Ururirimbo rwa 6

Menyekanisha ya nkuru nziza itazoshira

(Ivyahishuriwe 14:6-8)

1. Mu kirer’umumarayik’anyaruka,

Avug’inkuru nziza mu kuguruka.

Ati: ‘Shim’umw’ari ku ntebe mw’ijuru.

Senga Yehova wenyene ni mukuru.

Hageze kw’ac’urubanza ruboneka,

Ejobund’ababi bos’azobereka’.

Abamamaz’Ubwami bo ntibatinye;

Vug’ices’inkuru bose bayimenye.

2. Har’uwundi mumarayik’amenyesha

Ico twebw’Ivyabona twoja kwigisha.

Ati: ‘Babiloni yatemvye kabaye’,

Vuba izohona ata gisigaye.

Yehova rer’adusaba ko twovuga

K’ukwihora kwiw’ababi bokwitega.

Dufis’indimiro niniya ntangere,

Arik’umumarayik’atuj’imbere.

3. Yezu n’abamarayika baratonze;

Vub’azoc’imanza nk’uko yabishinze.

Rek’ikibi, kor’iciza mwe bizerwa.

Tiny’Imana yonyene mutananirwa.

Ico dutegekwa n’Umukama wacu

Ni kwa kwigish’Ijambo ry’Imana yacu.

Muze tuvugan’umutima rugabo.

Basenge Yehova mu buzima bwabo.