Zaburi

1 Hahiriwe+ umuntu* atagendeye mu nama y’ababisha+,

Atahagaze mu nzira y’abacumuzi+,

Aticaye mu cicaro c’abashinyaguzi+.

 2 Ahubwo ahimbarwa n’itegeko rya Yehova+,

Kandi itegeko ryiwe arisoma n’ijwi ritoyi umurango n’ijoro+.

 3 Azoba koko nk’igiti gitewe hafi y’imigezi y’amazi+,

Gitanga ivyamwa vyaco mu gihe caco+

Kandi amababi yaco ntakabirane+,

Kandi ico akora cose kizokunda+.

 4 Ababisha ntibameze gutyo,

Ahubwo bameze nk’umuguruka ugururwa n’umuyaga+.

 5 Ni co gituma ababisha batazohagarara mu rubanza+,

Canke abacumuzi ngo bahagarare mw’ikoraniro ry’abagororotsi+.

 6 Kuko Yehova amenya inzira y’abagororotsi+,

Mugabo inzira y’ababisha izozimangana+.