Twihangane gushika kw’iherezo

1. Ivyanditswe biratuma

Twama twihangana.

Ivyo wize ni ’vy’ukuri,

Gum’ubizirikana.

Ntunyigange mu kwizera,

Kand’ugum’ukomezwa.

Gumana kwa gutungana,

Naho wogeragezwa.

2. Rwa rukundo war’ufise

Gum’uruzigamye.

N’igihe wogeragezwa,

Nugume wihanganye.

Ntukekeranye, ntutinye,

Yehov’azogukiza.

Azokwam’akuri hafi.

Azoguhumuriza.

3. Abaguma bihanganye

Ni bo bazokizwa.

Mu gitabu c’ubuzima

Ni ho bazokwandikwa.

Wame rero wihangana,

Ubigir’intumbero.

Yehov’azokwikundira

Wuzur’umunezero.