INGINGO YA 1

Intangiriro nziza

Ibyakozwe 17:22

INSHAMAKE: Intangiriro yawe yagombye kuba ishishikaje, igaragaza neza inyigisho ugiye kwigisha n’impamvu yagombye gushishikaza abaguteze amatwi.

Fasha abaguteze amatwi gushishikarira ibyo ugiye kwigisha. Jya utoranya ikibazo cyangwa uvuge amagambo, ibintu byabayeho, cyangwa ibyavuzwe mu makuru bishobora kubashishikaza.

Jya utekereza mbere y’igihe ibishishikaza abaguteze amatwi n’ibibahangayikishije, maze ubihuze n’intangiriro yawe.
Garagaza neza inyigisho ugiye kwigisha. Sobanura neza icyo ugiye kwigisha n’icyo wifuza ko bamenya.
Garagaza akamaro k’inyigisho. Huza inyigisho n’ibyo abaguteze amatwi bakeneye, ku buryo buri wese asobanukirwa neza icyo imumariye.

Mu gihe utegura ikiganiro, jya wibaza uti: “Ni ibihe bibazo abavandimwe na bashiki bacu bahanganye na byo?” Noneho utegure intangiriro ihuje neza n’ibyo bakeneye.