Akajambo k'epfo

c Abihweza utuntu n’utundi basanze ivyo kwiratira igihugu ata ho bitandukaniye n’idini. Ku bw’ivyo, abiratira igihugu mu vy’ukuri baba bariko barasenga igihimba c’ico gikoko giserukiwe n’igihugu babamwo. Mu bijanye n’ivyo kwiratira igihugu muri Leta Zunze Ubumwe za Amerika, dusoma duti: “Ivyo kwiratira igihugu, ibishobora gufatwa nk’idini, birafise vyinshi bihuriyeko n’ayandi madini akomeye ya kera . . . Muri iki gihe, uwubona ivyo kwiratira igihugu nk’idini afata igihugu ciwe nk’imana azeyeko uburaro n’uburamuko. Arumva ko akeneye gufashwa cane na co. Abona ko ari co sôko ry’ugusagamba n’agahimbare kuri we. Arakiyobokera kurya nyene abanyedini babigira. . . . Abona ko igihugu ari ikintu kizokwamaho be n’uko abana baco bapfa baciguze batuma kirushiriza kumenyekana no kuronka iteka ridahera.”—Amajambo ya Carlton J. F. Hayes, yasubiwemwo ku rupapuro rwa 359 mu gitabu What Americans Believe and How They Worship canditswe na J. Paul Williams.