Akajambo k'epfo

a Mu kwerekana inkomoko y’inyigisho, ibirori n’imigenzo myinshi vyo mu madini y’abiyita abakirisu yataye umurongo, umukaridinali wa Gatolika y’i Roma wo mu kinjana ca 19 ari we John Henry Newman yanditse mu gitabu ciwe (Essai sur le développement de la doctrine chrétienne) ati: “Umugenzo wo gukoresha insengero no kuzegurira aberanda, kuzishariza n’amashami y’ibiti mu biringo bimwebimwe; ugukoresha imibavu, ibimuri n’amabuji; amashikanwa atangwa igihe umurwayi akize; amazi ahezagiye; ivyo gusaba ubuhungiro; ukwubahiriza imisi n’ibiringo kanaka, ugukoresha ibirangamisi, ingendo nyeranda, uguhezagira imirima; imyambaro y’abasaseredoti, ukwiharanguza ku gakomokomo, impeta y’ababiranye, umugenzo wo kuraba mu buseruko, mu nyuma na ho ibishusho kumbure n’amashemezo ya Ekleziya hamwe na Kyrie Eleison [ururirimbo “Mukama, tugirire ikigongwe”], vyose bikomoka mu bapagani, ariko vyaragizwe vyeranda kubera vyemewe na Ekleziya.”