Ururirimbo rwa 69

Kuyobokera Imana tubumbwa n’ivyo dufise

(1 Timoteyo 6:6)

1. Kubumbwa n’ivy’ufise,

Ni co dusabwa twese;

Tuvyiteho, aho ni ho

Twokund’Imana rwose.

Tuhakur’inyungu nyinshi,

Bikaturind’ububeshi.

Buri musi tuve hasi

Tugir’umwete mwinshi.

2. Reka tubumbwe gusa

N’ivy’Iman’ituronsa.

Sab’Imana, ntihemana

Kand’uyisenge yo nsa.

Iraduha impanuro

Ngo turonk’ubukiriro.

Gir’urweze ko twiteze

Kw’ihabw’icubahiro.

3. Ntitwobura gushima,

Nta mugisha itwima.

Iwuduha tuyubaha,

Iki gihe ca nyuma.

Yobok’ukuri itanga

Ata n’ikintu wikanga.

Nubumbwe se n’ivy’ufise

Kand’ubandany’usenga.