Улуу мотуок: Таҥара тылын ким истибитэй?

Ной саҕана дьон үксэ куһаҕаны оҥороро. Бытие 6:5

Адамнаах Ева оҕолононнор сиргэ дьон элбээбитэ. Сотору кэминэн сорох аанньаллар Таҥара утары өрө турууга Сатанаҕа кыттыспыттара.

Кинилэр дьахталлары кэргэн ылаары, киһи курдук эттэнэн сиргэ түспүттэрэ. Ол түмүгэр дьахталлар аһыныгаһа суох, киһиттэн ураты күүстээх дьону төрөппүттэрэ.

Аан дойду куһаҕан санаалаах дьонунан туолбута. Библия этэринэн дьон өйө-санаата уонна быһыыта-майгыта куһаҕаны оҥорорго охтубута.

Ной Таҥара тылын истэн, улахан ковчегы туппута. Бытие 6:13, 14, 18, 19, 22; Еврейдэргэ 11:7

Ной үчүгэй киһи этэ. Иегова Нойга куһаҕан дьону уу мотуогар өлөрөр санаалаҕын туһунан эппитэ.

Ону таһынан Таҥара Нойга олус улахан хараабылы эбэтэр ковчегы тутарын туһунан сорудах биэрбитэ. Онно кини бэйэтин дьиэ кэргэнин уонна арааһынай кыыллары киллэриэхтээх этэ.

Ной дьоннору уу мотуога кэлиэ диэн сэрэппитэ. Ол гынан баран кинилэр Ной тылын истибэтэхтэрэ. Ким эрэ кинини күлүү-элэк гынара, ким эрэ абааһы көрөрө.

Ковчег тутуллан бүппүтүн кэннэ, Ной онно кыыллары киллэртээбитэ.