A To Kuramar Allah Saar-saar Qe Non!

Kinga kuramar lé deji kunda singa do mareeˈg; kar kuramari nai sei kârâ to ge bèe ya to. Boo lee i unda singai do mareeˈg mba to né kuramar Allah esé mba shi ne sea ndaà, i a kinga ndutorje bula. Jesu ula nje ge dˈom meen dee deaˈg pana: “Sein a gerje kankemta ndaà kankemta lé a bor kulla do siˈg mböji ya.” (Jean 8:32). Ta neelé méee bann wa.

I askem kor kulla bber doiˈg bbogenè. I as kor doi kulla bberˈg le meekunnje ge ngom lem qe tangomje ge Chéitan ra aree taa loo pël-pël lem to. I as kor roi dann deoujeˈg bula yaan ge ger Jehova el ge nekunda meen yel doˈg le dee goto (Njé ge Rome 8:22). Deen ge to kuramar Allah lé dˈor do dee kulla bberˈg to bbel yoo.​—Hébreuje 2:14, 15.

I askem kor kulla bber doiˈg Paradisˈg do nang nee. Ndoje ge a ree ketté non lé i askem kor doiˈg kulla bberˈg qe non. Do nang ge a tel Paradis lé rö, qe moei qe néra deouje ge kôri-kôri qe tol nan a goto. Ndôo ge bboo a goto. Deou a bbuga el lem a kwei el lem to. Kula bbel mee deoujeˈg lem, kula kem nan ndôo esé sariya ge qe donajee el a goto lem to. Bible pa ta woji do Allah: “I  nja teen mee jii yerere ndaà néje lai ge dˈaou khemba lé i ar dee né ge dˈaou ndéee aree as dee nag-nag.”​—Pakosje 145:16.

Allah lé kuramareje dˈa shi khemba qe non. Kheme ge qe non lé to nojikwa ge maji dum ge Allah woji mba kar deouje lai ge sang reou kor sea kura (Njé ge Rome 6:23). Enji lam do néje lai ge i as ra loo ge i a shi khemba qe non!

I a kinga ngira kàr mba ra néje bula. Banelle a ndigi ndoo kim kundu-kondè kos ne pa. Esé a kaou ra dessin esé ra kula kinja-kag. Banelle i a ndigi ndoo né ge woji do ger daje esé ger kagje. Esé mal kaou mbä koo do bbeeje ge rang qe koo deouje ge rang a rai lem to. I askem ra néje nee lai mbol do kheme ge qe non!

I a kinga ngira kàr mba kor né kuramarje bula. Kheme ge qe non a kor târeou kari inga deouje ge denné qe dingam ge deen kârâ to kuramar Allah to. Kemi a kinja do néra dee ge maji lem qe hal dee ge maji lem, bba deen dˈa tel kuramarije lem to. I a kunda dee dann kemiˈg lem, deen kârâ dˈa kundai dann kem deeˈg lem to (1 Njé ge Corinthe 13:8). Mbol do kheme ge qe non lé, i a kinga loo mba tel kuramar deouje lai do nang nee! Né ge maji ur do mareeje lai lé, bbalje ge tol-tol bula lé kor kura lei qe Jehova a ngeng ngeng-ngeng. I ra ar Allah to kuramari saar saar qe non!