Néndoo ge 6

Ddi bba to Bbeekon le Allah wa

Bbeekon le Allah to rawa. (1) Na bba to Mbai dea wa. (2)

See deouje ge rang d’a kon bbee se Mbai wa. Boo lee oiyo ndaà, deen kanda wa. (3)

Ddi bba woji to ge j’ishije mee ndo ge rudu wa. (4)

See ddi bba Bbeekon le Allah a ra kàr deouje mee ndo ge rang’d wa. (5-7)

1. Loo ge Jesu shi do nang nee bei lé, yeen ndoo njékwakillaje kàr dee ra tamaji mba Bbeekon le Allah. Bbeekon lé, to gouvernement ge Mbai ge njégelbbee bba unn dea. Bbeekon le Allah lé to gouvernement ge to’d kemee bbed. Yee to mee dara’d nu bba a kon bbee do nang nee. Yee a ra kàr ri Allah to qe kemee bbed kàree àr ngat-ngat. Yee a ra kàr torndu le Allah ra do nang nee to ge ra ne dara bèe to.​—⁠Matthieu 6:​9, 10.

2. Allah unn ndia pana Jesu bba a to Mbai do Bbeekon le neen. (Luc 1:​30-33) Loo ge Jesu shi do nang neelé, yeen wöji’d raga tësërë to ge yeen a to Mbai ge maji, to njémeekarabasur lem, maji or njorong lem to. Loo ge yeen tel aou dara lé d’ula mbai dea’d kalang qe Mbai do Bbeekon le Allah el. (Hébreuje 10:​12, 13) Nê mee bbal ge 1914 ndaà Jéhovah àr Jesu tögmbang ge unn ndia ketté mba karee lé. Unn kudee mee bbalee genn lé, Jesu aou on bbee; yeen to Mbai ge Jéhovah unda mee dara’d.​—⁠Daniel 7:​13, 14.

3. Lem bba Jéhovah or dingamje qe denneje do nang nee mba kàr dee d’aou dara. Deen d’a kon bbee se Jesu do deouje’d qe mbaije, njerasariyaje lem bba qe njérasakrificeje lem to. (Luc 22:​28-30; Lookillaréa 5:​9, 10) Jesu bbar dee “nékulje ge séen” deen ge d’a kon sea bbee mee Bbeekon’d lea. Deen d’as 144 000.​—⁠Luc 12:32, NW; Lookillaréa 14:​1-3.

4. Loo ge Jesu to Mbai ndaà, leegeneeya, yeen tuba Satan qe kuraje lea ge njémeeyèrje mee dara’d om dee par ge do nang nee. Gelee ge nee bba unn kudee mee bbal ge 1914 saar bbogenè lé néje lai njaa goo nan’d majel do nang nee. (Lookillaréa 12:​9, 12) Röje, bbooje, moeije, deouje d’illa koji do tôrndu’d el ge ketté-ketté, néje lai neelé to ‘ndaji-né’ ge wöji to ge Jesu aou on bbee lem to ge néje ge do nang nee d’uru mee ndo ge rudu’d le dee lem to.​—Matthieu 24:​3, 7, 8, 12; Luc 21:10, 11; 2 Timothée 3:​1-5.

5. Waga ndaà Jesu a gang sariya do deouje’d a kor kem dee to ge njékuldaje or ne kem badje qe byanje lea bèe. “Badje” to deen ge meen dee kara ba sur se Jesu. Deen d’a kinga kheme ge qe non do nang nee. “Byanje” to deen ge d’os Bbeekon le Allah reou. (Matthieu 25:​31-34, 46) Lam bèe ndaà, Jesu a tuji dee deen ge to tana qe byanje lé. (2 Thessalonicienje 1:​6-9) Boo lee sein ndigije toje “badje” le Jesu ndaà, maji kàr si lelje mbi si maji ooje ne ta ge wöji do Bbeekon le Allah lem néje ge sein aou ndooje lé raje ne kulla lem to.​—⁠Matthieu 24:14.

6. Bbogenè, do nang lè, kai’d gelee-gelee as bbeeje bula. Nana kârâ aou’d gouvernement lea. Bbeeje neelé d’aou rö nan qe ndoje lai. Nê Bbeekon le Allah a taa tôr gouvernementje le deouje lai. Yee ge karee a to gouverment ge a kon loo do nang nee lai. (Daniel 2:44) Yenn ndaà, rö kara kâra a goto lem, tolnan qe ra gaim a goto lem to. Deouje lai d’a shi nan’d qe laphia qe kom nan’d sad.​—⁠Michée 4:3, 4.

7. Mee bbal’d ge 1 000 le gouvernement le Jesu lé, deouje ge to mweiseije lé d’a tel maji kor njorong tobei do nang nee lai a tel paradis. Bbal ge 1 000 lé, loo ge rudee unn ddiao ndaà, Jesu a gol do néje lai ge Allah dejee karee ra lé. Yenn nga yeen a tel’d Bbeekon lé kàr Baubee. (1 Corinthienje 15:​24) See mba ribba orje gel néje ge Bbeekon le Allah a’d ra neelé arjé noji sije esé kuramarsije d’oo el wa.

[Foto ge to mee mbeteʼg 13]

Ginn Bbeekon’d le Jesu lé, kenjinan bein-bein a goto, sariya ge gang ketté’d mindé ba a goto lem to