Urutonde rw’Amakoraniro y’Umurimo

Indwi Itangura ku wa 14 Gitugutu

Ururirimbo rwa 11 (85)

Imin. 10: Amatangazo y’iwanyu. Amatangazo arobanuwe mu yo mu Gikorwa Dukorera Ubwami. Nuremeshe umuntu wese gusoma igitabu co Guharūra ikigabane ca 25 be n’igitabu Étude perspicace des Écritures imbumbe ya 2, urupapuro rwa 302, ingingo ya 4-6, canke igitabu Toute Écriture, urupapuro rwa 34-35, ingingo ya 27, 28, 36 mu kwitegurira ikiganiro co kw’Ikoraniro ry’Umurimo ryo ku ndwi itangura ku wa 28 Gitugutu. Mukoresheje inama ziri ku rupapuro rw’8, nimugire imyerekano ibiri y’ukuntu umuntu yoshikiriza Umunara w’Inderetsi wo ku wa 15 Nyakanga be na Réveillez-vous! yo ku wa 22 Nyakanga. Muri umwe wose, nimwerekane uburyo butandukanye bw’ukuntu twovyifatamwo umuntu yishuye amajambo ahagarika ikiyago ngo: “Ivy’igikorwa canyu nsanzwe ndabizi.”—Raba agatabu Uburyo bwo Gutanguza Ibiyago, urupapuro rwa 12.

Imin. 15: Ibikenewe iwanyu.

Imin. 20: “Ukuntu Abacungezi b’Inyigisho y’Igitabu y’Ishengero Bagaragaza ko Bitwararika Umuntu Wese Ukwiwe.” Ikiganiro c’ibibazo n’inyishu gishikirizwa n’umwe mu bacungezi b’Inyigisho y’Igitabu y’Ishengero. Mu majambo y’intangamarara, nusigure muri make ukuntu indinganizo y’inyigisho y’igitabu yatanguye. (jv-F rup. 237, ing. 4) Nuringanize imbere y’igihe ivy’uko abamamaji babiri canke batatu bagira ico bavuze ku kuntu bitwararitswe ubwabo biciye ku Nyigisho y’Igitabu y’Ishengero.

Ururirimbo rwa 15 (127) n’isengesho ryo gusozera.

Indwi Itangura ku wa 21 Gitugutu

Ururirimbo rwa 17 (187)

Imin. 10: Amatangazo y’iwanyu. Raporo y’ivy’amakonte.

Imin. 35: “Niwungukire Bimwe Bishitse kw’Ihwaniro ry’Intara Ryataziriwe ngo ‘Abamamaji b’Ubwami b’Abanyamwete.’ ” Gishikirizwe n’umurongozi w’Inyigisho y’Umunara w’Inderetsi. Umaze gushikiriza intangamarara y’umunuta umwe, nurongore ikiyago co guhana ijambo n’abumviriza cerekeye porogarama y’ihwaniro ry’intara, ukoresheje ibibazo vyatanzwe muri ico kiganiro. Ugabanganye umwanya wawe neza. Urashobora kuza uragira ivyo uvuze muri make kugira ngo wibutse abumviriza ivyiyumviro nyamukuru. Igihe bibereye, nubaze abumviriza ukuntu bariko barashira mu ngiro ivyo bize be n’ivyiza bariko barabironkeramwo.

Ururirimbo rwa 20 (93) n’isengesho ryo gusozera.

Indwi Itangura ku wa 28 Gitugutu

Ururirimbo rwa 23 (200)

Imin. 8: Amatangazo y’iwanyu. Nuremeshe bose gusubiramwo utwo banditse mu gihe ca porogarama y’umusi w’iteraniro ridasanzwe riheruka mu kwitegurira ikiganiro co kw’Ikoraniro ry’Umurimo ryo ku ndwi iza. Niwibutse abamamaji gutanga raporo y’umurimo wo mu ndimiro y’ukwezi kwa Gitugutu. Ukoresheje inama ziri ku rupapuro rw’8, nusabe umuvukanyikazi agire umwerekano w’ukuntu umuntu yoshikiriza Umunara w’inderetsi wo ku wa 1 Gitugutu wongere usabe umuvukanyi agire umwerekano w’ukuntu umuntu yoshikiriza Réveillez-vous! yo ku wa 8 Gitugutu. Inyuma y’umwerekano umwumwe wose, niwerekane muri make ikintu ciza twokwigira kuri uwo mwerekano.

Imin. 12: Udukuru twa Gitewokarasi. Ivyabonywe aho iwanyu. Nusabe abo mw’ishengero bigane ivyabonywe binovoye igihe bariko baragenda kw’ihwaniro ry’intara canke igihe bariko bavayo, igihe bari kw’ihwaniro, canke igihe bariko barashinga intahe akaryo kizanye ku kazi, kw’ishure, igihe bariko barasuma, eka mbere n’ahandi.

Imin. 25: “Twumvire Uturorero two Kutuburira Muri Iki Gihe.” Amajambo y’intangamarara nuyashikirize mu mwanya udashika umunuta, hanyuma uce utangura ikiganiro co guhana ijambo n’abumviriza ku kibazo cose cashikirijwe muri ico kiganiro.

Ururirimbo rwa 12 (113) n’isengesho ryo gusozera.

Indwi Itangura ku wa 4 Munyonyo

Ururirimbo rwa 3 (32)

Imin. 10: Amatangazo y’iwanyu. Nimwihweze muri make inama nkeyi zivuye mu nyongera y’Igikorwa Dukorera Ubwami co muri Nzero 2002 zerekeye ivyo gushikiriza agatabu Ni Ibiki Imana Idusaba? be n’igitabu Ubumenyi. Nimugire umwerekano werekana bumwe mu buryo bwo kubishikiriza.

Imin. 13: Ubutumwa Bwiza Ntibuntera Isoni. (Rom. 1:16) Uwukiri muto arashikira se kugira amuture ingorane. Uwo akiri muto aragonanwa kwimenyekanisha ko ari Icabona ca Yehova kubera atinya ko urunganwe rumutwenga. Se arashimira uwo akiri muto kubera avugishije ukuri ku vyerekeye iyo ngorane. Arigana ukuntu Petero yifashe igihe kimwe bitewe n’akosho k’urunganwe. (Mat. 26:69-74) Se aca atanga impanuro ikurikira: Dukwiye kutigera duterwa isoni n’uko turi Abakirisu. (Mrk. 8:38) Ni ivy’ingirakamaro ko wimenyekanisha ko uri Icabona kw’ishure. Igihe babizi, abigisha benshi bazokwubahiriza ivyo wemera kandi ntibazogerageza kugushira mu bikorwa ubona ko biteye kubiri n’ivyo wemera. N’abakiri bato ataco bibanga ntibazogerageza kuguhata ngo wigenze nabi. Abandi banyeshure mwigana bazorushiriza gutahura igituma uhitamwo kudakwegana n’abo mudasangiye igitsina, igituma utagira uruhara mu nkino ziba mu masaha atari ay’ivyigwa, canke igituma utagira uruhara mu bikorwa biba inyuma y’amasaha y’ivyigwa. Umwanya ubakundiye, uwo akiri muto be na se baganire ku vyiyumviro bakuye mu gitabu Les Jeunes s’interrogent munsi y’agatwe gatoyi kavuga ngo “Faites la déclaration publique de votre amitié avec Dieu” (Numenyeshe ku Mugaragaro Ubucuti Ufitaniye n’Imana) kari ku rupapuro rw’315-318. (Canke mu gishingo c’ico, bakoreshe ivyiyumviro bivuye mu gatabu Umukunzi w’Imana.) Uwo muyabaga aserure ukuntu akenguruka ku bw’iyo mpanuro nziza.

Imin. 22: Nugamburukire Imana—Urwanye wa Murwanizi. (Yak. 4:7) Akoresheje ibibazo vyatanzwe hano, umukurambere narongore ikiganiro gikabura co guhana ijambo n’abumviriza cerekeye porogarama y’umusi w’iteraniro ridasanzwe ryagizwe mu mwaka w’umurimo uheze. Nusabe abo mw’ishengero bigane ukuntu bashoboye gushira mu ngiro ivyo bize. (Ivyo bazovuga barashobora kubimenyeshwa imbere y’igihe.) Nushimike ku bihimba vya porogarama bikurikira: (1) “Ukugamburukira Imana mw’Isi y’Abantu Bagizwe Abaja.” Ni kubera iki dutegerezwa kuba maso kugira ngo twirinde imitego y’isi? (2) “Uko Mugize Umuryango Nimugaragaze ko Mugamburukira Imana.” Ni kubera iki bikenewe bimwe vyihutirwa ko mw’ishirahamwe rya Yehova ubucuti bwo mu muryango bukomezwa? Dushobora kubigenza gute? (3) “Nufashe Abigishwa Bashasha Guhagarara Bashikamye ku Ruhande rwa Yehova.” Dushobora gute gufasha abashasha gutsinda intambamyi zigerageza ukwizera kwabo? (4) “Ico Kurwanya wa Murwanizi Bisobanura.” Ni igiki cotuma twererwa mu rugamba rwo kurwanya wa Murwanizi? Ibirwanishwa vyo mu vy’impwemu bivugwa mu Banyefeso 6:11-18 bishobora gute kudukingira? (w92-F 15/5 21-23) (5) “Abakiri Bato Bererwa mu Kurwanya wa Mubi” be n’ “Abakiri Bato Bungukira ku Kugamburukira Imana.” Imwimwe mu mitego ya Shetani abakiri bato bategerezwa kwirinda ni iyihe? Abakiri bato bahezagirwa gute bivuye ku kugamburukira Yehova? (w-RU 8/90 4-5, ing. 15-17) (6) “Niwungukire ku Kugamburukira Imana.” Nusigure ukuntu Abakirisu bagaragaza ko bagamburukira abakuru b’intwaro, abakoresha, abagize umuryango be n’abo mw’ishengero rya gikirisu. Ni kamere izihe zizodufasha kubigira?

Ururirimbo rwa 24 (185) n’isengesho ryo gusozera.