URURIRIMBO RWA 161
Gukora ivyo ugomba ni vyo bimpimbara
1. Yez’ahejeje kubatizwa
Amajambo we wavuze,
Yatumye yipfuza gukora
Ivyo yari yemeye.
Yaratsinz’ibigeragezo,
Ngo yez’izina ryawe.
Yarakwitangiy’abikunze,
Nipfuza kumwigana.
(ICITABIRIZO)
Gukor’ivy’ugomba Mana
Ni vyo vyama bimpimbara.
Biratuma je nezerwa.
Nzogendera mu muco.
Gukor’ivy’ugomba Mana
Ni vyo bimp’icizigiro.
Ndibonera yuk’unkunda.
Kugushemeza ni vyo
Bimpimbara.
2. Uko nakumenya, Yehova
Naragir’umunezero.
Nzogushingir’intahe hose
Ntangaz’ukuri kwawe.
Gukorana n’abavukanyi
Nta coza kibiruta.
Nzokwitirirw’izina ryawe,
Nitange ndabikunze.
(ICITABIRIZO)
Gukor’ivy’ugomba Mana
Ni vyo vyama bimpimbara.
Biratuma je nezerwa.
Nzogendera mu muco.
Gukor’ivy’ugomba Mana
Ni vyo bimp’icizigiro.
Ndibonera yuk’unkunda.
Kugushemeza ni vyo
Bimpimbara.
Nzokor’ivy’ugomba.
(Raba kandi Zab. 40:3, 10.)