12 Hazayeli abibonye aramubaza ati “databuja ararizwa n’iki?” Elisa aramusubiza ati “ni uko nzi neza ibibi+ uzakorera Abisirayeli. Imigi yabo igoswe n’inkuta uzayitwika, abagabo babo b’intwari uzabicisha inkota, abana babo uzabajanjagura,+ n’abagore babo batwite ubafomoze.”+

32 Icyo gihe Yehova yatangiye kugenda yambura Isirayeli tumwe mu turere twayo. Hazayeli+ yagabaga ibitero mu turere twose twa Isirayeli,

33 kuva kuri Yorodani ugana mu burasirazuba, akarere ka Gileyadi kose,+ ak’Abagadi,+ ak’Abarubeni+ n’ak’Abamanase,+ kuva kuri Aroweri+ iri mu kibaya cya Arunoni, ndetse n’i Gileyadi n’i Bashani.+

7 Yehowahazi nta bantu yari asigaranye, uretse ingabo mirongo itanu zigendera ku mafarashi, amagare y’intambara icumi n’abagabo ibihumbi icumi bigenza,+ kuko umwami wa Siriya yari yarabarimbuye,+ akabahindura nk’umukungugu wo ku mbuga bahuriraho.+