Ibisobanuro ahagana hasi ku ipaji

g Dukurikije ibyo bisobanuro, twasanga amateka yose ya Aburahamu arushijeho gusobanuka mu bundi buryo. Ntabwo Imana yarimo isaba Aburahamu kwica umuhungu we ngo igerageze ukwizera kwe gusa, ahubwo bwari n’uburyo bwo kumvisha abantu ko na yo ubwayo yari igiye kugira igitambo itamba, gutamba uwo yakundaga cyane ku bw’inyungu z’iteka z’abantu bose. Uwari gutangwa yagombaga kuba ari Urubyaro rwa Aburahamu ubwarwo, ari na rwo Imana yari yarasezeranyije ko ari “mo amahanga yose yo mu isi azaherwa umugisha.” (Itangiriro 22:10-12, 16-18; gereranya na Yohana 3:16.) Kuba bihuje kandi n’ibitekerezo bikubiyemo bikaba byumvikana neza kandi bitaziguye, birahagije ku buryo nta wavuga ko byapfuye guhurirana gutya gusa cyangwa se ko byaba byarakozwe ku bw’ubushake bw’abantu gusa.