Ibisobanuro ahagana hasi ku ipaji

c Intiti zivuga ko abo bagabo bari barahize umuhigo w’Ubunaziri (Kub 6:1-21). Ni iby’ukuri ko Amategeko ya Mose, ari na yo yagengaga umuhigo nk’uwo, yari yarakuweho. Icyakora, Pawulo ashobora kuba yaratekereje ko bitari kuba ari bibi, abo bagabo bahiguye umuhigo bahigiye Yehova. Ku bw’ibyo rero, ntibyari kuba ari bibi abishyuriye ibyo bari bakeneye kandi akajyana na bo. Ntituzi neza uwo muhigo uwo ari wo, ariko uko waba wari uri kose, Pawulo ntiyigeze ashyigikira gutamba ibitambo by’amatungo (nk’uko Abanaziri babigenzaga), atekereza ko byari gutuma abo bagabo bezwaho icyaha cyabo. Igitambo gitunganye cya Kristo cyari cyaratumye ibyo bitambo bitagira agaciro ko gukuraho ibyaha. Icyo Pawulo yaba yarakoze cyose, dushobora kwiringira tudashidikanya ko atigeze yemera gukora ikintu icyo ari cyo cyose kinyuranyije n’umutimanama we.