Urutonde rw’Amakoraniro y’Umurimo

Indwi Itangura ku wa 13 Rusama

Ururirimbo rwa 15 (127)

Imin. 15: Amatangazo y’iwanyu. Amatangazo arobanuwe mu yo mu Gikorwa Dukorera Ubwami. Mukoresheje inama ziri ku rupapuro rw’8, nimugire imyerekano ibiri itandukanye y’ukuntu umuntu yoshikiriza Umunara w’Inderetsi wo ku 15 Ndamukiza (mu Gifaransa) be na Réveillez-vous! yo ku wa 22 Ndamukiza. Muri umwe wose, nimwerekane uburyo butandukanye bw’ukuntu twovyifatamwo umuntu yishuye amajambo ahagarika ikiyago ngo: “Nta mwanya mfise.”—Raba agatabu Uburyo bwo Gutanguza no Kubandanya Ibiyago Bishingiye Kuri Bibiliya, urupapuro rwa 11-12.

Imin. 15: “Ukuremeshanya Kudasanzwe.” Insiguro. Nutume baha agaciro ukwitaba ihwaniro ry’intara. Nuhimirize bose kuba ari ho bari ku kiringo kimwekimwe cose, kuva ku wa Gatanu mu gitondo gushika ku w’Iyinga ku muhingamo.

Imin. 15: “[Ni]mwame Mukurikira Iciza.”a Nushimike ku vy’uko bikenewe gukurikiza indinganizo z’ivy’uburaro zashizweho ku bw’ineza yacu. Nushimike ku vyibukijwe mu ngingo ya 2. Nusigure igituma kwigenza neza ahantu hose ari ntahara.

Ururirimbo rwa 23 (200) n’isengesho ryo gusozera.

Indwi Itangura ku wa 20 Rusama

Ururirimbo rwa 1 (13)

Imin. 15: Amatangazo y’iwanyu. Raporo y’ivy’amakonte. Nimwihweze Inyishu ku Bibazo Vyanyu.

Imin. 12: “Niwironse mu Buryo Bukwiye Ivyo Ukeneye mu vy’Impwemu.” Insiguro be n’uguhana ijambo n’abumviriza. Nimwihweze igituma twese dukwiye gutega yompi cane kuri porogarama y’ihwaniro. Nushimike ku vy’uko bikenewe gushira mu ngiro ivyo twize atari ukuvyumva gusa. Nuremeshe bose bagire utwo bandika. Nusabe hagire abatanga insasanuro nkeyi ku vyerekeye ivyiza bakuye kuri porogarama y’umwaka uheze.

Imin. 18: “Urupfasoni mu Nyambaro no mu Buryo bwo Kwitunganya.”b Gishikirizwe n’umukurambere, bamaze kuganira ku ngingo imwimwe yose azoheza ayisome. Nufashe bose gutahura igituma bihambaye kwiyubara ku vyerekeye ukuntu ubwacu tuboneka imbere y’abantu.

Ururirimbo rw’7 (51) n’isengesho ryo gusozera.

Indwi Itangura ku wa 27 Rusama

Ururirimbo rwa 17 (187)

Imin. 12: Amatangazo y’iwanyu. Niwibutse abamamaji gutanga raporo z’umurimo wo mu ndimiro z’ukwezi kwa Rusama. Mukoresheje inama ziri ku rupapuro w’8, nimugire umwerekano ugirwa n’umwamamaji akuze yerekane ingene umuntu yoshikiriza Umunara w’Inderetsi wo ku wa 1 Rusama hanyuma umwamamaji akiri muto yerekane ingene umuntu yoshikiriza Réveillez-vous! yo ku wa 8 Rusama. Uko umwerekano wose uheze, nugire ico uvuze ku kuntu icanditswe gishobora gushirwamwo bitagoranye mu gushikiriza ivyo binyamakuru.

Imin. 15: “Ishengero Ryanyu Ryoba Rifise Icibare Kinini?” Insiguro be n’uguhana ijambo n’abumviriza ishikirizwa n’umucungezi w’umurimo. (Amashengero afise ivyibare bigereranye arashobora kwihweza ikiganiro kiri mu Gikorwa Dukorera Ubwami co muri Ruheshi 1999, kivuga ngo: “Nukoreshe Neza Umwanya Wawe.”) Niwerekane ukuntu icibare c’ishengero kingana be n’ahahetuwe mu mwaka uheze. Nusigure ukuntu inama zatanzwe zishobora gukoreshwa iwanyu. Nimwihweze ibiriko birategekanywa gukorwa kugira ngo muheture ubu bwa vuba ivyibare bidakunda gukorwa.

Imin. 18: “Woba Uriko Urakoresha Agatabu Ni Ibiki Imana Idusaba? mu Gutanguza Inyigisho?” (Bose bakwiye kuba bafise inyongera y’Igikorwa Dukorera Ubwami co muri Nzero 2002 ku bw’iki kiganiro.) Tanguza ikiganiro n’umwamamaji yiteguye neza yerekane ingene umuntu atanguza inyigisho, akoresheje akarorero kari mu ngingo ya 3. Inyuma y’aho, nuvuge ivyiyumviro bikurubikuru vy’ako gatabu, wongere usigure ingene kagenewe neza na neza gutanguza inyigisho. Niwerekane akamaro ko gusubiramwo uburyo bwo gushikiriza inkuru nziza twagiriwe inama mu nyongera y’Igikorwa Dukorera Ubwami co muri Nzero 2002. Nubaze abumviriza inama babona ko zibagendera neza. Nimusozere musubiramwo wa mwerekano wavuzwe aho haruguru.

Ururirimbo rwa 20 (93) n’isengesho ryo gusozera.

Indwi Itangura ku wa 3 Ruheshi

Ururirimbo rw’9 (37)

Imin. 15: Amatangazo y’iwanyu. Nimutunganye ivy’uko abamamaji bigana imihezagiro baronse mu kugira uruhara mu gikorwa c’ubutsimvyi bwo gufasha canke busanzwe muri Ntwarante, Ndamukiza canke muri Rusama. Udukuru twa Gitewokarasi.

Imin. 15: Nuganire n’abumviriza amajambo yohava ahagarika ikiyago avuga ngo: “Ndifitiye idini ryanje.” Amayagwa ari mu gatabu Uburyo bwo Gutanguza no Kubandanya Ibiyago Bishingiye Kuri Bibiliya, urupapuro rwa 10 na 11. Inyuma y’ico kiganiro nukurikizeko imyerekano ibiri yateguwe neza yerekana uburyo butandukanye bw’ukuntu umuntu yorengera ico gitangirizi.

Imin. 15: “Ukwizera Kwacu Kuradusunikira Gukora Ibikorwa Vyiza.”c Igihe muganira ku ngingo ya 2, nubaze ikibazo mu ncamake Icabona w’umunyamwete. Umwamamaji avuge ukuntu gushinga intahe bigaragaza ukwizera afise kandi bigakomeza ukwizera kwiwe.

Ururirimbo rwa 12 (113) n’isengesho ryo gusozera.

[Utujambo tw’epfo]