Nufashe abatohoji ba Bibiliya guheba ingeso zihumanye

Abantu badahumanye ni bo bonyene bashobora kugiranira ubugenzi somambike na Yehova. (1Pt 1:14-16) Igihe abatohoji ba Bibiliya bahevye ingeso mbi, barashobora kwironkera ivyiza mu muryango, mu bijanye n’amagara yabo no mu vy’ubutunzi.

Nubasigurire mu buryo butomoye ingingo ngenderwako za Yehova zigenga inyifato runtu, igituma ziriho n’ivyiza biva ku kuzisunga. Niwitunire ku gufasha abo wigisha guhindura ukuntu biyumvira, gutyo bazoshobora gukora ivyo Yehova agomba. (Ef 4:22-24) Nubakure amazinda ko babifashijwemwo na Yehova bashobora guheba ingeso mbi zashinze imizi muri bo. (Fp 4:13) Nubigishe gutakambira Yehova igihe bohejwe gukora igicumuro. Nubafashe kumenya ibintu vyobagerageza bakwiye kwirinda. Nubaremeshe gusubiriza ingeso mbi n’ibikorwa bibagirira akamaro. Biratera umunezero kwibonera ingene abo wigisha Bibiliya bagira amahinduka babifashijwemwo na Yehova.

NIMURABE IVIDEWO IVUGA NGO NUFASHE ABO WIGISHA BIBILIYA GUHEBA INGESO ZIHUMANYE, MUCE MWISHURA IBIBAZO BIKURIKIRA:

• 

  Abakurambere hamwe na Neeta berekanye gute ko bizigiye Jade?

• 

  Neeta yabandanije gute gufasha Jade?

• 

  Jade yarondeye gute imfashanyo iva kuri Yehova?