Amatangazo

◼ Ibisohokayandikiro vyo gushikiriza muri Kigarama: Hazoshikirizwa igitabu Umuntu Ahambaye Kuruta Ababayeho Bose. Mu gihe mudafise ico gitabu, mwoshobora gushikiriza igitabu Niwiyegereze Yehova canke igitabu Akabanga ko Kuronka Agahimbare mu Rugo. Nzero: Igitabu ico ari co cose c’impapuro 192 cacapuwe ku mpapuro zimaze gutangura gucuya canke ikindi gitabu ico ari co cose casohowe imbere yo mu 1991. Amashengero adafise mwene ivyo bitabu yoshobora gushikiriza igitabu Ubumenyi canke agatabu Mwame mugavye! Ruhuhuma: Igitabu Akabanga ko Kuronka Agahimbare mu Rugo canke igitabu Ubumenyi. Ntwarante: Hazoshikirizwa igitabu Ivyo Bibiliya yigisha hongere hagirwe akigoro kadasanzwe ko gutanguza inyigisho za Bibiliya.

◼ Uwagenywe n’umucungezi muhagarikizi akwiye gusuzuma amakonte y’ishengero y’amezi ya Nyakanga, Gitugutu na Munyonyo. Uwo muntu nyene ntakwiye kwikurikiranya gusuzuma amakonte. Iryo suzuma rimaze kurangira, bikwiye gutangarizwa ishengero muri raporo y’ivy’amakonte izoshikirizwa ubutaha.— Raba Instructions pour la comptabilité des congrégations (S-27).

◼ Turabamenyesheje yuko Icibutso co mu mwaka wa 2009 kizoba ku musi wa kabiri igenekerezo rya 9 Ndamukiza, izuba rirenze. Ivyo bimenyeshejwe hakiri kare kugira ngo abavukanyi bashobore gutegekanya ibikenewe mu vyo gukota ibibanza mu gihe hoba hariho amashengero menshi akoresha Ingoro y’Ubwami imwe, bikaba ngombwa yuko haronderwa izindi nyubakwa. Muri mwene ivyo bihe, abakurambere bakwiye kuja inama na bene inyubakwa kugira barabe neza ntihagire ibindi bintu bizozikorerwamwo, kugira ngo ihimbazwa ry’Icibutso ribe mu mahoro no mu rutonde.