Néndoo ge 8

Goso loo shi le Njémeekeije ge taa kem Allah

Mee kei’d lé kula le dingam to riwa. (1)

See ngao denné lé a ra denné lea bann wa. (2)

See kulaje ge woji do bau to riwa. (3)

See denné lé kula rea to ri mee kei’d wa. (4)

See ribba Jéhovah aou ngina ro njékoji ngannje’d lem ro ngannje’d lem wa. (5)

Ta ribba Bible pa woji do tin-nan lem ge til mbeté mariage wa. (6, 7)

1. Bible pana dingam bba to deou do njémeekeije lea. (1 Corinthienje 11:⁠3) Dingam as taa denné kara ba bèe. Deen d’a taa nan non njékonbbeeje’d.​—⁠1 Timothée 3:2; Tite 3:⁠1.

2. Ngao denné lé a ndigi denné lea to ge da rea bèe. Yeen a ra denné lea to ge Jesu ra ne njékwakillaje bèe. (Ephésienje 5:​25, 28, 29) Yeen a kunda denné lea pai el lem yeen a rea majal se goso ge rang el lem to. Nê yeen a k’ula ribbar dea’g lem a k’illa koji dea lem to.​—⁠Colossienje 3:19; 1 Pierre 3:7.

3. Bau a ra kula yaan qe tögee mba kodo ne njémeekeije lea. Yeen a kàr néso, kubu, lootoo denné lea qe nganneeje lem to. Bau a k’unda kemee goo néso ge ndil’d le njemeekeije lea. (1 Timothée 5:⁠8) Yeen ya a to deou ge dotar ge a la se njémeekeije lea kàr dee ger Allah maji lem ger meendigi lea lem to.​—⁠Godndu 6:​4-9; Ephésienje 6:⁠4.

4. Denné a la see ngabee maji. (Ginn-né 2:⁠18) Yéen a la sea kàree ndoo’d né lem twojid’d né ngannje lem to. (Gosota 1:⁠8) Jéhovah ndigi kàr denné wa njémeekeije lea bur-bur qe meenoji. (Gosota 31:​10, 15, 26, 27; Tite 2:​4, 5) Yéen as tedkag ngabee qe meenda kain to.​—⁠Ephésienje 5:​22, 23, 33.

5. Allah deji ngannje kàr dee d’illa koji do njékojideeje’d. (Ephésienje 6:1-3) Yeen unda méee do njékojingannje’d bba mbata ndoo’d ngannje né lem mba ndang dee’d lem to. Maji kàr njékojingannje d’ishi se ngann deeje nan’d lem ndoo se dee Bible nan’d lem to, to ge beè bba d’a k’unda ne kem dee goo néso ge kan ndil’d le dee’d lem qe ndigi nan ge dann dee’d lem to. (Godndu 11:​18, 19; Gosota 22:​6, 15) Njékojingannje d’as kwoji ngann deeje kemkàr qe ong pai el lem d’a k’ula kem dee ndôo el lem to.​—⁠Colossienje 3:⁠21.

6. Loo ge njétaananje gos dee aou nan’d el ndaà, maji kàr dee sang reou njaa goo kwöji ta’d le Bible. Bible deji ci kàr ci jeen ndigije nan lem qe kàr mee ci osolemsé do nan’d lem to (Colossienje 3:​12-14) Ta le Allah os kil ci to ge tin-nan bba to reou k’or ngann taje ge séen-séen dann ci’d el. Nê banelle denné ndigi ndaà a tin-nan qe ngabee (1) boo lee yeen ra do ngang ndigi k’odo njémeekeije lea el, (2) boo lee ngabee aou ra sea gaim ge a teen sea tuji’d esé (3) yeen illa kag nea’d ogee loo ra kula le Jéhovah.​—⁠1 Corinthienje 7:​12, 13.

7. Njétaananje lé maji kàr dee to mweiseije le nan. Modkaiya lé to kaiya ge i ra non Allah’d lem non deou’d ge i tea lem to (Hébreuje 13:⁠4) Modkaiya ya kara ba to kuman til mbeté mariage kàr Chrétien inga tâ reou mba taa deou ge rang. (Matthieu 19:​6-9; Romainje 7:​2, 3) Til mbeté mariage qe mindé ba lal tôrndu Bible mba tel taa deou ge rang lé majel kem Jéhovah’d.​—⁠Malachie 2:​14-16.

[Foto ge to mee mbeteʼg 16, 17]

Bau ge maji lé odo njémeekeije lea bur-bur daro’d lem ndil’d lem to

[Foto ge to mee mbeteʼg 17]

Allah unda méee do njékojingannje’d bba mba ndoo dee’d né lem mba ndang dee’d lem to