Néndoo ge 15

La se deouje ge rang àr dee ra mee ndigi le Allah

See mba ribba a ra kàr deouje ge rang ger né ge i ndoo lé wa. (1)

See na bba as pa ta ge maji neelé k’aree oo wa. (2)

See panjaai a ra kula bann ro deouje’d ge rang wa. (2)

See ndo ge rabba a k’as kem k’illa mbér qe kongrégation wa. (3)

1. Baciné, Bible twojii néje ge maji-maji bula yaan. Néger neelé as ra sei kàri unn daro ge cigi ge kan Chrétien. (Ephésienje 4:22-24) Néger ge neelé bba to kuman kinga ne kheme ge qe non. (Jean 17:⁠3) To ge bèe bba, deouje ge rang kârâ d’aou ndôo koo ta ge maji neelé mba kinga ne kaji to. Chrétienje ge togero lé deen lai d’as k’illa mbér. To godndu Allah.​—​Romainje 10:10; 1 Corinthienje 9:16; 1 Timothée 4:⁠16.

2. I as tum gel pata néje ge maji yaan ge i ndoo neelé k’ar njé ge roi’d deb d’oo. Pa tea àr njénojije lei, marije, njeboa ékoleje lei qe njéboakulaje lei. Loo ge i aou pa tea ndaà ra qe ndu meemaji lem qe meekilla lem to. (2 Timothée 2:​24, 25) Ar meei wei el kula rai bba deouje d’unda kem dee goo’d yaan boo ta ge tai’d ba el. Kula rai ge maji as ra kàr deouje lel mbi dee d’oo ne ta ge i ndigi k’ula dee.​—⁠Matthieu 5:16; 1 Pierre 3:​1, 2, 16.

3. Kàree a ree, loo ge kula rai a k’aou nan’d qe godndu Bible ndaà, a kunn kudu k’illa mbér qe kongrégation le Témoinje le Jéhovah ge roi’d deb. Yee bba to né ge dotar ge a ra mba k’aou ne kemi’d ketté. (Matthieu 24:14) Rolel ge bann bba a k’inga ne loo ge i la qe deou àree tel ngonnjékishi le Jéhovah lem inga kheme ge qe non lem wa!​—⁠1 Thessalonicienje 2:​19, 20.