Өлбүттэргэ ханнык эрэл баарый?

1. Өлбүт дьону инникитин туох күүтэрий?

Иисус Лазарь диэн доҕордоох этэ. Кини Иерусалим аттыгар баар Вифания диэн дэриэбинэҕэ олороро. Биирдэ Лазарь ыалдьан өлбүтэ. Иисус кэлэригэр кини өлбүтэ номнуо түөрт күн буолбута. Иисус Марфалаах Марияны кытта кини уҥуоҕар барбыттара. Сотору кэминэн онно элбэх киһи мустубута. Бары көрөн турдахтарына Иисус Лазары тилиннэрбитэ. Марфа уонна Мария кини тиллибитин көрөн төһөлөөх үөрбүттэрэ буолуой! (Иоанн 11:21—24, 38—44 ааҕыҥ.)

Марфа өлбүттэр тустарынан үчүгэй сонуну билэр этэ. Кини Иегова өлбүт дьону сирдээҕи олоххо тилиннэриэ диэн итэҕэйэр этэ. (Иоанн 11:24 ааҕыҥ.)

2. Киһи өллөҕүнэ туруга хайдах буоларый?

Киһи «буор күдэниттэн» оҥоһуллубута (Айыллыы 2:7; 3:19). Киһи эттэн-сиинтэн турар. Ити киһи тыын буолбатаҕын көрдөрөр. Ол иһин киһи өллөҕүнэ тыына быстар уонна салгыы олорбот. Киһи өллөҕүнэ мэйиитэ эмиэ өлөр, онон туох баар өйө-санаата эмиэ сүтэр. Лазарь тиллэн баран өлүү кэнниттэн олох баарын туһунан тугу да кэпсээбэтэҕэ, тоҕо диэтэххэ өлүү кэнниттэн олох диэн суох. (Саалтыыр 145:4; Иоанн 11:11—14 ааҕыҥ.)

Таҥара дьону адка эрэйдиир дуо? Биибилийэҕэ этиллэринэн өлбүттэр тугу да билбэттэр. Ол аата умайа турар ад туһунан үөрэх сымыйа буолар. Бу маннык үөрэх Таҥара туһунан сымыйа өйдөбүлү үөскэтэр. Иегова таптал Таҥарата буоларын быһыытынан дьону итинник хаһан да эрэйдиэ суоҕа этэ. (1 Иоанн 4:8 ааҕыҥ.)

Видеоролигы көрүҥ «Киһи өллөҕүнэ туох буоларый?»

3. Өлбүттэр биһигини кытта кэпсэтиэхтэрин сөп дуо?

Өлбүттэр саҥарар да, истэр да кыахтара суох (Саалтыыр 113:25). Ол эрээри өлбүт киһи аатыттан дьону кытта кэпсэтэр кыахтаах куһаҕан тыыннар бааллар (2 Петр 2:4). Ол иһин Иегова дьоннор өлбүттэри кытта кэпсэтэллэрин бобор (Второзаконие 18:10, 11, СД). (Галаттарга 5:20, 21 ааҕыҥ.)

4. Ким тиллиэҕэй?

Мөлүйүөнүнэн дьоннор тиллиэхтэрэ. Оннооҕор Таҥараны билбэккэ сыыһа быһыылана сылдьыбыт дьоннор тиллиэхтэрэ. (Лука 23:43; Апостоллар 24:15 ааҕыҥ.)

Тиллибит дьоҥҥо Таҥара туһунан кырдьыгы билэргэ уонна Иисуска итэҕэйэргэ кыах бэриллиэ (Арыллыы 20:11—13). Кинилэртэн сөпкө быһыыланааччылар ырай сиригэр үйэлэр тухары олоруохтара. (Иоанн 5:28, 29 ааҕыҥ.)

5. Иегова өлбүттэри тилиннэриэн баҕарара кини туһунан тугу көрдөрөрүй?

Таҥара бэйэтин Уолун биһиги туспутугар олоҕун биэрдин диэн сиргэ ыыппыта. Иисус өлбүтэ дьоҥҥо тиллэр кыаҕы биэрбитэ. Иегова өлбүттэри тилиннэриэн баҕарара кини улуу тапталын уонна үтүө санаатын туоһулуур. Өлбүттэр тилиннэхтэринэ, эн бастатан туран кими кытта көрсүөххүн баҕарыаҥ этэй? (Иоанн 3:16; Римляннарга 6:23 ааҕыҥ.)