Urutonde rw’amakoraniro y’umurimo
Indwi itangura ku wa 13 Munyonyo
Imin. 10: Amatangazo y’iwanyu. Mukoresheje inama ziri ku rupapuro rwa 8 canke ubundi buryo bwo gutanguza ibiyago bubereye mu cibare canyu, nimugire imyerekano y’ingene umuntu yoshikiriza Umunara w’Inderetsi wo ku wa 1 Gitugutu be na Réveillez-vous! yo muri Gitugutu. Muri umwe muri iyo myerekano, niherekanwe ivyo umuntu yokwishura ku majambo yoshobora guhagarika ikiyago avuga ati: ‘Ivy’igikorwa canyu nsanzwe ndabizi’.—Raba agatabu Uburyo bwo Gutanguza Ibiyago, urupapuro rwa 12.
Imin. 20: Abasuku b’inkuru nziza. Insiguro no guhana ijambo n’abumviriza bishingiye ku gitabu Twagizwe ishirahamwe ngo dukore ivyo Yehova agomba, urupapuro rwa 77 gushika ku gatwe kari ku rupapuro rwa 83.
Imin. 15: “Twamamaze dushize amanga, yamara turi indemeshamahoro”.a Nushiremwo insasanuro ziri mu gitabu Ishure ry’ubusuku, urupapuro rwa 252-253, munsi y’agatwe kari mu ndome zihengamye kavuga ngo “Igihe co Kwiyorosha”.
Ururirimbo rwa 39 n’isengesho ryo gusozera.
Indwi itangura ku wa 20 Munyonyo
Imin. 5: Amatangazo y’iwanyu. Amatangazo arobanuwe mu yo mu Gikorwa dukorera Ubwami.
Imin. 25: Kugamburuka itegeko ry’Imana ryo kwirinda amaraso. Insiguro ishikirizwa n’umukurambere, akoresheje insiguro isomwa yatanzwe n’ibiro vy’ishami. Ugitangura, nuvuge yuko udukarata DPA tutuzuzwa kuri uwo mugoroba nyene. Mu gihe uwushikiriza iyo nsiguro azoba ariko arayisoma, yoshobora kwongerako insasanuro ngufi kugira ngo ashimike ku vyiyumviro nyamukuru, mugabo ntakwiye kwongera kuri ayo mayagwa ubundi burorero canke ibindi vyanditswe. Ivyanditswe vyatanzwe bitasubiwemwo mu majambo yoshobora kubisoma canke akabisubiramwo mu majambo umwanya umukundiye. Igihe ushitse aho bibereye, niwerekeze ivyiyumviro vy’abakwumviriza ku majambo yo mu kiganiro kivuga ngo “Intunganyo nshasha idufasha kwirinda amaraso”. Umunyamabanga akwiye kuronsa abamamaji bose babatijwe agakarata DPA hamwe n’ “Inyobozo zerekana ingene agakarata DPA kuzuzwa” kugira ngo bashobore gukurikira mu gice c’ico kiganiro. Umunyamabanga akwiye kandi kuraba neza ko hariho igitigiri gikwiye ca twa Dukarata karanzi.
Imin. 15: Tuzoshikiriza igitabu Umuntu Ahambaye muri Kigarama. Uguhana ijambo n’abumviriza. Nusabe abumviriza bavuge ivyo bashima ku gitabu Umuntu Ahambaye bongere bavuge ibintu bidasanzwe biboneye igihe bagishikiriza muri kahise. Nimusubire mwihweze uburyo bwo gutanguza ibiyago twahawe mu nyongera y’Igikorwa dukorera Ubwami co muri Nzero 2005. Nimugire umwerekano w’ukuntu ico gitabu coshikirizwa, mukoresheje bumwe muri ubwo buryo canke ubundi buryo bwo gutanguza ibiyago bwoba ngirakamaro mu cibare canyu.
Ururirimbo rwa 203 n’isengesho ryo gusozera.
Indwi itangura ku wa 27 Munyonyo
Imin. 5: Amatangazo y’iwanyu. Soma raporo y’ivy’amakonte be n’ivyete vyemeza ko intererano mwatanze zashitse.
Imin. 10: Bubaka bunze ubumwe ku bwo gushemeza Imana. Insiguro ishikirizwa n’umukurambere ishingiye ku Munara w’Inderetsi wo ku wa 1 Munyonyo 2006, urupapuro rwa 17-21.
Imin. 15: “Ingene twotegura uburyo bwo gushikiriza ibinyamakuru”.b Nushiremwo umwerekano w’iminuta itatu aho abamamaji babiri, kumbure umugabo n’umukenyezi, bahitamwo bumwe mu buryo bwo gutanguza ibiyago bwatanzwe ku rupapuro rwa 8 bujanye no gushikiriza ibinyamakuru vyo muri Gitugutu, maze bakaraba ingene bazobukoresha, bakavuga mu majambo yabo bwite. Maze, bakoresheje inama ziri mu kiganiro muhejeje kwihweza, barategura bakongera bakagira umwerekano w’ingene boshikiriza ikindi kiganiro basanze gihuye n’igihe mu cibare cabo.
Imin. 15: “Ni ingingo izihe nkwiye gufata ku bijanye n’uduhimba twakuwe muri vya bihimba nyamukuru bigize amaraso no ku bijanye n’uburyo bwo kumvura hakoreshejwe amaraso yanje bwite?” Ikiganiro c’ibibazo n’inyishu be n’umwerekano. Umukurambere ashikiriza iki kiganiro akwiye kwisunga cane urucacagu rwatanzwe n’ibiro vy’ishami.
Ururirimbo rwa 120 n’isengesho ryo gusozera.
Indwi itangura ku wa 4 Kigarama
Imin. 10: Amatangazo y’iwanyu n’Udukuru twa gitewokarasi. Niwibutse abamamaji gutanga raporo y’umurimo wo mu ndimiro yo muri Munyonyo.
Imin. 15: “Tubandanye gukomezanya”.c Nuvuge muri make ibijanye n’urutonde rushasha rw’inyigisho y’igitabu ruri ku rupapuro rwa 7. Nuremeshe bose gutegura neza kugira bazokwungukire bimwe bishitse kuri iryo koraniro.
Imin. 20: Dukoreshe Bibiliya mu kwishura. Ikiganiro c’uguhana ijambo n’abumviriza gishingiye ku Munara w’Inderetsi wo ku wa 15 Myandagaro 2002, urupapuro rwa 17-18, munsi y’agatwe kavuga ngo “Tugaragaze ko dukunda ukuri twigisha”. Nusabe abumviriza batange insasanuro ku kibazo kimwekimwe cose. Nimugire umwerekano aho umwamamaji akoresha igitabu Comment raisonner mu guha inyishu ishingiye ku Vyanditswe uwo bakorana amubajije ati: “Ni kubera iki mudahimbaza Noweli?”.
Ururirimbo rwa 168 n’isengesho ryo gusozera.
[Utujambo tw’epfo]
a Amajambo y’intangamarara nuyashikirize mu mwanya udashika umunuta, hace hakurikira ikiganiro c’ibibazo n’inyishu.
b Amajambo y’intangamarara nuyashikirize mu mwanya udashika umunuta, hace hakurikira ikiganiro c’ibibazo n’inyishu.
c Amajambo y’intangamarara nuyashikirize mu mwanya udashika umunuta, hace hakurikira ikiganiro c’ibibazo n’inyishu.