IMIBEREHO IKWIRIYE ABAKRISTO

Jya wigana urukundo rudahemuka rwa Yehova

Yehova arusha abantu bose kugaragaza urukundo rudahemuka (Zb 103:11). Urwo rukundo si rwa rundi rumara akanya gato, rugahita rushira. Ahubwo ni urukundo rukomeye kandi rudashira. Yehova yagaragarije Abisirayeli urwo rukundo mu buryo butandukanye. Urugero, yabakuye muri Egiputa abajyana mu Gihugu cy’Isezerano (Zb 105:42-44). Nanone yarabarwaniriraga kandi iyo bamuhemukiraga, yarabababariraga (Zb 107:19, 20). Ubwo rero, iyo tuzirikanye “ibikorwa bigaragaza ineza yuje urukundo ya Yehova” cyangwa urukundo rwe rudahemuka, bituma twifuza kumwigana.—Zb 107:43.

Amafoto: Amashusho yavuye muri videwo ivuga ngo: “Mwitondere ibikorwa bigaragaza urukundo rudahemuka rwa Yehova.” 1. Umuvandimwe Capra n’undi muvandimwe basuye mushiki wacu iwe mu rugo. 2. Umuvandimwe Capra afunzwe ari kumwe n’abandi bavandimwe. Arimo guha ibyokurya umuvandimwe urwaye uryamye.

MUREBE VIDEWO IVUGA NGO: “MWITONDERE IBIKORWA BIGARAGAZA URUKUNDO RUDAHEMUKA RWA YEHOVA,” HANYUMA MUSUBIZE IBI BIBAZO:

Twakora iki kugira ngo tugaragarize abandi ko tubakunda urukundo rudahemuka?

Andika igisubizo cyawe
Kuki kugaragariza abandi urukundo rudahemuka bisaba kwigomwa?

Andika igisubizo cyawe