Twihangane gushika kw’iherezo

1. Ivyanditswe biratuma

Twama twihangana.

Ivyo wize n’ivy’ukuri,

Gum’ubizirikana.

Ntunyigange mu kwizera,

Nugume ukomezwa.

Gumana kwa gutungana,

Naho wogeragezwa.

2. Rwa rukundo war’ufise

Gum’uruzigamye.

Naho uzogeragezwa,

Nugume wihanganye.

Ntukekeranye, ntutinye,

Yehov’azogukiza.

Azokwam’akuri hafi.

Azoguhumuriza.

3. Abaguma bihanganye

Ni bo bazokizwa.

Mu gitabu c’ubuzima

Ni ho bazokwandikwa.

Wame rero wihangana,

Ubigir’intumbero.

Yehova azogushima;

Wuzur’umunezero.