Ivyo bisagara bize bibabere aho guhungira umuhōzi w’amaraso+, kugira ngo uwishe umuntu ntapfe atarahagarara imbere y’ikoraniro ngo acirwe urubanza+. 13 Ibisagara muzotanga, vya bisagara bitandatu vy’ubuhungiro, muzovyikorako. 14 Ibisagara bitatu muzobitanga hakuno ya Yorodani+, bitatu na vyo mubitange mu gihugu ca Kanani+. Bizoba ibisagara vy’ubuhungiro. 15 Ivyo bisagara bitandatu bizobera ubuhungiro bene Isirayeli na ba kavamahanga+ be n’inyambukira ziri hagati muri bo, kugira ngo uwo wese yishe umuntu atabishaka ahungireyo+.

16 “‘Nimba igikoresho c’icuma ari co yamukubitishije agapfa, azoba ari umwicanyi+. Nya mwicanyi ntaze abure kwicwa+. 17 Nimba ibuye ritoyi ryoshobora gutuma apfa ari ryo yamukubitishije agapfa, azoba ari umwicanyi. Nya mwicanyi ntaze abure kwicwa. 18 Nimba igikoresho gitoyi c’igiti coshobora gutuma apfa ari co yamukubitishije agapfa, azoba ari umwicanyi. Nya mwicanyi ntaze abure kwicwa.

19 “‘Umuhōzi+ w’amaraso ni we azokwica nya mwicanyi. Niyamwubukako, ubwiwe azomwica. 20 Nimba yamusunitse+ abitumwe n’urwanko canke nimba igihe yari amubundiye+ yamuteye ikintu kugira ngo apfe, 21 canke akaba yamukubitishije ukuboko kugira ngo apfe, abitumwe n’inyankane, nyene gukubita uwundi ntaze abure kwicwa. Ni umwicanyi. Umuhōzi w’amaraso azokwica nya mwicanyi niyamwubukako+.

22 “‘Mugabo nimba yamusunitse giturumbuka, bitavuye ku nyankane, canke akaba yamuteye ikintu ico ari co cose atari yamubundiye+, 23 canke ari ibuye yamuteye ryoshobora kumwica atari yamubonye, canke akarimukororerako agapfa, kandi ata rwanko bari bafitaniye, ntabe yanamuronderera inabi, 24 ikoraniro rero rize rice urubanza hagati ya nyene gukubita uwundi n’umuhōzi w’amaraso ryisunze izo ngingo+. 25 Kandi ikoraniro+ rize rirokore uwo nyene kwica umuntu mu kuboko kw’umuhōzi w’amaraso, rimusubize mu gisagara ciwe c’ubuhungiro yari yahungiyemwo, maze aze akibemwo gushika umuherezi mukuru yarobanujwe amavuta meranda+ apfuye.

26 “‘Mugabo uwo nyene kwica umuntu aramutse koko arenze urubibe rw’igisagara ciwe c’ubuhungiro azoba yahungiyemwo, 27 maze umuhōzi+ w’amaraso akamusanga koko inyuma y’urubibe rw’igisagara ciwe c’ubuhungiro, akamwica, ntazokwagirwa n’amaraso. 28 Kuko yabwirizwa kuba mu gisagara ciwe c’ubuhungiro gushika umuherezi mukuru apfuye+; umuherezi mukuru amaze gupfa, uwo nyene kwica umuntu arashobora gusubira mw’itongo yigabira. 29 Ivyo bize bibabere icagezwe c’ivy’uguca imanza mu mayaruka yanyu yose aho muzoba hose.

30 “‘Uwo wese akubise umuntu agapfa aze yicwe nk’umwicanyi+, bivuye ku ntahe ishinzwe* n’ivyabona+, mugabo icabona kimwe ntigishobora kwagiriza umuntu ngo yicwe. 31 Ntimuze mwakire incungu yo gucungura umwicanyi akwiriye gupfa+, kuko akwiye kwicwa ata kabuza+. 32 Ntimuze mwakire incungu y’uwahungiye mu gisagara ciwe c’ubuhungiro, ngo asubire kuba mu gihugu umuherezi mukuru atarapfa.

33 “‘Kandi ntimuze muhumanye igihugu murimwo; kuko amaraso ari yo ahumanya igihugu+, kandi igihugu ntigishobora gutangirwa impongano y’amaraso yavishijwe muri co, kiretse biciye ku maraso y’uwayavishije+. 34 Ntuze uhumanye igihugu mubayemwo, ico nanje mbayemwo hagati; kuko jewe Yehova mba hagati muri bene Isirayeli+.’”

36 Abakuru ba ba se b’umuryango wa bene Gileyadi mwene Makiri+, Makiri wa Manase, wo mu miryango ya bene Yozefu, begera hafi maze bavugira imbere ya Musa n’abakuru, abakuru ba ba se ba bene Isirayeli, 2 bati: “Yehova yategetse umukama wanje guha bene Isirayeli igihugu bwa ntoranwa biciye ku bupfindo+; kandi umukama wanje yategetswe na Yehova guha intoranwa ya Zelofehadi mwene wacu abakobwa biwe+. 3 Nihagira abo mu bahungu bo mu yindi miryango ya bene Isirayeli bababīra, intoranwa ya nya bagore izokurwa rero ku ntoranwa ya ba data yongerwe ku ntoranwa y’umuryango bazoba begukiye, ku buryo yoba ikuwe ku ntoranwa+ twaronse biciye ku bupfindo. 4 Maze nihaba Yubile+ ku bwa bene Isirayeli, intoranwa ya nya bagore izokwongerwa rero ku ntoranwa y’umuryango bazoba begukiye; ku buryo intoranwa yabo yoba ikuwe ku ntoranwa y’umuryango wa ba data.”

5 Musa ategeka rero bene Isirayeli abitegetswe na Yehova ati: “Umuryango wa bene Yozefu uvuga vyo. 6 Iri ni ryo jambo Yehova ategetse ku bijanye n’abakobwa ba Zelofehadi+, ati: ‘Bashobora kwabirwa n’uwo babona ko abereye mu maso yabo. Gusa baze babirwe mu nzu yo mu muryango wa ba se+. 7 Ntihaze hagire intoranwa ya bene Isirayeli iva mu muryango ngo ije mu wundi, kuko bene Isirayeli bakwiye kwumira umwe wese ku ntoranwa y’umuryango wa ba sekuruza. 8 Umukobwa wese aronse intoranwa mu miryango ya bene Isirayeli, aze yabirwe n’uwo mu nzu yo mu muryango wa se+, kugira ngo bene Isirayeli baronke umwe wese intoranwa ya ba sekuruza. 9 Ntihaze hagire intoranwa iva mu muryango umwe ngo ije mu wundi, kuko imiryango ya bene Isirayeli ikwiye kwumira umwe wose ku ntoranwa yawo bwite.’”

10 Abakobwa ba Zelofehadi bakora nk’uko Yehova yari yategetse Musa+. 11 Mahila na Tiruza na Hogula na Milika na Nowa, abakobwa ba Zelofehadi+, babirwa rero n’abahungu ba bene wabo na ba se. 12 Babirwa n’abo mu miryango ya bene Manase mwene Yozefu, kugira ngo intoranwa yabo igume mu muryango w’inzu ya se.

13 Ayo ni yo mabwirizwa+ n’ingingo z’ubutungane Yehova yategetse bene Isirayeli biciye kuri Musa, mu biyaya vy’ubugaragwa vy’i Mowabu, iruhande ya Yorodani aharabana n’i Yeriko+.