Urutonde rw’amakoraniro y’lumurimo
Indwi itangura ku wa 11 Mukakaro
Imin. 10: Amatangazo y’iwanyu. Amatangazo arobanuwe mu yo mu Gikorwa dukorera Ubwami. Nimukoreshe inama zatanzwe ku rupapuro rwa 8 (nimba zibereye mu cibare canyu) kugira mwerekane ingene umuntu yoshikiriza Umunara w’Inderetsi wo ku wa 1 Ruheshi na Réveillez-vous! yo ku wa 8 Ruheshi. Ubundi buryo bwo gutanguza ibiyago bushingiye ku bintu bibaho koko bwoshobora gukoreshwa. Muri umwumwe wose muri iyo myerekano, nimwerekane uburyo butandukanye umuntu yokoresha igihe ahuye n’abamubwira amajambo yoshobora guhagarika ikiyago agira ati: ‘Nta mwanya mfise’.—Raba agatabu Uburyo bwo Gutanguza Ibiyago, rup. 11-12.
Imin. 17: Gushikiriza udutabu muri Mukakaro no muri Myandagaro. Insiguro be n’ikiganiro co guhana ijambo n’abumviriza bishingiye ku nyongera. Muri make nusigure ingene iyo nyongera ikoreshwa, ushimike ku ruzitiro ruri ku rupapuro rwa 3 wongere ushimike ku vyiyumviro bikurubikuru biri mu Gikorwa dukorera Ubwami co muri Nzero 2005 ku rupapuro rwa 8. Nimuganire ku nama zibereye icibare canyu zokoreshwa, zerekeye ugushikiriza abantu udutabu mu gihe mubagendeye ari bwo bwa mbere. Nimugire imyerekano y’uburyo bubiri canke butatu bwo gushikiriza utwo dutabu. N’imiburiburi umwe muri iyo myerekano ugirwe n’umwamamaji akiri muto.
Imin. 18: “Dushikire abantu benshi bashoboka”.a Igihe muganira ku ngingo ya 5, nimusubiremwo inama zatanzwe mu Gikorwa dukorera Ubwami co muri Ruheshi 2005 urupapuro rwa 6, zibereye icibare canyu.
Ururirimbo rwa 88 n’isengesho ryo gusozera.
Indwi itangura ku wa 18 Mukakaro
Imin. 10: Amatangazo y’iwanyu. Nimurimbure muri make ibiri mu Munara w’Inderetsi wo ku wa 15 Myandagaro 2000, ku rupapuro rwa 32. Nushimike ku nyungu ziva ku kuguma kuri porogarama ntabanduka yo gusoma Bibiliya ku musi ku musi, naho hoba mu biringo vy’uburuhuko be no mu bindi bihe aho usanga urutonde ry’ivyo twahora dukora ruhindutse.
Imin. 15: “Kurongora inyigisho za Bibiliya zitera imbere—Igice ca 11”.b Nushiremwo umwerekano werekana umurongozi w’inyigisho be n’umwamamaji mushasha bariko baritegurira gusubira kugendera abo baganiriye. Nibiyibutse ukuntu vyagenze igihe bagendera umuntu ari bwo bwa mbere kandi barabe iciyumviro kibereye boshikiriza igihe basubiye kugendera abo baganiriye. Barategura kandi uburyo bworoshe bwo gutanguza ikiyago be n’ikibazo bashobora kubaza mu gusozera. Uwo mwerekano urangira bagabirije gusubiramwo ico kiganiro bateguye.
Imin. 20: Nufashe abandi bahe agaciro Bibiliya. Ikiganiro c’ibibazo n’inyishu gishingiye ku gitabu Senga Imana, urupapuro rwa 23-25, ingingo ya 3-6. Nukoreshe ibibazo vy’icigwa biri muri ico gitabu, vyabajijwe kuri izo ngingo. Nushiremwo insasanuro zo mu gatabu Un livre pour tous, urupapuro rwa 32.
Ururirimbo rwa 10 n’isengesho ryo gusozera.
Indwi itangura ku wa 25 Mukakaro
Imin. 15: Amatangazo y’iwanyu. Nimusome raporo y’ivy’amakonte be n’amakete yo gukenguruka intererano zatanzwe. Mukoresheje inama tugirwa ku rupapuro rwa 8 (niba zibereye mu cibare canyu) nimugire umwerekano w’ukuntu umuntu yoshikiriza Umunara w’Inderetsi wo ku wa 15 Ruheshi be na Réveillez-vous! yo ku wa 22 Ruheshi. Ubundi buryo bwo gutanguza ikiyago bushingiye ku bintu bibaho koko bwoshobora gukoreshwa. Mu mwerekano umwe muri iyo, nimwerekane ukuntu umuntu yoshikiriza ibinyamakuru akaryo kizanye kw’isoko canke ahandi aho ari ho hose hahurira abantu habereye.
Imin. 10: Nimwinjize ukuri mu bana banyu (Gus. 6:7). Insiguro ishikirizwa n’umukurambere ishingiye ku Munara w’Inderetsi wo ku wa 15 Myandagaro 2002, urupapuro rwa 30-31. Nushimike ku ngingo ngenderwako zo mu vyanditswe zitanga ubuyobozi ku kugene umuvyeyi mukirisu afise uwo bubakanye atari Icabona yorera abana.
Imin. 20: “Umwenda dufitiye abandi”.c Nushiremwo insasanuro zo mu Munara w’Inderetsi wo ku wa 1 Mukakaro 2000, urupapuro rwa 21, ingingo ya 13.
Ururirimbo rwa 82 n’isengesho ryo gusozera.
Indwi itangura ku wa 1 Myandagaro
Imin. 15: Amatangazo y’iwanyu. Niwibutse abamamaji gutanga raporo y’umurimo wo mu ndimiro yo muri Mukakaro. Nusabe abumviriza bazingurure igitabu Ishure ry’Ubusuku ku rupapuro rwa 70, maze biciye ku guhana ijambo na bo, murimbure ingingo ya 1-2 n’uruzitiro rugira ruti: “Uburyo bwo gutanga insasanuro ku makoraniro”.
Imin. 15: “Nufashe abana bawe gutera imbere mu busuku”. Insiguro be no guhana ijambo n’abumviriza. Nushiremwo umwerekano w’umuvyeyi be n’umwana bakoresha uburyo bwo gushikiriza ikiganiro mu buryo bworoshe. Umuvyeyi nasozere uwo mwerekano mu gusigura muri make ibijanye na ya ntunganyo yo guterera.
Imin. 15: Woba waragerageje gukoresha uburyo buhuza n’uko ibintu vyifashe? Insiguro be no guhana ijambo n’abumviriza ishingiye ku Gikorwa dukorera Ubwami co muri Nzero 2005, urupapuro rwa 6. Nimusubiremwo inama zatanzwe, kandi mwerekane ingene uburyo buhuza n’uko ibintu vyifashe bushobora gukoreshwa mu gutanga ibitabu bishikirizwa muri Myandagaro. Nimugire umwerekano umwe canke ibiri y’uburyo bwatanzwe bwo gushikiriza agatabu.
Ururirimbo rwa 218 n’isengesho ryo gusozera.
[Utujambo tw’epfo]
a Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
b Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.
c Amajambo y’intangamarara nuyashikirize mu mwanya udashika umunuta, hanyuma hakurikire ikiganiro c’ibibazo n’inyishu.