Ezekiyeli
19 “Uzaririmbe indirimbo y’agahinda, uririmbire abatware ba Isirayeli, 2 uti:
‘Mama wawe yari iki? Yari intare y’ingore hagati y’izindi ntare.
Yaryamaga hagati y’intare zikiri nto* zifite imbaraga, akarera ibyana bye.
3 Yareze kimwe mu byana bye, gihinduka intare ikiri nto ifite imbaraga.+
Cyize gutanyagura inyamaswa cyafashe,
Ndetse kikarya abantu.
4 Amahanga yumvise ibyacyo maze agifatira mu mwobo
5 Iyo ntare yarategereje, iza kubona ko nta cyizere cy’uko icyo cyana cyayo cyari kugaruka.
Nuko ifata ikindi cyana cyayo cyari kikiri gito gifite imbaraga, irakirekura ngo kigende.
6 Na cyo cyagendagendaga hagati y’izindi ntare maze gihinduka intare ikiri nto ifite imbaraga.
Cyize gutanyagura inyamaswa cyafashe, ndetse kikarya abantu.+
7 Cyazereraga mu minara ikomeye y’abantu, kigasenya imijyi yabo
Ku buryo igihugu cyahindutse amatongo, cyuzura urusaku rwo gutontoma kwacyo.+
8 Nuko amahanga yari agikikije araza aragitera, agitega urushundura
Maze gifatirwa mu rwobo rwayo.
9 Amahanga yagikuruje utwuma twihese, agifungira mu kintu,* agishyira umwami w’i Babuloni.
Yagifungiyeyo kugira ngo urusaku rwacyo rutongera kumvikanira mu misozi ya Isirayeli.
10 Mama wawe yari ameze nk’umuzabibu+ mu maraso yawe,* umuzabibu watewe iruhande rw’amazi.
Weze imbuto kandi ugira amashami menshi kuko wari ufite amazi menshi.
11 Wagize amashami* akomeye yavamo inkoni z’abatware.
Wabaye muremure, usumba ibindi biti byose,
Ukajya ugaragara cyane kubera uburebure bwawo n’amashami yawo menshi.
Amashami yawo akomeye yaracitse aruma,+ hanyuma umuriro urayatwika.+
14 Umuriro waturutse mu mashami* yawo, utwika ibyawushibutseho n’imbuto zawo,
Ntihagira ishami rikomeye risigara, ntiwongera kubonekaho inkoni y’ubutware.+
“‘Iyo ni indirimbo y’agahinda kandi izakomeza kuba indirimbo y’agahinda.’”