Kuva ku ndwi itangura ku wa 6 Nzero tuzokwiga igitabu Niwiyegereze Yehova
1. Kuva ku ndwi itangura ku wa 6 Nzero, ni uturyo utuhe tuzoronka two kurushiriza kwiyegereza Yehova?
1 Yehova ashaka ko tumwiyegereza. (Yak. 4:8) Mu kudufasha kubigira, kuva ku ndwi itangura ku wa 6 Nzero, tuzokwiga igitabu Niwiyegereze Yehova mu Nyigisho ya Bibiliya y’ishengero. Ku bijanye n’intumbero y’ico gitabu, ku rupapuro rwaco rwa mbere havuga hati: “Kuzirikana ku buryo Yehova agaragaza imwimwe yose muri kamere ziwe, kuraba ukuntu Yezu [Kristu] yazigaragaje ata gahaze, no gutahura uburyo na twe nyene dushobora kuzitsimbataza, bizotuma turushiriza kwiyegereza Imana.” Amashengero yaheruka kurimbura ico gitabu mu 2004 no mu 2005. Yamara, kuri benshi mu bamamaji nk’imiliyoni zibiri baje mu kuri kuva ico gihe, rizoba ari ryo rya mbere harimburwa kamere z’igikundiro za Yehova ido n’ido. Ku bari barize ico gitabu kera, kugisubiramwo bizobafasha kurushiriza gutahura kamere za Yehova.—Zab. 119:14.
2. Igitabu Niwiyegereze Yehova kizokwigwa gute?
2 Ingene kizokwigwa: Uwuyobora azotangura n’intangamarara ngufi, kumbure iryungane rimwe canke abiri. Mu mayagwa ntiherekanwa ivyanditswe bikwiye gusomwa, rero mu kiringo c’inyigisho uwuyobora azohitamwo ivyanditswe nyamukuru vyosomwa. Ku mpera ya buri nyigisho hazobazwa ikibazo kimwe canke bibiri bwa subiramwo. Niba mu mayagwa arimburwa harimwo uruzitiro ruvuga ngo “Ibibazo vy’ukuzirikanako,” ni rwo ruzoca rukoreshwa bwa subiramwo. Umwanya ubikunze, uwuyobora yoshobora gusaba ko bimwe mu vyanditswe vyatanzwe muri urwo ruzitiro bisomwa maze agaca abaza ibibazo vy’inyongera kugira abumviriza bagire ico babivuzeko.
3. Igihe tuzoba turiko turarimbura ico gitabu, ni igiki dukwiye kuzokora kandi kubera iki?
3 Nucungukireko bimwe bishitse: Nutegure imbere y’igihe naho woba warigeze kwiga ico gitabu. Nugire uruhara mu gutanga insasanuro, kuko ivyo bizoshemeza Yehova, bigufashe kwibuka ivyo wize vyongere bigirire akamaro abumviriza. (Zab. 35:18; Heb. 10:24, 25) Uko uzozirikana kuri kamere ntangere za Yehova, ni ko uzorushiriza kumwiyegereza. (Zab. 77:11-13) Ivyo bizotuma urushiriza kwiyemeza kugamburuka amabwirizwa yiwe wongere urushirize kwumva uvyuriwe umutima wo kubwira abandi ibimwerekeye.—Zab. 150:1-6.