Zaburi

88 Ewe Yehova, Mana y’ubukiriro bwanje+,

ndagutabaza ku murango,

kandi no mw’ijoro nza imbere yawe+.

 2 Ese isengesho ryanje ryogushikira+!

Nutege ugutwi* ugutabaza kwanje+.

 3 Kuko ubuzima bwanje bwuzuyemwo ivyago+,

kandi ndi ku munwa w’icobo*+.

 4 Nsigaye mparurwa mu baja mu cobo*+,

kandi meze nk’umuntu atagira gitabara*+,

 5 yahebewe mu bapfuye.

Nsigaye meze nk’abantu bishwe baryamye mu mva,

abantu utacibuka

kandi utacitwararika.

 6 Wantereye mu kinogo kirekire cane,

ahantu h’umwiza, mu nyenga* nini.

 7 Waranshavuriye cane+,

imipfunda yawe isuriranya yarandengeye. (Sela*)

 8 Watumye abo tuzinanye bahungira kure yanje+,

utuma nsigara ndabashisha.

Ewe Yehova, ndakwambaza bukarinda bwira+.

Ni wewe nsenga ndugije amaboko.

11 Mbega urukundo* rwawe rwotangazwa mu kuzimu?

Ukudahemuka kwawe kwotangazwa mu kibanza c’agatikizo*?

12 Mbega ibitangaza vyawe vyomenyekana ahantu h’umwiza?

Ubugororotsi bwawe bwomenyekana mu gihugu c’abibagiwe+?

13 Ariko jewe nguma ntabaza wewe, ewe Yehova+,

nguma ndagusenga buri gitondo+.

15 Kuva nkiri umwana,

nakuriye mu magorwa kandi nkama ngarukira ku cobo+.

Nsigaye naratimvye kubera ibibi ureka bikanshikira.

16 Ishavu ryawe rirurumba ryandengeye+.

Ibintu biteye ubwoba unkorera bihakwa kunyica.

17 Birankikuza nk’amazi bukarinda bwira,

bikanyugariza impande zose*.

18 Watumye abagenzi n’abo tuzinanye bahungira kure yanje+.

Umwiza ni wo mugenzi nsigaranye.