UBUZIMA BW’UMUKIRISU
Nushemeze Yehova mu gukora ubutsimvyi
Abisirayeli bari bafise imvo zumvikana zo gushemeza Yehova. Yari yarabakuye mu Misiri yongera arabarokora mu vyara vy’ingabo za Farawo. (Kv 15:1, 2) Yehova arabandanya kugaragariza ubuntu abasavyi biwe. None twokwerekana gute ko dukenguruka?—Zb 116:12.
Uburyo bumwe ni ugukora ubutsimvyi bwo gufasha canke busanzwe. Urashobora gusenga Yehova kugira atume wipfuza gukora ubutsimvyi, aguhe n’ububasha bwo kubukora. (Fp 2:13) Benshi batangurira ku butsimvyi bwo gufasha. Urashobora guhitamwo gukora amasaha 30 canke 50 asabwa muri Ntwarante na Ndamukiza, no mu kwezi muba mufise indwi idasanzwe. Umaze kwumva ingene ubutsimvyi bwo gufasha buryoshe, woshobora guca wipfuza kwihata kugira ukore ubusanzwe. Mbere n’abafise akazi ka misi yose canke amagara make barashobora gukora ubutsimvyi busanzwe. (mwb16.07 8) Si ivy’imbeshere, birabereye ko tugira utwigoro twose kugira dushemeze Yehova!—1Ng 16:25.
NIMURABE IVIDEWO IVUGA NGO ABAVUKANA BATATU BO MURI MONGOLIYA, MUCE MWISHURA IBIBAZO BIKURIKIRA:
Ni intambamyi izihe abo bavukana batatu batsinze kugira babe abatsimvyi?
Ni imihezagiro iyihe bironkeye?
Ni uturyo utuhe baronse two kwagura umurimo aho batanguriye ubutsimvyi busanzwe?
Akarorero batanze katumye abandi bakora iki?