Allah Lé See Nanje Bba To Kuramareeje Wa

Jesu Kristi lé to ngole Jehova lem yeen to kuramaree ge ged lem to. Ketté kˈaree ree do nang nee qe deou bei lé, Jesu shi dara yeen to ndil ge njesingamong (Jean 17:5). Geeeˈg yeen ree do nang nee ndoo deouje kankemta do Allahˈg (Jean 18:37). Yeen ar da rea ge nékôga do deouje ge njekillakojije mba kor dee ne tâ kaiyaˈg qe tâ yooˈg to (Njé ge Rome 6:23). Bacinè Jesu to Mbai do Bbeekon le Allah ge to gouvernement ge dara ge a ra do nang nee kˈaree tel Paradis​—Lookillarea 19:16.

Allah lé kuraje ge dara kârâ to kuramareeje. Kuraje ge dara lé dˈishi do nang nee ketté to ge deouje bèe el. Allah unda dee dara ketté bba ra nang nee bei ( Job 38:4-7). Kuraje neelé dˈas million bula (Daniel 7:10). Deen ge to kuramar Jehova ge dˈishi dara neelé ndigi kˈar deouje ger kankemta ge woji dea.​—Lookillarea 14:6, 7.

Do nang nee kârâ Allah aou ge kuramareeje. Yeen bbar dee témoinje lea. Loo sariyaˈg lé, deou ge to témoin lé to njékorgoota né ge ger do deouˈg esé do néˈg. Témoinje le Jehova kârâ dˈulà deouje lai tar néje ge deen ger do Jehovaˈg lem do mee ndigiˈg lea lem to (Esaïe 43:10). To ge kuraje ge dara bèe lé, Témoinje kârâ ndigi la sei kari ger kankemta ge do Jehovaˈg. Deen ndigi kari i kârâ to kuramar Allah to.