Turemeshanye

1. Uko dukorera Yehova

Tugume turemeshanya.

Urukundo rurakomera;

Aho ntidukekeranya.

Urwo tuguma dukundana

Ruratuma twihangana.

Ishengero n’ubuhungiro,

Riratuma dutekana.

2. Ijambo rivuzwe ku gihe,

Ewe kuntu riremesha!

N’iryo tubwirwa n’abagenzi,

Ba bandi batatubesha.

Gukorana n’abavukanyi

Dusangiy’icizigiro

Biraturons’ukwihangana,

Tugahuz’iciyumviro.

3. Nariry’umusi wa Yehova

Ubandanya kwegereza,

Twame dukoranira hamwe,

Bitume twigenza neza.

Kumwe n’abasavyi b’Imana

Dushaka kumukorera.

Ni yo mpamvu turemeshanya,

Tukamugororokera.