137 ЫРЫА
Үтүөкэн, эрэллээх дьахталлар
(Римляннарга 16:2)
1. Сарра, Эсфирь, Ревекка, Руфь, Мария.
Бу үтүөкэн, эрэллээх дьахталлары
Аар Тойон мэлдьи ахтар, күүскэ таптыыр.
Амарах, сымнаҕас майгылаах буолан
Үтүө холобуру көрдөрөллөр,
Ааттара хаһан да умнуллубат, сүппэт.
2. Холку, дэлэй, элэккэй бэйэлээхтэр,
Дьоҥҥо-сэргэҕэ истиҥ сыһыаннаахтар,
Киһини үөрдэр үтүө быһыылаахтар.
Махтал буоллун бу эдьиийдэргэ өрүү.
Батыһабыт кинилэр суолларын,
Майгынныы сатыыбыт кинилэргэ мэлдьи.
3. Ийэ, ойох, эдьиий, оҕо, огдообо,
Үтүө дьыалаҕа көхтөөхтүк кыттаҕыт.
Истигэн буолуу — сүрэххит кэрэтэ,
Таҥара иннигэр күндү киэргэлэ.
Эдьиийдэр, Айыы Тойон эһиэхэ
Бараммат олоҕу бэлэхтиир санаалаах.
(Ону таһынан Флп. 4:3; 1 Тим. 2:9, 10; 1 Петр 3:4, 5 көрүҥ.)