Fasha abana bawe kwizera Umuremyi mu buryo butajegajega

Ibyaremwe bitangaza ikuzo rya Yehova (Zb 19:1-4; 139:14). Isi ya Satani yo, yigisha inyigisho zitesha Imana agaciro, ku birebana n’inkomoko y’ubuzima (Rm 1:18-25). Wakora iki ngo urinde abana bawe imitekerereze nk’iyo? Kuva bakiri bato, jya ubafasha kwemera ko Yehova abaho kandi ko abitaho buri wese ku giti cye (2Kr 10:4, 5; Ef 6:16). Jya ugerageza gutahura ibyo bize ku ishuri, maze wifashishe ibintu bitandukanye kugira ngo ubagere ku mutima.​—Img 20:5; Yk 1:19.

EREKANA VIDEWO IVUGA NGO ICYO BAGENZI BAWE BABIVUGAHO​—ESE WEMERA KO IMANA IBAHO? MAZE MUSUZUME IBI BIBAZO:

• Ni iyihe mitekerereze idakwiriye abantu benshi bafite ku birebana no kwizera Imana?

• Ku ishuri babivugaho iki?

• Ni iki kikwemeza ko Yehova abaho?

• Ni iki wakora ngo ufashe umuntu kwemera ko Imana ari yo yaremye ibintu byose?