Urutonde rw’amakoraniro y’umurimo
Indwi itangura ku wa 13 Kigarama
Imin. 10: Amatangazo y’iwanyu. Amatangazo arobanuwe mu yo mu Gikorwa dukorera Ubwami. Aho bibereye, nuremeshe umwumwe wese kuraba ya videwo yitwa Pas de sang—la médecine relève le défi kugira ngo yitegurire ikiganiro kizoshikirizwa ku ndwi iza. Nuvuge ibintu bidasanzwe vyerekeye umurimo wo mu ndimiro mwaringanije kuzokora ku wa 25 Kigarama no ku wa 1 Nzero. Nimukoreshe inama ziri ku rupapuro rwa 8 (niba bibereye mu cibare canyu) kugira mwerekane ingene umuntu yoshikiriza Umunara w’Inderetsi wo ku wa 1 Munyonyo be na Be maso! (mu gifaransa) yo ku wa 8 Munyonyo. Ubundi buryo bwo gutanguza ikiyago bushingiye ku bintu bibaho koko, bwoshobora gukoreshwa. Mu mwerekano umwumwe wose, niherekanwe ico umuntu yokwishura ku majambo yo guhagarika ikiyago avuga ngo: “Ivy’igikorwa canyu nsanzwe ndabizi”.—Raba agatabu Uburyo bwo Gutanguza Ibiyago, urupapuro 12.
Imin. 15: “Imfashanyo yawe irakenewe”.a Nubaze ibibazo muri make umukurambere. Numusabe avuge icamuremesheje kurondera gushikira agateka ko gukorera abandi mw’ishengero yongere avuge n’icamufashije gukwiza ibisabwa.
Imin. 20: “Ni gute twoshinga intahe ku ncuti?”b Nukoreshe ibibazo vyatanzwe. Nusabe abumviriza bagire ico bavuze muri make ku kuntu bashoboye gutuma incuti zishimishwa be n’ukuntu bashinze intahe kuri bo.
Ururirimbo rwa 17 n’isengesho ryo gusozera.
Indwi itangura ku wa 20 Kigarama
Imin. 5: Amatangazo y’iwanyu.
Imin. 15: “Ingene twungukira kw’Ishure ry’ubusuku bwa gitewokarasi”. Insiguro ishikirizwa n’umucungezi w’ishure. Nushiremwo insasanuro ukuye mu nyongera yo mu Gikorwa dukorera Ubwami co muri Gitugutu 2004. Nutunganye imbere y’igihe ivy’uko hagira umuntu umwe canke babiri bagira ico bavuze ku kuntu bariko bungukira kuri iryo shure.
Imin. 25: Nimuganire Inyishu ku bibazo vyanyu, ahari ikibazo kibaza ngo “Woba witeguriye ibintu vyihutirwa?”, mu Gikorwa dukorera Ubwami co muri Nyakanga 1999. Canke aho ya videwo iboneka, muyage ku kiganiro kivuga ngo “Niwungukire kuri ya videwo Pas de sang—la médecine relève le défi”. Ikiganiro co guhana ijambo n’abumviriza gishingiye kuri ya videwo Pas de sang, hakoreshejwe ibibazo vyatanzwe ku rupapuro rwa 6. Ivyo biheze, nusome ingingo ya nyuma. Nuremeshe bose kuzoba ari ho bari ku ndwi iza mu gihe c’ukurimbura ikiganiro cerekeye intunganyo idufasha kwirinda amaraso.
Ururirimbo rwa 50 n’isengesho ryo gusozera.
Indwi itangura ku wa 27 Kigarama
Imin. 10: Amatangazo y’iwanyu. Raporo y’ivy’amakonte. Niwibutse abamamaji gutanga raporo y’umurimo wo mu ndimiro wo muri Kigarama. Nimukoreshe inama ziri ku rupapuro rwa 8 (niba bibereye mu cibare canyu) kugira mwerekane ingene umuntu yoshikiriza Umunara w’Inderetsi wo ku wa 15 Munyonyo be na Be maso! (mu gifaransa) yo ku wa 22 Munyonyo.
Imin. 25: Kugamburuka itegeko ry’Imana ryo kwirinda amaraso. Insiguro ishikirizwa n’umukurambere akoresheje insiguro isomwa yatanzwe n’ibiro vy’ishami. Ugitangura, nuvuge yuko udukarata tw’amabwirizwa y’ivy’ubuvuzi (Instructions médicales/Pas de sang) tutuzuzwa kuri uwo mugoroba nyene. Mu gihe uwushikiriza iyo nsiguro ariko arayisoma, arashobora kwongerako insasanuro ngufi kugira ngo ashimike ku vyiyumviro nyamukuru, mugabo ntakwiye kwongera kuri ayo mayagwa ubundi burorero canke ibindi vyanditswe. Ivyanditswe vyatanzwe yoshobora kubisoma canke akabisubiramwo mu majambo umwanya umukundiye. Igihe ushitse aho bibereye, nukwegere ivyiyumviro ku majambo yo mu ruzitiro ruvuga ngo “Intunganyo idufasha kwirinda amaraso”. Umunyamabanga akwiye kuronsa abamamaji babatijwe twa dukarata tw’amabwirizwa y’ivy’ubuvuzi (Instructions médicales/Pas de sang) mu gihe boba bakeneye dushasha. Umunyamabanga akwiye kandi kuraba neza ko hariho igitigiri gikwiye ca twa dukarata karanzi (tugenewe abana).
Imin. 10: Uruhara rw’ijwi ryawe ryo mu mutima. Insiguro ishikirizwa n’umukurambere ishingiye ku Munara w’Inderetsi wo ku wa 15 Ruheshi 2004, ku rupapuro rwa 23-24, ingingo ya 16-19. Nushimike ku vy’uko ingingo dufata twisunze ijwi ryo mu mutima zikwiye gufatanwa uburemere cane kubera ko zigira ico zikoze ku bucuti dufitaniye na Yehova.
Ururirimbo rwa 8 n’isengesho ryo gusozera.
Indwi itangura ku wa 3 Nzero
Imin. 15: Amatangazo y’iwanyu. Nuvuge ibisohokayandikiro bizoshikirizwa muri Nzero. Udukuru twa gitewokarasi be n’“Ibintu bikurubikuru vyabaye mu mwaka w’umurimo wa 2004”.
Imin. 15: “Kurongora inyigisho za Bibiliya zitera imbere—Igice ca 4”. Inyuma y’intangamarara itarenza umunuta umwe ishingiye ku ngingo ya 1, nimugire umwerekano w’iminuta itanu ushingiye ku ngingo ya 2-3, aho uwurongora inyigisho ya Bibiliya yereka umutohoji uburyo bwo gutegura inyigisho. Nimukoreshe muri uwo mwerekano ingingo kanaka yo mu gitabu Ubumenyi canke yo mu gatabu Ni Ibiki Imana Idusaba?. Nubandanirizeko ikiganiro c’ibibazo n’inyishu gishingiye ku ngingo ya 2-5, ushimika ku vyiyumviro nyamukuru vyo muri uwo mwerekano.
Imin. 15: “Ihwaniro ry’Intara ry’Ivyabona vya Yehova ryo mu 2005 ryataziriwe ngo ‘Ukugamburuka gushimwa n’Imana’ ”.c Gishikirizwe n’umunyamabanga w’ishengero. Nuremeshe bose kugira ivyo baringanije bijanye n’ihwaniro hakiri kare bishoboka.
Ururirimbo rwa 79 n’isengesho ryo gusozera.
[Utujambo tw’epfo]
a Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
b Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
c Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.