Ururirimbo rwa 128

Rushirizaho gukora nka kumwe kw’Abanaziri

(Guharūra 6:8)

1. Abanaziri twobigana?

Twomera nka bo none?

Bari bihebeye Yehova,

Nta wari bwabibone.

Raba nawe k’utobigira,

Umwany’uraguheranye.

Tuduz’ijwi mu gikorwa

Ryame ryumvikanye.

2. Abanaziri mu buzima

Ntibahig’amaronko.

Vyaratuma beger’Imana;

Ntitwobigana koko?

Bemey’ubuzima busanzwe

Ni co bari biyemeje.

Abatari bake n’ubu

Barabworoheje.

3. Abanaziri bar’ukundi

Bari n’ikibaranga.

Baguman’ukugamburuka;

’Mana ni yo bisunga.

K’ubu dukorana n’Imana

Aho ntidutirimuka.

Yehov’aduhezagire

Aduh’ugushaka.

4. Abanaziri baduhaye

Akarorero keza.

Tubigane tudahumanye;

Yamy’abahund’ivyiza.

Banza urimbur’igiciro

Yehov’uce wizigira.

Twihase umunezero

Wo tuzowugira.