Nugume ushikamye uko iherezo ryegereza

IGITUMA BIHAMBAYE: Hari ibintu biteye ubwoba bigiye kuba vuba, bizodusaba umutima rugabo no kwizigira Yehova kuruta ikindi gihe cose. Amakuba akomeye azotangurana no gusangangura idini ry’ikinyoma. (Mt 24:21; Ivy 17:16, 17) Muri ivyo bihe bitoroshe, birashoboka ko tuzotangaza ubutumwa bukomeye bw’urubanza ata gutinya. (Ivy 16:21) Gogi w’i Magogi azotugabako igitero. (Ezk 38:10-12, 14-16) Mu kurwanira abasavyi biwe, Yehova azoca atanguza “intambara yo kuri wa musi uhambaye w’Imana Mushoboravyose.” (Ivy 16:14, 16) Kugira tuzorushirize kugaragaza umutima rugabo muri ivyo bintu vyimirije, turakeneye gushikama mu bigerageza ukwizera kwacu muri iki gihe.

UKO WOBIGIRA:

• Nuburanire n’umutima rugabo ingingo ngenderwako za Yehova ziri hejuru zigenga inyifato runtu wongere uzisunge.​—Yes 5:20

• Nubandanye gusenga Yehova wifatanije n’abakirisu bagenzawe.​—Heb 10:24, 25

• Niwame witeguriye kwisunga ubuyobozi ishirahamwe rya Yehova rituronsa.​—Heb 13:17

• Nuzirikane ingene Yehova yarokoye abasavyi biwe muri kahise.​—2Pt 2:9

• Nusenge Yehova kandi umwizigire.​—Zb 112:7, 8

NIMURABE IVIDEWO IVUGA NGO IBINTU BIGIYE KUBA BIZOSABA KO TUGIRA UMUTIMA RUGABO​—AGACE, MUCE MWISHURA IBIBAZO BIKURIKIRA:

• 

  Abamamaji bahuye n’ikintu ikihe gisaba kugamburuka, igihe ishengero bakukira ryashirwa hamwe n’ayandi?

• 

  Ni isano irihe riri hagati y’umutima rugabo no kugamburuka?

• 

  Kubera iki tuzokenera umutima rugabo kuri Harumagedoni?

• 

  Ni inkuru iyihe yo muri Bibiliya yotuma turushiriza kwizigira ko Yehova ashoboye kuturokora?​—2Ng 20:1-24